1 SAMUELA 14:1 - Mara Bible RV (BSI)

¹ Noh kha cha Sawla sawchapawpa Zawnathâ ta a chariah chhaichhi a chabatuhpa satliapa hnohta, “A vy teh, haosâ lâ Philistinâ pheisaihzy yna lâ hao vawh tua ei si,” tah ta. A paw deikua cha chho leipa ta.

1 SAMUELA 14:1 ပူးပေါင်းရင်းမြစ်များ

MIKÂ 7:5

Na opapa zo leipa la, Na viasa chhao ngâ khah y; Na kalachhôh liata a ziapa tawhta Na pakah ochhi vaih mah y.

RYUREITUHPAZY 14:6

Abeipa Thlahpa cha a chô liata thlai vaw tlô ta, a ku liata khâpa hmah â chaba leipa chhao ta, chakeibarôhneipa cha mietaw hriechheihpa hawhta a tlawhpoh ta hriechheih ha ta. Châhrasala a hmotaopa cha a paw tlyma, a nô tlyma chho vei.

RYUREITUHPAZY 14:9

Kheithlawh cha lapa ta sie pazao ta, a sie pâ ta nie laih ta. A nô nata paw kô a kei tlô nahta, âmo chhao pie ta, nie hra ei ta. Kheihti cha chakeibarôhneipa thiruapa tawhta a lapa a châpa kyh deikua âmo chho vei.

RYUREITUHPAZY 6:27

Chatanachata Kidia cha a chakaotuhpazy hry tawhta pahrawh a chhi ta, Abeipa ta a chhopa hawhta tao ta.

1 SAMUELA 13:2

Sawla ta Izarei pheisaih 3,000 a tlyh ta. Pheisaih 2,000 Mikamâ nata Bethel tlâh râh liata Sawla hnohta y ei ta, pheisaih 1,000 Benzami râh Kibia liata Zawnathâ hnohta y ei ta. Ahropazy deikua cha ama poh o lâ chyu ta padisa khai ta.

1 SAMUELA 13:22

Adyuhna noh ta Sawla nata Zawnathâ hnohta pheisaih a ypazy cha zaozi tlyma, asei tlyma a hneipa rai y leipa ei ta, Sawla nata a sawchapawpa Zawnathâ deita ta hnei ei ta.

1 SAMUELA 13:23

Philistinâ pheisaihzy cha Mikamâ pangaina saikao lâpi lâta sie ei ta.

1 SAMUELA 14:2

Sawla cha Kibia khih khôtho, Mikaraw liata pawmikarânâ kô ry liata y ta, a hnohta pheisaih 600 rachhôh y ei ta.

1 SAMUELA 25:19

A chakaotuhpa satliazy hnohta, “Ei hmia lâta sie aw ei chi ta, ei cha vaw pazi aw ei,” tah ta. A vahpa Nâbâ deikua cha chho vei.