1 SAMUELA 1:16 - Mara Bible RV (BSI)

¹⁶ Na seichanô he chanô moleipa hawhta rie na pachâ khah y, ei nôpona nata ei pachârôh ngaitanazy ei rei papua ngâpa a châ,” tah ta.

1 SAMUELA 1:16 ပူးပေါင်းရင်းမြစ်များ

HLAZY 55:2

Na nathlie la, nâ chhy mah y; Ei palôh a tymâ ta ei pachâ a rôh ngaita,

RYHPACHANEINA 13:13

nama hry tawhta moleipazy pua ei ta, nama pahno beih leipa khazoh hropazy a chhy awpa ta ama khihpi liata a pahrâpazy ama paviasa tahpa nama thei khiahta cha,

RYHPACHANEINA 13:14

patluah aw ei chi ta, nama tlua aw. Pakhâta ta hiahri aw ei chi ta, biedopa châ sala, cha hawhpa hmo pasichhihpa cha nama hry liata taopa a châ tahpa pahno pasiapa a châ khiahta cha,

1 SAMUELA 1:15

Hânâ ta, “Ei zibeipa y, pari va na, a thlahpa nô a popa chanô na ei châ. Kresawhti tlyma, sahma tlyma doh va na, Abeipa hmiakô liata ei hro ei palâhâhpa tlao a châ.

1 SAMUELA 1:17

Eli ta, “Thlalôhpa ta sie mah y, Izarei Khazohpa ta ano lâta na hmo hiapa cha cha pie mawh sy,” tah ta.

1 SAMUELA 10:27

Châhrasala chyhsa dyutlaileipa thokhazy ta, “He chyhsa heta kheihta ma miah a pachha thei aw tly?” tah ei ta, ano cha khâpasaw ta reih leipa ei ta, hmosaipa chhao pie khoh veih ei. Châhrasala Sawla cha a thlih thlâh ha ta.

1 SAMUELA 2:12

Eli sawchapawzy cha dyutlai leipazy châ ei ta, Abeipa pahno veih ei.

1 SAMUELA 25:25

Ei zibeipa heta chyhsa chhiepa Nâbâ he pachâ hlei khah sy. A moh hawh tlai heta na a châ. Nâbâ moh a phaopa hawh tlai ta a hru ha hih. Kei, châ chakaotuhnô heta ei zibeipa satlia vaw tuapazy kha vaw hmô va na.