1 SAMUELA 12:17 - Mara Bible RV (BSI)

¹⁷ Tanoh he sâh hria noh châ vei ma? Tôkalôhpa pathuasa awpa nata avâ pasuasa awpa ta, Abeipa ei awsao aw. Chatanachata bei nama hiana kyh liata Abeipa mohmô ta hmo nama paraopa he a rarôh yzie pahno aw ei chi ta, nama hmô aw,” tah ta.

1 SAMUELA 12:17 ပူးပေါင်းရင်းမြစ်များ

HLAZY 99:6

A theihthaipa hry liata Mawsi nata Arawna a hlao ei ta, Samuela chhao a moh a padopazy hry liata â hlao. Abeipa pado ei ta, Ano ta â chhy ei.

PUASAINA 32:30

A mylâ ta Mawsi ta zawpi hnohta, “Moleina lai ngaitapa nama tao haw. Tahmâ he Abeipa lâ khy aw na ta, nama moleina chatlaina ei tao thei aw tly ma,” tah ta.

BIESOZY 26:1

Nopi noh nata dâhaw tlapa a khyh leipa ta, Sâh hria daihti nata vâsuapa â khyh leipa hawhta, Palyupalihna chhao ahrupa nata a khyh vei.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZAWSUA 10:12

Abeipa ta Izarei sawzy ku liata Amawri mo a pie noh ta, Zawsua ta Abeipa bie a chho ta, Izarei sawzy mohmô liata, “Noh y, Kibiô chô liata a duah la, Thlâpâ y, Aizalô saikao chô liata a duah mah y,” tah ta.

1 SAMUELA 12:13

Chavâta moh teh u, he he bei châta namâ tlyhpa cha châ ta, nama hiapa bei cha a châ hih. Moh teh u, Abeipa ta nama chô liata ryu a reih awpa bei a cha taopa ha ei hih.

1 SAMUELA 12:19

Izarei phopi zydua ta Samuela hnohta, “Eima thi lei nawpa ta, châ chakaotuhpazy châta Abeipa na Khazohpa lâ thlah miah chhâpa teh. Bei hiah pi ta, he hmo pha lei ngaitapa eima taopa he, eima moleina zydua baichhatuhpa tlao a vaw châ,” tah ei ta.

1 SAMUELA 2:10

Abeipa chariahpazy cha a tlawh ta keichheih aw ei ta, Âmo a dyuhpa ta avâ tawhta tôkalôhpa hawhta â thua thlu aw ei. Abeipa ta khizaw kaokih zydua pachia aw ta, Bei a paduapa hnohta thatlôna pie aw ta, A sathawthupa ki cha a cheihchalo aw.”

1 SAMUELA 7:5

Samuela ta, “Izarei saw zydua Mizpâ liata a hmaohpakhy khai teh u, Abeipa lâta thlah ei cha chhâpa aw ei,” tah ta.

1 SAMUELA 8:6

“Eima chô liata ryu a reih awpa bei miah pie teh,” ama tahpa kyh chata Samuela cha palysa lei kaw ta. Samuela cha Abeipa lâ thlahchhâ ta.

1 SAMUELA 8:7

Abeipa ta Samuela hnohta, “Zawpi ao ta na hnohta ama reipa zydua cha nathlie mah y. Nâma ama cha khoh leipa châ leipa ta, ama bei châta kei eina khoh leipa ei tlao a châ.