1 SAMUELA 11:6 - Mara Bible RV (BSI)

⁶ Cha biezy cha a theipata nahta, Khazohpa thlahpa cha Sawla chô liata thatlô ngaitapa ta vaw tlô ta, a hie thata hâh ta.

1 SAMUELA 11:6 ပူးပေါင်းရင်းမြစ်များ

PUASAINA 32:19

Mawsi cha riehmo kiapâh a kei tlô nahta, viahchaotaw nothlahpa nata ama lâpazy hmô ta. Mawsi cha a hiehâh ngaita ta, a ku liata lôphiazy cha tlâh thaby liata thy ta, kei khai ha ta.

MALUHREINA 12:3

Mawsi cha chyhsa nônai ngaitapa châ ta, alei chô liata chyhsa zydua hry liata nônai chaipa a châ.

MÂKA 3:5

Hiehâhpa ta âmo cha moh ta, ama palôh kuhchhapa vâta a palôh pasa ngaita ta, kusypa hnohta, “Na ku pazawh teh” tah ta. A ku pazawh ta, a kusypa cha pha ha ta.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

RYUREITUHPAZY 11:29

Abeipa Thlahpa cha Zephathâ chô liata vaw tlô ta. Chatanachata Kilia nata Manase zy chapiapa ta Kilia liata Mizpâ a ngia ta, Kilia liata Mizpâ tawhta Amawna mo yna lâ sie lymâ ta.

RYUREITUHPAZY 13:25

Zôrâh nata Estaw likawh ta Mahânedâ liata a y nota Abeipa Thlahpa ta a chô liata raihria pathao ta.

RYUREITUHPAZY 14:6

Abeipa Thlahpa cha a chô liata thlai vaw tlô ta, a ku liata khâpa hmah â chaba leipa chhao ta, chakeibarôhneipa cha mietaw hriechheihpa hawhta a tlawhpoh ta hriechheih ha ta. Châhrasala a hmotaopa cha a paw tlyma, a nô tlyma chho vei.

RYUREITUHPAZY 15:14

Lehi a tlô nahta, Philistinâ mo cha awh lymâna chôta ta ano lâ a vy ei ta. Abeipa Thlahpa cha a chô liata thlai vaw tlô ta, a bâh chahryna chaorizy cha, lari mei ta a kâ pachhôpa hawhta vaw châ ta, ano chahrynazy cha a kuzy tawhta tla khai ha ta.

RYUREITUHPAZY 3:10

Abeipa thlahpa a chô liata vaw tlô ta, Izarei chô liata ryureih ta. Ôthane cha adyuhna lâ sie ta, Abeipa ta Mesôpôtamia bei Kusarisathai cha a ku liata pie ta, Kusarisathai cha a pahnie haw.

RYUREITUHPAZY 6:34

Abeipa thlahpa cha Kidia chô liata vaw tlô ta. Chiahmie tô ta, Abieze pathlazy cha ano zi awpa ta awpapua ta.

1 SAMUELA 10:10

Tlâh ama tlô nahta, moh teh u, hrohsopazy py ta ano cha a vaw tyh ei ta, Abeipa thlahpa cha a chô liata thatlô ngaitapa ta vaw tlô ta, hrohsopazy hry liata a hlaopa ta hrohsona bie phuah lymâ hra ta.

1 SAMUELA 10:6

Nâma chô liata chhao Abeipa thlahpa cha thatlô ngaitapa ta vaw tlô aw ta, nâ chhao ama hry liata a hlaopa ta hrohsona bie phuah hra aw chi ta, chyhsa nanopa lâta pananopa na vaw châ ha aw.

1 SAMUELA 16:13

Samuela ta saki ôh sathaw cha la ta, ano cha a unawhzy hmiakô liata sathawthu ta. Cha noh tawhna chata, Abeipa Thlahpa cha Dâvi chô liata thatlô ngaitapa ta vaw tlô ta. Samuela cha thyu ta Râmâ lâ sie ha ta.

1 SAMUELA 16:14

Abeipa Thlahpa ta Sawla cha puasai ha ta, Abeipa tuapa ahripa ta ano cha patypamâ ta.