1 SAMUELA 14:12 - Mara Bible RV (BSI)

¹² Pheisaih su liata chyhsazy ta Zawnathâ nata a chariah chhaichhi a chabatuhpa cha awsao ei ta, ama hnohta, “Keimo lâ a khy teh u, hmo eima cha pahmô aw,” tah ei ta. Zawnathâ ta a chariah chhaichhi a chabatuhpa hnohta, “Na kaw zi teh, Abeipa ta Izarei ku liata a pie ha ei,” tah ta.

1 SAMUELA 14:12 ပူးပေါင်းရင်းမြစ်များ

ÂTHAONA 24:42

“Tanoh tikhaoh vaw tlô na ta, ‘Hy Abeipa, ei zibeipa Abarahâ Khazohpa y, ei siena chhâpa hlao eina patloh awpa chi a châ khiahta la,

ÂTHAONA 24:48

Ei luh a bôh na ta, Abeipa a chhy na ta, ei zibeipa Abarahâ Khazohpa, a sawchapawpa châta ei zibeipa chiheih sawchanô hiapa awpa ta lâpi dopa liata nâ chhituhpa Abeipa cha reithai na ta.

2 SAMUELA 5:24

Malburi kôzy kithlao liata hrâsiepa pyu na thei nahta, a dyuh awpa ta na thyu aw. Philistinâ pheisaihzy a dyuh awpa ta, na hmia lâta Abeipa a sie haw,” tah ta.

2 ABEIZY 14:8

Amazia ta Zehu sawchapawpa Zehôahâ sawchapawpa Izarei bei Zehôasâ lâ lyuhchâpa tuah ta, a hnohta, “A vy la, hmiachhypa ta a moh tua ei si,” tah ta.

RYUREITUHPAZY 4:14

Debawrâ ta Bâraka hnohta, “Thyu teh! Tanoh he Abeipa ta na ku liata Siserâ a cha piena noh a châ hih. Na hmia lâta Abeipa a sie haw,” tah ta. Chatanachata Bâraka cha Tabaw Tlâh tawhta zu ta, chyhsa 10,000 ta zi ei ta.

RYUREITUHPAZY 7:14

A viasapa ta a chhy ta, “Cha cha hmo hropa châ vei. Izarei chyhsa Zôasâ sawchapawpa Kidia zaozi a châ chuh. Khazohpa ta Midia mo nata riehmo zydua he a ku liata a pie ha chuh,” tah ta.

RYUREITUHPAZY 7:15

Kidia ta mâ nata a chhopasiana cha a thei nahta, Khazohpa a chhy ta. Izarei riehmo lâ a lie ta, “Thyu teh u, Abeipa ta Midia pheisaihzy cha nama ku liata a cha pie ha ei,” tah ta.

RYUREITUHPAZY 9:54

A chariah chhaichhi chabatuhpa satliapa aw para ta, a hnohta, “Na zaozi kha phia la na vaw thie teh, chyhsa ta, ‘Chanô ta na a thie,’ eina tah pathlei aw ei na,” tah ta. Satliapa ta Abimele cha zaozi a puapahliena taihta vieh ta, thi ha ta.

1 SAMUELA 14:10

‘Keimo lâ a khy teh u,’ ama tah khiahta deikua cha, khy aw pi ta, Abeipa ta eima ku liata miah a pie haw tahpa eima châta ngiana a châ aw,” tah ta.

1 SAMUELA 14:13

Zawnathâ cha a ku nata a phei ta kiah ta, a chariah chhaichhi chabatuhpa ta pazi ta. Philistinâ mo cha Zawnathâ hmiakô liata pao ei ta, a chariah chhaichhi a chabatuhpa chhao ta ano hnôhlâ ta Philistinâ mo cha thie lymâ hra ta.