1 SAMUELA 14:36 - Mara Bible RV (BSI)

³⁶ Chatawhcha Sawla ta, “Zâ ta Philistinâ mo a zâ dyuh ei sih la, my khih pavâna taihta hrao ei suh u, pakha hmah pahlôh kha ei suh u,” tah ta. Âmo ta, “Pha na tahpa maih tao mah y,” tah ei ta. Theihthaipa deikua ta, “He liata Khazohpa a hnia tua ei suh u,” tah ta.

1 SAMUELA 14:36 ပူးပေါင်းရင်းမြစ်များ

HLAZY 73:28

Kei châta deikua cha, Khazohpa a hniapa he a pha na; Abeipa Zehôvâh cha ei chhaina ta hmâh na ta, Na raihria kyh zydua ei chho lymâ aw.

ISAI 58:2

Hmo dopa a taopa râh hawhta â hmô ei ta, Ama Khazohpa ryureina a heihsai leipa hawhta amâ pachâ; Noh chareih na tlua ei ta, Ei lâpizy a pahno khohpa amâ palyusa. Pachiana dopa na hiah ei ta, Khazohpa a hnia awpa a a tlaichhai kawpa ama lyu.

ZEREMIAH 6:5

Thyu teh u, zâ ta siehnao sih la, Abei ozy kei parao suh u!” ama tah.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.

ZAWSUA 10:19

Nâmo deikua cha, cha liata y khuh vy. Nama chariahzy a chadai u la, hnôh a chhâhpazy tawhta thie lymâ u la, ama khihpizy pangiasa khuh vy. Abeipa nama Khazohpa ta âmo cha nama ku liata a cha pie ha ei,” tah ta.

ZAWSUA 11:14

Cha khihpizy hraona sôh zydua nata sahrohzy cha, Izarei sawzy ta hraona sôh châta a la ei ta, chyhsapa deikua cha ama pahleipadia khaina taihta zaozi ta thie ei ta, husona a hneipa khâpa hmah pahlôh veih ei.

1 SAMUELA 1:23

A vahpa Elkânâ ta a hnohta, “Pha na tahpa hawhta tao mah y. Sâhpi a pathleihna taih cha hâ chy la, Abeipa ta a bietai cha patlô mawh sy,” tah ta. Chatanachata chanô cha o liata y ta, hawtipa cha sâhpi a pathleihna taihta mohôh ta.

1 SAMUELA 11:11

A mylâ ta Sawla ta Izarei phopi cha py thôh ta pachhaih ta, my vaina daihti liata Amawna mo riehmo cha a ngia ei ta. Amawna mo cha nohchhô lochona taihta thie lymâ ei ta, a hroh tlakaihpazy cha a râpai khai ha ei ta, pano ta a y khohpa dâhdei chhao hmôpa y khao veih ei.

1 SAMUELA 14:3

Ephaw a kypa Ahiza chhao ama hry liata a hlao hra ta. Ano he Ikhabaw unawhpa Ahitu sawchapawpa châ ta, Ikhabaw cha Phinehâ sawchapawpa châ ta, Phinehâ cha Silô khihpi liata Abeipa theihthaipa Eli sawchapawpa kha a châ. Zawnathâ a siepa cha zawpizy ta pahno veih ei.