1 SAMUELA 13:6 - Mara Bible RV (BSI)

⁶ Izarei pheisaihzy cha chadiepa ta y ei ta, ama duahmo a pha leizie ama hmô nahta, lôpu liata zy, apopa liata zy, lôpanô liata zy, khaohtlô liata zy, tipâh ruapa liata zy a nyu ei ta.

1 SAMUELA 13:6 ပူးပေါင်းရင်းမြစ်များ

2 SAMUELA 24:14

Dâvi ta Kâdâ hnohta, “Ei nô a po ngaita. Abeipa ku liata eima pao thlu aw, ano cha zawngiah thei ngaitapa châ tlôh ta. Chyhsapa ku liata la na papaosa khah y,” tah ta.

ISAI 42:22

He phopi deikua he cha, Hrao hapa phopi châ ei ta; Ama hmo ama la hapa phopi ama châ. Ama zydua ta khaohtlô liata pathla ei ta, Patâhna o liata ama nyu. Pachhatuh a hnei leipa hraona sôh lâta a lie ei ta, “Pie pakhua ha teh u,” a tah awpa a hnei leipa Parupa sôh lâta amâ lie haw.

ZEREMIAH 41:9

Kedaliah a thiena liata Ismela ta a thie pâpazy ri a thyna cha, Bei Âsâ ta Izarei bei Bâsâ tawhta a vaih nawpa ta a chaopa khaohtlô châ ta, khaohtlô lai ngaitapa a châ. Nethaniah sawchapawpa Ismela ta khaohtlô cha athipa rizy ta a pabie haw.

EZEKIA 33:27

Ama hnohta reih teh, Abeipa Zehôvâh ta hetana heta a tah: Ei hrona reipa ta ei reih. Su rypa liata a ypazy cha zaozi ta pao tlai aw ei ta, lyurâhpa liata a ypazy cha sahrâhpazy hnohta ama nie awpa ta pie aw na ta, thokhy nata lôpu chhôh liata a ypazy cha potlana ta ama thi aw.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

HEBRAI 11:38

Chazy châta la, khizaw he yna tlâh châ vei. Râhchawhpa liatazy, tlâh liatazy, lôpu nata khaohtlô liatazy viavipa ta ama y.

ZAWSUA 8:20

Ai chyhsazy cha hnoh lâ a heih ei ta, khihpi cha avâ lâta a khuh â charih haipa hmô ei ta. Râhchawhpa lâta a râpa Izarei sawzy ta âmo a chadaituhpa Ai chyhsazy cha amâ vaw lie hnao hapa vâta, Ai chyhsazy cha khataih lâ hmah a râ nawpa hnei khao veih ei.

RYUREITUHPAZY 10:9

Amawna mo cha Zudâh mo, Benzami mo nata Epharai pathlazy a dyuh awpa ta Zawdâh chaka ei ta, chavâta lzarei cha nôpo ngaitapa ta y ta.

RYUREITUHPAZY 20:41

Izarei pheisaihzy Benzami pheisaihzy cha a vaw liehnao ei ta. Benzami pheisaihzy cha chhiena ta a tlô thlu ha ei tahpa ama pahnopa vâta, ama thlazoh ngaita ta.

RYUREITUHPAZY 6:2

Midia cha Izarei hlâta a thatlô via ta, Midia vâna chata Izarei sawzy cha tlâh liata khaohtlôzy, lôpuzy nata thokhyzy a tao ei ta.

1 SAMUELA 13:15

Chatawhcha Samuela cha thyu ta, Kilkal tawhta sie ha ta. Sawla nata a hnohta a ypazy deikua cha, pheisaihzy a tyh awpa ta Kilkal tawhta Benzami râh Kibia khih lâ khy ei ta. Sawla cha a hnohta a ypa pheisaih maluh reih ta, ama zydua ta 600 rachhôh ama châ.

1 SAMUELA 14:11

Ama pano ta Philistinâ pheisaihzy cha a kaw pahmôsa ei ta. Philistinâ mo ta, “Moh tua u, Hebrai mo amâ nyuna khaohtlô tawhta ama vaw pua huh,” tah ei ta.

1 SAMUELA 14:22

Cha hawhna hra chata Epharai tlâh râh liata a nyupa Izarei chyhsa zydua chhao ta, Philistinâ mo amâ râpai hapa thâtih ama thei nahta, âmo chhao adyuhna liata a hlao hrapa ta Philistinâ mo cha thata a chadai hra ei ta.

1 SAMUELA 23:19

Zipha mo ta Kibia liata a ypa Sawla lâ khy ei ta, a hnohta, “Dâvi cha Zesimô chho lâ, Hâkhilâ tlâh, Hôresâ thokhy liata eima hnohta â nyu thlâh haw.

1 SAMUELA 24:3

Lâpi kiapâh liata mietaku sadô kei tlô ta, cha liata lôpu y ta, Sawla cha lyupâh pua awpa ta a kei ngia ta. Dâvi nata a chyhsazy cha lôpu chhôh chaipa liata a tyuh thlâh ha ei ta.

1 SAMUELA 31:7

Izarei mo a râpai ei ta, Sawla nata a sawchapawzy ama thi hapa cha, Saikao haosâ lâta Izarei chyhsa a ypazy nata Zawdâh haosâ lâta a ypazy ta ama hmô nahta, ama khihpizy puasaipa ta a râpai khai ha ei ta. Philistinâ mo a vy ei ta, Izarei khihpizy liana cha ama vaw pahrâ haw.

1 SAMUELA 7:7

Izarei sawzy Mizpâ liata amâ hmaohpakhy tahpa Philistinâ mo ta ama thei nahta, Philistinâ beizy cha Izarei a dyuh awpa ta pua ei ta. Cha kyh cha Izarei sawzy ta ama thei nahta, Philistinâ mo cha chi ngaita ei ta.