1 SAMUELA 12:3 - Mara Bible RV (BSI)

³ Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.

1 SAMUELA 12:3 ပူးပေါင်းရင်းမြစ်များ

2 SAMUELA 22:22

Abeipa lâpizy a chhih na ta, Ei Khazohpa a heihsaipa ta moleina hmo tao beih va na.

NEHEMIAH 5:11

Tanoh tlai heta ama lyuzy, ama kre sadôzy, ama ôli sadôzy, ama ozy pakua khai ha u la, ama sôh, sâh, kre sadô nata sathaw zy tawhta apôhna nama lapazy pakua khai ha teh u,” tah na ta.

HLAZY 15:5

A pôhna chhaota a sôh dyu a pacheisa leipa, Moleina a hnei leipa thailei pachâsa nawpa ta panaopapana a la leipa; Chazy chata na poh o liata tlôh aw ei ta, Na tlâh pathaihpa liata ama pahrâ aw. Cha hmozy a taotuhpa cha a chalyu beih aw vei.

PUASAINA 20:17

“Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

PUASAINA 22:4

“Parupa viahchao tôhpa tlyma, alâ tlyma, mietaku tlyma, parutuhpa ku liata ahrohpa ta hmôpa a châ khiahta cha, a lie no ta a thô awpa a châ.

PUASAINA 23:8

Panaopapana na la awpa châ vei. Panaopapana ta mo pavâpa mo pachaosa ta, mosiapa cha biedopa tawhta a patleisa tyh.

BIESOZY 15:27

Athôhna doleipa hmô khohpa ta karâypa chyhsa cha, A chhôhkha châta tymâna tlôkhei ta; Panaopapana a haopa deikua cha, A hro a pareih aw.

THEIHTHAINA 6:4

hetana heta tao awpa a châ: Molei ha tlai sala, thailei a châ khiahta cha, parupa ta a lapa hmozy, tlybaipa ta a lapa hmozy, a ku liata sôh pavaosapazy, chyhsa hmo pahleipa â huapazy cha a thô khai awpa a châ.

THEIHTHAINA 6:5

Haipa ta bie â taihpa hmo zydua â kipa ta thô khai aw ta, thailei a châna noh liata, hneituhpa hnohta su pangawh su kha a baichha aw.

MALUHREINA 16:15

Mawsi cha a hiehâh ngaita ta, Abeipa hnohta, “Ama hmohlâpa a pyh khah y. Âmo tawhta alâ pô kha hmah la leipa na ta, ama hry liata pakha hmah pasasa beih va na,” tah ta.

MATHAI 22:21

Âmo ta, “Kaisarâ nothlahpa,” tah ei ta. Zisu ta ama hnohta, “Kaisarâ hmozy cha Kaisarâ pie u la, Khazohpa hmozy cha Khazohpa pie teh u,” tah ta.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

HMOTAOPAZY 20:33

Ahy tâkâ, ngôh nata chysia hmah uahva beih va na.

2 KAWRINI 12:14

Pachâ tua u, tahmâ he nâmo lâ a vy awpa ei chhuahna a ei thôhna a châ. Nama phao cha pahri aw veih ei na. Nama hmo hneipa tlua a chhuah leipa na ta, nâmo tlao ei cha tlua ei. Sawzy ta nôpawzy châta ryu ama pachôpa awpa châ leipa ta, nôpawzy ta sawzy châta ryu ama pachô tyh.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

1 THYSALAWNIKA 2:10

Nâmo cha ngiapâtuhpazy chô liata pathaihpa nata siapa nata seina hnei leipa ta eima y tyhzie miah pahnokheituhpazy nama châ. Khazohpa chhao ta miah a pahnokhei.

1 THYSALAWNIKA 2:5

Nama pahnopa hawhta, reithai pakheina biezy reih beih leipa pi ta, karâyna khu nawpa biezy reih beih hra ma pi. Khazohpa cha miah pahnokheituhpa a châ.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.

1 SAMUELA 12:4

Âmo ta, “Miah dôvei beih leipa chi ta, miah tlybai beih hra leipa chi ta, ahy ku tawhta hmah â doleipa ta la beih va chi,” tah ei ta.

1 SAMUELA 12:5

Samuela ta ama hnohta, “Ei ku liata adoleina khâpa hmah hmô veih ei chi tahpa tanoh he Abeipa cha nâmo châ pahnokheituhpa châ ta, a sathawthupa chhao pahnokheituhpa a châ hra,” tah ta. Âmo ta, “Ano cha pahnokheituhpa a châ,” tah ei ta.

1 SAMUELA 2:35

Chatawhcha ei châta theihthaipa ngâchhihpa padua aw na ta, ano chata ei palôh liata nata ei pachâna liata hmo a ypa hawhta tao aw ta, chipathla a ipa ei paduapa awpa vâta a chi lei leipa aw ta, ei sathawthupa hmiakô liata chhâzaw ta a y aw.

1 SAMUELA 24:11

Ei pâ, moh tua, vaw moh tua rai, na poh pai chhao ei chaba thlâh ha hih. Na poh pai ei tai thei thlâh hapa ta, nâma ei cha thie leipa kha, ei ku liata paraona nata abei adyuhna rai y vei tahpa na hmô awpa nata na pahno awpa ei khopa vâta a châ. Ei hrona la a chhuahpa ta na tlua ngâ hra la, na chô liata molei va na.

1 SAMUELA 24:6

A chyhsazy hnohta, “Ei zibeipa, Abeipa sathawthupa chô liata, he hmo ei taopa he pha vei. Abeipa sathawthupa a châ tahpa ei pahno thlâh hapa tlai ta, a chô liata ei ku ei pathla thlâh hapa he Abeipa ta khoh vei,” tah ta.

1 SAMUELA 24:7

Cha biezy cha hmâpa ta Dâvi ta a chyhsazy cha pakhâ ta, Sawla chô liata ku pathla awpa ta ama thyu awpa pasaih khao vei. Chatawhcha Sawla cha thyu ta, lôpu cha puasai ta, a sie nawpa lâ sie ha ta.

1 SAMUELA 26:11

Abeipa sathawthupa chô liata ku ei pathla awpa cha Abeipa ta pakhâ mawh sy. A luh chô liata asei nata titheih deikua hao kei la la, sie ha ei suh u,” tah ta.

1 SAMUELA 26:9

Châhrasala Dâvi ta Abisai hnohta, “Pahleipadia khah y, Abeipa sathawthupa chô liata ku pathla ta, thai a châpa ahy ma a y beih?” tah ta.