1 SAMUELA 10:19 - Mara Bible RV (BSI)

¹⁹ Châhrasala tanoh he nama chhiena nata nôpona zydua tawhta châ pachhatuhpa, nama Khazohpa cha khoh leipa ei chi ta, a hnohta, ‘Châ vei, eima chô liata bei miah paduapa teh,’ nama tah. Chavâta tahmâ a chi chi nata a pho pho ta Abeipa hmiakô liata a vaw luah teh u,” tah ta.

1 SAMUELA 10:19 ပူးပေါင်းရင်းမြစ်များ

BIESOZY 16:33

Nuby cha byhpi chô liata a daopa châ ta, Biechhâna deikua cha Abeipa tawhta a châ tyh.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MALUHREINA 11:20

Nama hry liata a ypa Abeipa dythapa ta, chana chôta Abeipa hmiakô liata paphôh ei chi ta, “Khazia ma Izi râh tawhta eima kaw pua tly?” nama tahpa vâta, thla kha chhôh tlai, aina taih nata apalithluna taihta nama nie aw,’ tahpa ta na chho aw ei,” tah ta.

MALUHREINA 17:2

“Izarei sawzy hetana heta chho teh: Izarei chi hrawh hleino chhituhpazy tawhta, chi kha tawhta chôchahrei miakha lymâ ta, chôchahrei mia hrawh hleino la aw chi ta, ama chôchahrei chyu liata ama moh na roh khai aw.

RYHPACHANEINA 17:14

“Abeipa na Khazohpa ta râh a cha piepa ei a ngiapa ta, cha râh cha hneipa ta, cha liata nama pahrâ tita, ‘Eima chheipâh liata phopi zydua taozie hawhta bei eima hnei hra aw,’ nama tah khiahta cha,

ZAWSUA 24:1

Zawsua ta Izarei chi zydua cha Sekhe liata pahmaoh ta, Izarei machâzy, chhituhpazy, ryureituhpazy nata hyutuhpazy awpakhy ta. Khazohpa hmiakô liata a luah chyu ei ta.

RYUREITUHPAZY 8:23

Kidia ta ama hnohta, “Kei ta nama chô liata ryureih leipa aw na ta, ei sawchapawpa chhao ta nama chô liata ryureih hra aw vei. Abeipa ta nama chô liata ryu tlao a reih aw,” tah ta.

1 SAMUELA 10:20

Samuela ta Izarei chi zydua cha vaw paluahsa ta, Benzami chi cha nuby a daopa ta a tlyhpa a châ.

1 SAMUELA 12:12

Châhrasala Amawna bei Nahâsâ cha nâmo a dyuh awpa ta â vy tahpa nama pahno nahta, Abeipa nama Khazohpa cha nama bei a châ thlâh hapa chhao ta, ei hnohta, ‘Châ vei, abei ta eima chô liata ryu a reih awpa a châ,’ nama tah heih.

1 SAMUELA 14:23

Cha noh ta Abeipa ta Izarei cha pachha ta, Bethave khô lâ taihta amâ dyuh lymâ.

1 SAMUELA 14:38

Chatawhcha Sawla ta, “Nâmo Izarei phopi chhituhpa zydua kha he lâ a vaw hnia u la, tanoh he khâpa moleina ma eima tao haw tahpa a laichadai u la, pahno a chhuah teh u.

1 SAMUELA 3:21

Abeipa cha Silô liata a luah heih ta, Abeipa bie hmâpa ta Samuela hnohta anosasyh ta a phualuah ta.

1 SAMUELA 4:1

Samuela bie cha Izarei râh zydua liata pathâh ta. Izarei sawzy cha Philistinâ mo a dyuh awpa ta pua ei ta. Ebeneza liata riehmo paryh ei ta. Philistinâ mo chhao Aphe liata riehmo paryh hra ei ta.

1 SAMUELA 8:19

Châhrasala Izarei phopi ta Samuela ao cha nathlie khoh leipa ei ta. A hnohta, “Châ vei, eima chô liata bei a y tlai awpa a châ,

1 SAMUELA 8:5

a hnohta, “Pachâ teh, nâ cha machâ kaw bâ chi ta, na sawchapawzy hra ta nâma lâpizy a chhih tlôh leipa ei ta, chavâta phopi hropa zydua taozie hawhta, tahmâ eima chô liata ryu a reih awpa bei miah raopa teh,” tah ei ta.