1 SAMUELA 14:16 - Mara Bible RV (BSI)

¹⁶ Benzami râh Kibia liata Sawla riahvaituhpazy ta mohmia pasaih ei ta, zawpizy cha su to lâta a râpaipa ta ama ypa hmô ei ta.

1 SAMUELA 14:16 ပူးပေါင်းရင်းမြစ်များ

HLAZY 58:7

Ti a loh pathlahpa hawhta lei ei sala, Ama châtaizy ta ama mopâ tita a hmao a bih ha mawh sy.

HLAZY 68:2

Meikhuh phaoh pathlahpa ta a ypa hawhta, Âmo cha papua aw chi ta; Mei liata kheilôh a zaopa hawhta, Moleipazy cha Khazohpa hmia­kô liata ama leidia aw.

ISAI 19:2

Izi mo a dyuh awpa ta Izi mo lilaw pathyu aw ei na ta, Âmo nata âmo amâ dyuh aw; Pakha nata pakha a dyuh aw ei ta, Opa nata opa amâ dyuh aw; Khihpi nata khihpi a dyuh aw ei ta, Khinarâh nata khinarâh amâ dyuh aw.

RYUREITUHPAZY 7:22

Kidia pheisaihzy ta chiahmie 300 ama tô nahta, Abeipa ta Midia pheisaih zydua cha âmo nata âmo pathyuhnaosa ta, zaozi ta a chhawh chaimâh ei ta. Zererâ lâchhâh ta a ypa Besitâ taihta a râpaipa ta, Tâbâ kiapâh ta a ypa Abemehôlâ râhri taihta a râpai ei ta.

1 SAMUELA 14:15

Riehmo liata zy, lyu liata zy, zawpi zydua hry liata chhao, a pahlawpa ta a chalyu ei ta. Riahvaituhpa pheisaihzy nata hrâ a siepa pheisaihzy taihta thata amâ chalyu. Alo a vaw sih ta, thata tyhreihna vaw y ta.

1 SAMUELA 14:17

Sawla ta a hnohta chyhsa a ypazy hnohta, “Tahmâ maluh a reih u la, ahyzy ma keimo tawhta a sie ei tahpa tlua teh u,” tah ta. Maluh cha reih ei ta, Zawnathâ nata a chariah chhaichhi chabatuhpa cha y leipa ei ta.

1 SAMUELA 14:20

Sawla nata a pheisaih zydua cha a hmaohpakhy ei ta, adyuhna lâ pua ei ta. Philistinâ mo cha thata a tymâ ei ta, âmo nata âmo ta zaozi ta a chhawh chaimâh ei ta.