1 SAMUELA 10:22 - Mara Bible RV (BSI)

²² Abeipa hiahri heih ei ta, “Chyhsa a vy awpa ama y khao ma?” tah ei ta. Abeipa ta, “Moh teh u, hmobaoh hry liata â nyu thlâh haw,” tah ta.

1 SAMUELA 10:22 ပူးပေါင်းရင်းမြစ်များ

ÂTHAONA 25:22

A saw phaopazy cha a py chhôh liata a chatôh ei ta, Rebekâ ta, “Hmo phapa a châ tlôh khiah, khazia ma he hawhta ei y tly?” tah ta. Abeipa hiahri awpa ta sie ta.

2 SAMUELA 2:1

Cha hnôh lâ liata hetana heta vaw châ ta, Dâvi cha Abeipa a saohiah ta, “Zu­dâh khihpi miakha lâ chhâ ei khy aw ma?” tah ta. Abeipa ta a hnohta, “Khy mah y,” tah ta. Dâvi ta, “Khataih lâ ma ei khy aw?” tah ta. Abeipa ta, “Hebraw lâ,” tah ta.

2 SAMUELA 21:1

Dâvi ryureina daihti liata, â zaopa ta kô thôh chakâhna tlô ta. Dâvi ta Abeipa hmia pado ta. Abeipa ta, “Sawla ta Kibiô mo a thiepa vâta, ano nata a chhôhkha chô liata thisaih maoh a y,” tah ta.

MALUHREINA 27:21

Ano cha theihthaipa Eliaza hmiakô liata a duah aw ta, theihthaipa Eliaza ta Abeipa hmiakô liata Uri hmâpa ta pachiana bie a hiahripa tyh aw. Ano nata a hnohta a ypa Izarei zawpi zydua ano rei sai ta pua aw ei ta, ano rei sai ta amâ ngia aw,” tah ta.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

RYUREITUHPAZY 1:1

Zawsua a thi tawhta Izarei sawzy ta, “Kâna mo siehnao awpa ta ahy eima châta sie tua chai aw ta, âmo cha a kaw dyuh aw?” tahpa ta Abeipa hiahri ei ta.

RYUREITUHPAZY 20:18

Izarei sawzy cha thyu ei ta, Bethel lâ khy ei ta, Khazohpa a saohiah ei ta, “Benzami sawzy a dyuh awpa ta ahy ma a khy tuachai aw?” tah ei ta. Abeipa ta, “Zudâh ta a khy tuachai aw,” tah ta.

RYUREITUHPAZY 20:23

Izarei sawzy cha khy ei ta, Abeipa hmiakô liata zâlâ taihta cha ei ta, “Eima unawhpa Benzami sawzy a dyuh awpa ta eimâ thao heih aw ma?” tahpa ta Abeipa a saohiah ei ta. Abeipa ta, “A kaw dyuh heih teh u,” tah ta.

RYUREITUHPAZY 20:28

Arawna sawchapawpa Eliaza sawchapawpa Phinehâ ta Khazohpa Biehrai Byh hmiakô liata a chakao daihti a châ. Izarei sawzy ta, “Eima unawhpa Benzami sawzy a dyuh awpa ta eima khy heih aw ma, eimâ chalih ha bâ hri aw ma?” tah ei ta. Abeipa ta, “Khy teh u, mylâ nama ku liata âmo ei cha pie aw ei,” tah ta.

1 SAMUELA 10:21

Benzami chi cha a pho pho ta vaw paluahsa heih ta, Mâteri pho cha nuby a daopa ta a tlyhpa a châ. A chhâna liata Kisâ sawchapawpa Sawla cha nuby a daopa ta a tlyhpa châ ta. Châhrasala ano cha tlua ei ta, hmô leipa ei ta.

1 SAMUELA 14:37

Sawla ta, “Philistinâ mo cha ei zâ dyuh aw mâ? Âmo cha Izarei ku liata na pie aw mâ?” tahpa ta Khazohpa hiahri ta. Châhrasala cha noh liata Khazohpa ta a chhy leipa ta.

1 SAMUELA 15:17

Samuela ta, “Nâma pachâ ta cha, chyhsa chyhpata hawhta a pachâ hra la, Izarei chizy hyutuhpa châ va chi mâ? Abeipa ta Izarei chô liata bei châ awpa ta sathaw a cha thu.

1 SAMUELA 22:10

Ano châta Ahimele ta Abeipa a saohiahpa ta, niedozy pie ta, Philistinâ chyhsa Kôliathâ zaozi kha a pie,” tah ta.

1 SAMUELA 23:9

Sawla ta a chô liata hmo pha leipa tao â chhuahpa cha Dâvi ta pahno ta, theihthaipa Abiathâ hnohta, “Ephaw kha vaw cheih teh,” tah ta.

1 SAMUELA 30:7

Dâvi ta Ahimele sawchapawpa theihthaipa Abiathâ hnohta, “Ephaw na vaw pie teh,” tah ta. Abiathâ ta Ephaw cha Dâvi vaw pie ta.

1 SAMUELA 30:8

Dâvi ta Abeipa a saohiah ta, “Pheisaihzy cha ei chadai aw ei ma? Ei pha aw ei ma?” tah ta. Abeipa ta a chhy ta, “A chadai teh, âmo cha pha cheingei aw chi ta, na chyhsazy na pachha khai heih aw ei,” tah ta.

1 SAMUELA 9:21

Sawla ta a chhy ta, “Kei he Izarei chi hry liata chi chyh chaipa Benzami chi châ va na mâ? Ei pho chhao Benzami chi pho zydua hry liata pho chyh chaipa châ vei mâ? Kheihtazieta he hawhta ei hnohta a reihpa ma na châ tly?” tah ta.