1 SAMUELA 11:2 - Mara Bible RV (BSI)

² Amawna chyhsa Nahâsâ ta ama hnohta, “He hawhta nama paryhsa khiahta cha, nama hnohta bie ei hraih aw: nama zydua mokhaoh chachâh lâ thaoh khai aw na ta, cha cha Izarei zydua chô liata nohzaona ei patlôsapa a châ aw,” tah ta.

1 SAMUELA 11:2 ပူးပေါင်းရင်းမြစ်များ

ÂTHAONA 34:14

Ama hnohta, “Paryhsa thei ma pi. Chopawtaileipa chyhsa lâ eima sietanô soh thei ma pi. Cha hawhta taopa cha keimo châta nohzaona a châ aw.

2 ABEIZY 18:31

Hezekia bie nathlie khuh vy. Asuria bei ta hetana heta a tah: ‘Nâ ryh u la, kei lâta vaw pua teh u. Chatanachata nama kre zôh chyu tawhta nie pazao aw ei chi ta, nama theiku kô chyu tawhta niepa ta, nama tikhaoh chyu tawhta tizy nama doh pazao thei aw.

HLAZY 44:13

Eima opazy pahneisao awpa ta miah tao chi ta, Eima kiapâh liata a ypazy ta mohnaopa ta, Ama pasipasawh awpa ta miah na tao haw.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

BIESOZY 12:10

Mosiapa cha a sahroh hrona pachâ peimawh ta, Moleipa zawngiahna deikua cha nôchhiena a châ.

ZEREMIAH 39:7

Zedekia cha a mozy thaoh ta, Babylaw lâ a chhi awpa ta bâliazy ta chahry ta.

MALUHREINA 16:14

Cha dei châ vei, sâhpiti nata kheihti lona râh lâ miah tlôkhei leipa chi ta, lyuzy nata kre sadôzy eima ryuto châta miah pie hra va chi. He chyhsazy he ama mo taihta thaoh awpa ma nâ chhuah? A khy aw ma pi,” tah ei ta.

RYUREITUHPAZY 16:21

Philistinâ mo ta patu ei ta, a mozy thaoh ei ta, Kâza lâ zukhei ei ta, dawh keihraizy dai ei ta. Patâhna o liata sâh daih tyh ta.

1 SAMUELA 11:10

Zabe mo ta Amawna mo hnohta, “Mylâ nâmo lâta vaw pua aw pi ta, eima chô liata nama khohpa hawhta tao muh vy,” tah ei ta.

1 SAMUELA 12:12

Châhrasala Amawna bei Nahâsâ cha nâmo a dyuh awpa ta â vy tahpa nama pahno nahta, Abeipa nama Khazohpa cha nama bei a châ thlâh hapa chhao ta, ei hnohta, ‘Châ vei, abei ta eima chô liata ryu a reih awpa a châ,’ nama tah heih.

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.