1 SAMUELA 12:12 - Mara Bible RV (BSI)

¹² Châhrasala Amawna bei Nahâsâ cha nâmo a dyuh awpa ta â vy tahpa nama pahno nahta, Abeipa nama Khazohpa cha nama bei a châ thlâh hapa chhao ta, ei hnohta, ‘Châ vei, abei ta eima chô liata ryu a reih awpa a châ,’ nama tah heih.

1 SAMUELA 12:12 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

HLAZY 74:12

Hy Khazohpa, nâ cha hlâno tawhta ei Beipa châ chi ta, Alei chô zydua liata pachhana a taotuhpa na châ.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ZEREMIAH 40:11

Cha hawhna hra chata, Babylaw bei ta Zudâh phopi laibâhpazy siesai ta, ama chô liata ryureituhpa châta Sâphâ sawchapawpa Ahikâ sawchapawpa Kedaliah a taopa thâtih cha, Zu chyhsa Môabâ râh liata a pahrâpazy, Amawna mo hry liata a pahrâpazy, Edômâ râh liata nata râh hropazy liata a pahrâpazy ta ama thei nahta,

HÔSIA 13:10

Na bei cha khataih lia a y haw? Na khihpi to liata châ pachha awpa bei cha, Khataih liata a y haw? Na ryureituhpazy khataih liata ama y haw? “Bei nata beimachâzy na pie teh,” Tahpa ta nâ hawpazy kha, Khataih liata ama y khai haw?

MALUHREINA 23:21

Zakaw liata chhiena hmô leipa ta, Izarei liata tymâna hmô vei. Abeipa ama Khazohpa ama hnohta y ta, Ama Bei palyupalihna pyu ama hry liata a y.

RYUREITUHPAZY 8:23

Kidia ta ama hnohta, “Kei ta nama chô liata ryureih leipa aw na ta, ei sawchapawpa chhao ta nama chô liata ryureih hra aw vei. Abeipa ta nama chô liata ryu tlao a reih aw,” tah ta.

RYUREITUHPAZY 9:18

Châhrasala tanoh ei paw chhôhkhazy cha thyuhnao ei chi ta, a sawchapaw sysari po lôpanô miakha chô liata thie ei chi ta, a seichanô sawchapawpa Abimele cha Sekhe nôpawzy chô liata bei ta nama tao. Nama unawhpa a châpa vâta cha hawhta nama taopa a châ.

1 SAMUELA 10:19

Châhrasala tanoh he nama chhiena nata nôpona zydua tawhta châ pachhatuhpa, nama Khazohpa cha khoh leipa ei chi ta, a hnohta, ‘Châ vei, eima chô liata bei miah paduapa teh,’ nama tah. Chavâta tahmâ a chi chi nata a pho pho ta Abeipa hmiakô liata a vaw luah teh u,” tah ta.

1 SAMUELA 8:3

Châhrasala a sawchapawzy ta ano lâpi a chhih leipa ei ta, sôh nata piah a chadai ei ta, panaopapanazy la ei ta, adona tleisaipa ta ryu ama rei tyh.