1 SAMUELA 1:24 - Mara Bible RV (BSI)

²⁴ Sâhpi a pathleih nahta, viahchao tôhpa kô thôhpa nata viahdie kachu hmo kha nata kresawhti ôh kha cheipa ta, hawtipa cha Silô liata Abeipa o lâ khykhei ta. Hawtipa cha hawti kaw chy ta.

1 SAMUELA 1:24 ပူးပေါင်းရင်းမြစ်များ

ÂTHAONA 21:8

Hawti cha laiseih lymâpa ta, sâhpi pathleih ta. Aisika sâhpi pathleih noh liata Abarahâ ta kyhchhi rônahpa tao ta.

1 ABEIZY 11:20

Tâpene narônô chata sawchapawpa Kenubâ sapa ta, Tâpene ta a sawchapawpa cha sâhpi a pathleihna taihta Phiraoh o liata mohôh ta. Kenubâ cha Phiraoh o liata Phiraoh sawzy hry liata y ta.

MATHAI 13:33

Zisu ta pakhona bie hropa ama hnohta reih heih ta, “Vârâh khinarâh cha chanô ta thinô la ta, viahdie saikhua miathôh liata pabu ta a zydua ta a thyu khai hapa hawhta a châ,” tah ta.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 16:16

“Chapaw zydua ta Abeipa nama Khazohpa ta â tlyh awpa su liata kô kha ta ei thôh a hmiakô liata namâ luah tyh awpa a châ. Viahchhâ thinô pahlao leipa kyhchhi liata zy, hâta kyhchhi liata zy, byureih kyhchhi liata zy, Abeipa hmiakô liata ku ruapa ta namâ luah awpa châ vei.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.