1 SAMUELA 14:25 - Mara Bible RV (BSI)

²⁵ Pheisaih zydua cha râhmâhpa kei tlô ei ta, moh tua u, alei liata kheihti vaw y thlâh ha ta.

1 SAMUELA 14:25 ပူးပေါင်းရင်းမြစ်များ

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

BIESOZY 25:16

Kheihti na hmô khiahta cha, Â daihpa rakha ta nie mah y; Na nie hluh tu khiahta cha, Na pali pathlei aw na.

MALUHREINA 13:27

Mawsi hnohta, “Miah na tuana râh cha tlô pi ta, sâhpiti nata kheihti lona râh a vaw châ tlai. He he a râh liata theilâpa a châ.

RYHPACHANEINA 9:28

Chataleipatala miah na kaw puakheina râh ta, “Abeipa ta ama hnohta bie â taihpa râh lâ â chhi thei leipa vâ ei ta nata â haopa vâ ei ta, râhchawhpa liata thie awpa ta â chhi papua ei,” ama tah pathlei aw.

RYUREITUHPAZY 14:9

Kheithlawh cha lapa ta sie pazao ta, a sie pâ ta nie laih ta. A nô nata paw kô a kei tlô nahta, âmo chhao pie ta, nie hra ei ta. Kheihti cha chakeibarôhneipa thiruapa tawhta a lapa a châpa kyh deikua âmo chho vei.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.

1 SAMUELA 14:26

Pheisaihzy ta râhmâhpa amâ ngia nahta, moh teh u, kheihti vaw loh ngâ kaw ta. Châhrasala bietai ama chipa vâta, a pakah liata a ku â tupa rai y veih ei.