1 SAMUELA 10:2 - Mara Bible RV (BSI)

² Tanoh keima tawhta na sie tita, Benzami râh Zezah liata Râkheli thlâ kiah liata chyhsa pano a tyh aw chi ta, âmo ta na hnohta, ‘Alâ na tluapazy kha ama hmô haw. Tahmâ cha na paw ta alâzy pachâ khao leipa ta nâma sai cha pachâ ta, “Ei sawchapawpa kyh cha kheihta ma ei tao aw tly?” a tah ngâ thlâh ha na,’ tahpa ta ama cha chho aw.

1 SAMUELA 10:2 ပူးပေါင်းရင်းမြစ်များ

ÂTHAONA 35:16

Bethel tawhta sie ei ta, Epharâ khih ama tlô nawpa â hla kaw chyna su liata Râkheli cha saw a zeih ta, a nawh pi ru ngaita ta.

ÂTHAONA 48:7

Keima kyh liata cha, Pâdâ tawhta ei vaw sie no kha, Râkheli cha lâpi liata Kâna râh liata na thisai ha ta. Epharâ khih tlô nawpa a hla kaw chy ta, chavâta Râkheli cha Epharâ lâpi liata ei pabu. Epharâ cha Bethlehe a châ,” tah ta.

ZEREMIAH 31:15

Abeipa ta hetana heta a tah: “Râmâ liata pyu theipa châ ta, Chaphôhtuna nata vâsâhpa ta chana ao theipa a châ. Râkheli ta a sawzy chakhei ta, A sawzy ama y khao leipa vâta, A thlah palôh thei awpa châ vei.”

ZAWSUA 18:28

Zelâ, Helepha, Zebu khihpizy chhao amâ hlao. Zebu cha Zerusale a châ. Kiria­ziari nata Kibi khihpizy chhao a hlao ei ta, khihpi miahrawh hleipalih y ta, khichapeihzy ama hnei. Chazy cha Benzami pathlazy ta a pho pho ta ama to awpa ryuto râh a châ.

1 SAMUELA 10:16

Sawla ta a puhpa hnohta, “Alâzy ama hmô haw tahpa a sia kawpa ta miah a chho,” tah ta. Â bei nawpa kyh Samuela ta a reipa deikua cha a puhpa chho vei.