1 SAMUELA 12:24 - Mara Bible RV (BSI)

²⁴ Chavâta Abeipa cha chi u la, ngâchhih ngaitapa ta, nama pathipalôh tlokhuh ta ano cha chakao u la, nama châta a hmotaopa rônahpazy kha pachâ tyh muh vy.

1 SAMUELA 12:24 ပူးပေါင်းရင်းမြစ်များ

2 ABEIZY 17:39

Abeipa nama Khazohpa deita nama chi awpa châ ta, ano ta nama chariahpa zydua ku tawhta a cha pachha aw ei,” tahpa ta ama hnohta biepie ta.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 119:80

Maophyuhpa ta ei y lei nawpa ta, Ei palôh he na bieraopazy liata phapakipa ta y mawh sy!

PUASAINA 12:13

Thisaih cha nâmo châta nama yna o ngiana châ aw ta, thisaih ei hmô khiahta cha, ei châ zaw pakhô ha aw ei. Chatanachata Izi râh ei tu tita, nâmo chô lia deikua cha, châ pahleipadia awpa khâpa hri hmah vaw tlô aw vei.

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

ISAI 5:12

Ama kyhchhizy liata kresawhti doh ei ta, Totâ, tlaipih, paotlâ nata siaramo zy tôpa ta a ly ei ta, Abeipa hmotaopazy deikua cha pachâ veih ei, A ku raihriazy chhao hmô veih ei.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RYHPACHANEINA 10:21

Abeipa cha nama reithai awpa a châ. Ano cha nama Khazohpa châ ta, he hmo ronahpa nata rarôh ypa, nama mo ta a hmôpazy a taotuhpa a châ.

RYHPACHANEINA 29:1

Hezy he Abeipa ta Izarei sawzy hnohta Hôribâ liata bie a hraipa thota, Abeipa ta Mawsi hnohta Môabâ râh liata biepie heih ta, Izarei sawzy chô liata bie a hraipazy a châ.

RYHPACHANEINA 29:2

Mawsi ta Izarei saw zydua aw ta, hetana heta Abeipa bie a chho ei. “Abeipa ta nama mohmô lia tlai ta Izi râh liata Phiraoh nata a chyhsa zydua nata a râh zydua chô liata a taopa zydua hmô ei chi ta,

HEBRAI 12:29

eima Khazohpa he a kâ patlô theipa mei châ tlôh ta.

ZAWSUA 24:14

“‘Chavâta Abeipa cha chi u la, hmeiseihpa nata â do ngaitapa ta ano cha chakao muh vy. Châ pathlatuhpazy ta Chavah haosâ nata Izi râh liata ama chakao tyhpa khazohzy kha thy khai u la, Abeipa chakao muh vy.