1 SAMUELA 14:24 - Mara Bible RV (BSI)

²⁴ Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.

1 SAMUELA 14:24 ပူးပေါင်းရင်းမြစ်များ

HLAZY 18:47

Ano cha phuh nâ lapatuhpa Khazohpa châ ta, Phopizy ei ry liata a panawhtuhpa a châ.

BIESOZY 11:9

Khazohpa a pachâ leipa chyhsa cha, A pakah ta a vaih parao ta, Mosiapa deikua cha, A pahnona ta a vaih a pachha tyh.

THEIHTHAINA 27:29

Pahleipadia awpa ta hlâ hapa chyhsa cha chatlai awpa châ vei. Thie thlyu awpa a châ.

THEIHTHAINA 5:4

“Chyhsa ta hmo chhiepa tao awpa tlyma, hmo phapa tao awpa tlyma, a hmao ta naosia kawpa ta bie â taih khiahta cha, kheihawhpa bietai rai châ sala, pahno leipa ta a taopa a châpa chhaota, a pahno tita thailei a châ pyly aw.

MALUHREINA 21:2

Chatawhcha Izarei ta Abeipa lâta bietai tao ta, “He phopi he ei ku liata eina pie khiah chi ta cha, ama khihpizy tlokhuh ei pahleipadia khai aw,” tah ta.

MALUHREINA 5:21

he liana heta theihthaipa ta chanô cha chhiesana bietai pahneisa aw ta, a hnohta, ‘Abeipa ta na phopi hry liata chhiesapa nata dythapa ta cha tao mawh sy. Na byhpi pazaohsa sala, na py pathlohsa mawh sy.

RAWMA 10:2

Khazohpa châta phahnai amâ ngiah tahpa ei pahnokhei ei. Châhrasala pahno pasia leipa ta phahnai a ngiahpa ama châ.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

ZAWSUA 6:26

Cha daihti liata, Zawsua ta zawpi cha chhie sakhâh ta, “Thyu ta, he Zerikô khihpi a paduapathipa maih cha Abeipa hmiakô liata chhiesapa ta y mawh sy. “A sawchapaw uhtheipa hrona ta Khihpi abôna lô bô sala, A sawchapaw seihnaipa hrona ta A chhikaozy padua mawh sy,” tah ta.

RYUREITUHPAZY 1:28

Izarei sawzy ama tha a vaw tlô via nahta, Kâna mo cha raihriatuhpa ta tao ei ta, chavâta papua khai khao veih ei.

RYUREITUHPAZY 5:2

“Chhituhpazy ta Izarei liata chhihtha ei ta, Phopi âmo kho ta amâ vaw hlâ lymâ; Abeipa cha reithai teh u!

1 SAMUELA 14:25

Pheisaih zydua cha râhmâhpa kei tlô ei ta, moh tua u, alei liata kheihti vaw y thlâh ha ta.

1 SAMUELA 14:39

Izarei pachhatuhpa Abeipa hrona reipa ta ei reih, ei sawchapawpa Zawnathâ chô liata a tlupa chhao rai châ sala, a thi thlyu awpa a châ,” tah ta. Châhrasala a bie â chhy ngâhpa pheisaih zydua hry tawhta pakha hmahta y leipa ei ta.

1 SAMUELA 18:25

Sawla ta, “Dâvi hnohta hetana heta reih teh u, ‘Abei ta a chariahpazy chô liata phuh la a khohpa vâta, nômâ châta Philistinâ mo chopaw vo za kha haw ta, cha leipa cha abei ta nômâ hropa khâpa hmah haw a chhuah vei,’ nama tah aw,” tah ta. Cha cha Philistinâ mo ku liata Dâvi a thi thei nawpa ta Sawla ryhraona a châ.