1 SAMUELA 14:15 - Mara Bible RV (BSI)

¹⁵ Riehmo liata zy, lyu liata zy, zawpi zydua hry liata chhao, a pahlawpa ta a chalyu ei ta. Riahvaituhpa pheisaihzy nata hrâ a siepa pheisaihzy taihta thata amâ chalyu. Alo a vaw sih ta, thata tyhreihna vaw y ta.

1 SAMUELA 14:15 ပူးပေါင်းရင်းမြစ်များ

ÂTHAONA 35:5

Chatawhcha sie ei ta, Khazohpa chichhihna ta ama chheipâh khihzy cha bie khai ha ta, Zakaw sawchapawzy cha a chadai veih ei.

2 SAMUELA 5:24

Malburi kôzy kithlao liata hrâsiepa pyu na thei nahta, a dyuh awpa ta na thyu aw. Philistinâ pheisaihzy a dyuh awpa ta, na hmia lâta Abeipa a sie haw,” tah ta.

ZAWBÂ 18:11

Chichhihna ta su to liata pachisa aw ta, A chadai aw ta a parâsa aw.

HLAZY 14:5

Khazohpa cha mosiapazy hry liata a pahlao tlôh ta, Chavâta hmoparaopazy cha, cha liata chi ngaitapa ta ama y.

PUASAINA 19:18

Abeipa ta Sinai Tlâh liata mei ta a za chôpa vâta, tlâh cha meikhuh ta pahly khai ha ta. Cha meikhuh cha patina meikhuh hawh tlai ta avâ lâ kiah ta, a tlâh duata thata a chalyu ta.

DÂNIAH 5:6

Abei cha a hmia vaw hlâh khai ha ta, a palôh thata a tymâ ta, a pheizy a chalyupa ta a pakhuzy a chakhyh ta.

MATHAI 24:6

Adyuhnazy nata adyuhna bie pathâhpazy nama thei aw. Châhrasala thlazohpa ta y khah u. Cha zydua cha a vaw y awpa châ ta, chhâna deikua châ mâh aw vei.

ZAWSUA 2:9

ama hnohta, “He râh he Abeipa ta a cha pie ha ei tahpa ei pahno. Nâmo china ta miah chanaoh ha ta, he râh liata a pahrâpa zydua nama hmiakô liata ama zao khai haw.

RYUREITUHPAZY 7:21

Chyhsa to riehmo chadôpa ta amâ duana su chyu liata a duah ei ta. Midia pheisaih zydua cha a râpai ei ta. Chipa ta awsâh laihna chôta a râ ei ta.

1 SAMUELA 13:17

Hraotuhpazy cha Philistinâ mo riehmo tawhta py thôh ta vaw pua ei ta, py kha cha Suâ râh Ôpharâ khih pangaina lâpi a chhih ei ta,

1 SAMUELA 13:18

py hropa ta Behôrô lâ pangaina lâpi a chhih ei ta, py kha heih cha râhchawhpa daih lâ Zebô saikao lâ a heihpa râhri lâpi a chhih ei ta.

1 SAMUELA 13:23

Philistinâ pheisaihzy cha Mikamâ pangaina saikao lâpi lâta sie ei ta.

1 SAMUELA 14:14

Zawnathâ nata a chariah chhaichhi a chabatuhpa ta Philistinâ mo ama thie tua chai noh liana chata, sâh bai khophie tuna rachhôh a kawhpa su liata chyhsa pakih tlai ama thie.

1 SAMUELA 14:16

Benzami râh Kibia liata Sawla riahvaituhpazy ta mohmia pasaih ei ta, zawpizy cha su to lâta a râpaipa ta ama ypa hmô ei ta.

1 SAMUELA 7:10

Samuela ta raopa hlâna a hlâ hai no tlai chata, Philistinâ mo cha Izarei a dyuh awpa ta a vaw hnia ei ta. Châhrasala cha noh liata Abeipa ta Philistinâ mo chô liata tôkalôhpa thata vaw pathuasa ta, âmo cha patypamâ ta, Izarei hmiakô liata panawhpa ta y ha ei ta.