1 SAMUELA 1:18 - Mara Bible RV (BSI)

¹⁸ Hânâ ta, “Na seichanô he na modypa rie châ mawh sy,” tah ta. Chatawhcha chanô cha sie ta, pati nie ta, a pachârôhna hmia cha pai ha ta.

1 SAMUELA 1:18 ပူးပေါင်းရင်းမြစ်များ

ÂTHAONA 32:5

Viahchao tôhpazy, alâzy, mietaku nata mie zawzy, seichapaw nata seichanôzy ei hnei. Na modypa ei châ thei nawpa ta, cha bie cha ei zibeipa chho awpa ta, chyhsa ei vaw tuah,’ tahpa ta nama chho aw,” tah ta.

ÂTHAONA 32:6

Lyuhchâpazy cha Zakaw lâ vaw kua ei ta, a hnohta, “Na uhta Esaw kô kei tlô pi ta, cha dy awpa ta â vy hai. Chyhsa za palih a hnohta â vaw chhi ei,” tah ei ta.

ÂTHAONA 33:15

Esaw ta, “Cha khiahta la, ei hnohta a ypa chyhsa thokha he ei cha siesaipa sy,” tah ta. Zakaw ta, “A byuh hlei aw ma? Ei zibeipa ngiachhiena tlao na patosa hri mah y,” tah ta.

ÂTHAONA 33:8

Esaw ta, “Sahroh hri ei vaw tyhpa zydua kha, khâpa ma a yzie?” tah ta. Zakaw ta, “Ei zibeipa hmiakô liata ngiachhiena ei hmô thei nawpa ta ei taopa a châ,” tah ta.

HLAZY 34:6

Dyhchhiepa cha awh ta, Abeipa ta a thei; A nôpona zydua tawhta a pachha.

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

ZAWHÂNA 16:24

Tahmâ taihta ei moh ta khâpa hmah hiah mâh veih ei chi. Hiah teh u, nama hmô aw, chatanachata namâ lyna â ki aw.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RUTHI 2:13

Ruthi ta, “Ei zibeipa y, na mohmô liata khokheina ei hlaopa a châ hih! Na laihsazy hry liata a hlao pha vei hraw sah la, châ chakaotuhnô he thlah na palôh chi ta, reikah phapa ta bie einâ chho chi hih,” tah ta.

RUTHI 2:2

Môabâ zuah Ruthi ta Naomi hnohta, “Lyu lâ sie aw na ta, a mohmô liata ngiachhiena ei hlaopa lyu liata kâmo ei kei tho aw,” tah ta. Naomi ta a hnohta, “Ei sawchanô y, sie mah y,” tah ta.