1 SAMUELA 10:21 - Mara Bible RV (BSI)

²¹ Benzami chi cha a pho pho ta vaw paluahsa heih ta, Mâteri pho cha nuby a daopa ta a tlyhpa a châ. A chhâna liata Kisâ sawchapawpa Sawla cha nuby a daopa ta a tlyhpa châ ta. Châhrasala ano cha tlua ei ta, hmô leipa ei ta.

1 SAMUELA 10:21 ပူးပေါင်းရင်းမြစ်များ

2 SAMUELA 3:19

Abane ta Benzami mo chhao chho hra ta. Chatanachata Izarei ta pha ama tahpa zydua nata Benzami chhôhkha zydua ta pha ama tahpazy cha Dâvi chho awpa ta, Abane cha Hebraw lâ sie ta.

BIESOZY 18:18

Nuby a daopa ta ahryuchhiana pachhâsa ta, A hryuh haipa thatlôpazy a pachhaih tyh ei.

ZAWNA 1:7

Balyh puhpazy a chhohia ei ta, “A vy teh u, he hmo pha leipa eima chô liata a tlôpa he ahy vâta ma tahpa eima pahno thei nawpa ta nuby a dao ei suh u,” tah ei ta. Nuby a dao ei ta, Zawna chô liata tlu ta.

HMOTAOPAZY 13:21

Cha khai tawhta abei hiah ei ta, Khazohpa ta Benzami chi, Kisâ sawchapawpa Sawla cha ama bei ta pie ta, Sawla cha kô sypalih chhôh a bei ta.

1 SAMUELA 10:20

Samuela ta Izarei chi zydua cha vaw paluahsa ta, Benzami chi cha nuby a daopa ta a tlyhpa a châ.

1 SAMUELA 10:22

Abeipa hiahri heih ei ta, “Chyhsa a vy awpa ama y khao ma?” tah ei ta. Abeipa ta, “Moh teh u, hmobaoh hry liata â nyu thlâh haw,” tah ta.

1 SAMUELA 9:2

Kisâ ta sawchapaw hnei ta, a moh cha Sawla a châ. Ano cha satlia pôraoh a tlai ngaitapa châ ta, Izarei sawzy hry liata ano hlâta hmipha viapa rai y leipa ei ta, chyhsa ahy hmahta a ngiatlâh â khopa y veih ei.