1 SAMUELA 1:11 - Mara Bible RV (BSI)

¹¹ Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.

1 SAMUELA 1:11 ပူးပေါင်းရင်းမြစ်များ

ÂTHAONA 28:20

Zakaw ta, “Khazohpa cha ei hnohta y sala, ei siena lâpi liana heta na vaih sala, viahchhâ nie awpa nata chysia a tao awpa na piepa ta,

ÂTHAONA 29:32

Liah cha saw phaoh ta, sawchapaw sa ta, “Abeipa ta ei pasataozie a hmôpa vâta a châ, tahmâ cha ei vahpa ta kyh eina pachâ ha aw,” tah ta, a moh Rubena a bi.

ÂTHAONA 30:22

Khazohpa ta Râkheli cha a thei thlâh ha ta. Khazohpa ta a thlahchhâna thei ta, a chhi pahy ta.

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

2 SAMUELA 16:12

Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

HLAZY 25:18

Ei pasataona nata nôpona he pachâ la, Ei moleina zydua nâ ngiahthai mah y.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

BIESOZY 31:2

Hy ei sawchapawpa, khâpa ma na tao? Ei chhi tawhta a puapa y, khâpa ma na tao? Ei bietai sawchapawpa, khâpa ma na tao?

BIECHHOTUHPA 5:4

Khazohpa lâ hmo pie awpa bie nâ taih khiahta cha, na bietai patlô awpa ta pahawhpasâh khah y. Khazohpa cha ahrupazy chô liata a ly vei. Bie nâ taihpa cha patlô mah y.

THEIHTHAINA 27:2

“Izarei sawzy chho la, ama hnohta hetana heta reih teh: Chyhsa ta Abeipa lâta chyhsapa hlâ awpa ta bie a siapa ta a taih sala, chyhsapa vyuhpa ta â phuhpa ta sôh pie awpa a châ khiahta cha,

MALUHREINA 21:2

Chatawhcha Izarei ta Abeipa lâta bietai tao ta, “He phopi he ei ku liata eina pie khiah chi ta cha, ama khihpizy tlokhuh ei pahleipadia khai aw,” tah ta.

MALUHREINA 6:11

theihthaipa ta pô kha moleina hlâna châta hlâ aw ta, ahropa raopa hlâna ta a hlâ aw. Cha hawhna chata athihpa ri vâta a moleina cha chatlaina taopa aw ta, cha noh lia tlai ta a luh cha a pathaisa aw.

MALUHREINA 6:5

“Nâzarai châ awpa ta bie â taih chhôh zydua a luh â ngyu awpa châ vei. Abeipa châta â pananona noh â ki hlâlei a pathaih awpa châ ta, a luh sâ â paseih awpa a châ.

MALUHREINA 6:8

 panano chhôh zydua Abeipa châta pathaihpa a châ aw.

RYUREITUHPAZY 11:30

Zephathâ ta Abeipa liata bie a taih ta, “Amawna mo he ei ku liata eina pie khiah chi ta cha,

RYUREITUHPAZY 13:5

Nathlie teh, saw phaoh aw chi ta, saw­chapaw na sa aw. A luh liata sâ rai ngyu awpa châ vei. Hawti cha chhi liata a y no tawhta Khazohpa châta Nâzarai châ aw ta, ano ta Philistinâ mo ku tawhta Izarei pachhana rai a pathao aw,” tah ta.

1 SAMUELA 1:10

Hânâ cha a palôh pasa ngaita ta, Abeipa lâta thlahchhâ ta, thata cha ta.

1 SAMUELA 1:12

Abeipa hmiakô liata thlah a chhâ pazao ngâ nota, Eli ta Hânâ pakah cha moh thlâh ha ta.

1 SAMUELA 1:19

Mydi kari ta thyu ei ta, Abeipa amâ chhy khai nahta, Râmâ liata ama o lâ a lie ei ta. Elkânâ ta a lapinô Hânâ cha a zialâh ta. Abeipa ta Hânâ cha a thei thlâh ha ta.

1 SAMUELA 1:22

Hânâ deikua cha khy hra leipa ta, a vahpa hnohta, “Hawtipa he sâhpi a pathleihpa nahta, a chhi aw na ta, Abeipa hmiakô liata a luah aw ta, cha liata a y ngâ thlâh ha aw,” tah ta.

1 SAMUELA 1:27

He hawtipa he hiapa ta thlahchhâ na ta, Abeipa ta ano liata ei hiapa cha eina pie haw.

1 SAMUELA 1:28

Chavâta kei chhao ta hawtipa he Abeipa lâ ei hlâ lilaw haw. A hro chhôh zydua châta Abeipa lâ hlâ hapa a châ,” tah ta. Chatanachata hawtipa cha, cha liata Abeipa a chhypa ta y ha ta.

1 SAMUELA 2:20

Eli ta Elkânâ nata a lapinô cha byhnâ awpa ta, “He chanô ta Abeipa lâ a hlâ hapa vyuhpa ta, ano liana heta Abeipa ta saw hropazy cha pie mawh ei sy,” tah ta. Cha khai tawhta ama o lâ a lie ha ei ta.