1 SAMUELA 1:10 - Mara Bible RV (BSI)

¹⁰ Hânâ cha a palôh pasa ngaita ta, Abeipa lâta thlahchhâ ta, thata cha ta.

1 SAMUELA 1:10 ပူးပေါင်းရင်းမြစ်များ

ÂTHAONA 30:1

Râkheli ta Zakaw châta saw a sapa leipa â pahno nahta, a narônô cha uahva kaw ta. Zakaw hnohta, “Saw na pie teh, chataleipatala ei thi aw,” tah ta.

ÂTHAONA 50:10

Zawdâh haosâ liata Atadâ sawhri tlô ei ta, cha liata chaphôtuna vâsâh chhih ngaitapa ta thata chakhei ei ta, cha liata a paw mâchhiesana châta noh sari hmâh ta.

2 SAMUELA 13:36

A rei khaipa nahta, abei sawchapawzy cha vaw tlô pâ ha ei ta. Aoh tlili ta cha ei ta, abei nata a chakaotuhpazy chhao aoh tlili ta cha ei ta.

2 SAMUELA 17:8

Husai ta, “Na paw nata a chyhsazy cha na pahno ei, pasaiphazy châ ei ta, chyhsa chhyu ngaitapa, lyurâhpa liata chavyh a taw la hapa hawhta amâ hrâh. Cha dei châ vei, na paw cha a dyuhpa chyhsa châ ta, zawpi hry liata a rie ngyu aw vei.

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

ZAWBÂ 10:1

“Ei hro he eina ai ngaita; Thata paphôh aw na ta, Ei palôh pasana ei reih tua aw.

ZAWBÂ 7:11

“Chavâta ei pakah he pakhâ aw va na; Ei thlahpa pachârôhpa ta bie reih aw na ta, Palôh pasapa ta ei paphôh aw.

ZAWBÂ 9:18

Huhnopa ta y na pasaih leipa ta, Ruchhôna ta eina pabie.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

BIESOZY 14:10

Palôh cha ano ngâlâh ta a pasana pahno ta, Â lyna liata chhao khôtho chyhsa a lykheipa y veih ei.

ISAI 38:15

Khâpa ma ei reih khao aw? Abeipa ta ei hnohta bie reih ha ta, Ano tlai ta a tao ha he zaw. Ei hro vâsâhnazy vâna heta, Ei hro chhôh kô zydua cha, A chado kawpa ta ei hmâh bâ aw.

ISAI 54:6

Lapinô mapa palôh pasa ngaitapa aw pakhuapa hawhta, Abeipa ta cha aw pakhua ta; Thyutlia daihti lapinô mapa aw pakhuapa hawhta, Abeipa ta a cha aw pakhua, Na Khazohpa ta a tah.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 22:10

A thi hapa chakhei leipa u la, Mâchhie sapa hra khah u. Â paih hapa deikua cha, Vaw kua khao leipa aw ta, A pina râh a hmô heih khao lei awpa vâta, Thata cha­khei teh u.

CHAPHÔHTUNA 3:15

Sihnâ khapazy ta ei rih na pabie ta, Thohna khapa ti eina parisa.

LUKA 22:44

A pachârôh ngaita ta, phahnai a ngiah via heihpa ta thlahchhâ ta. A mathlai di thisaih hawhta alei liata tla ta.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.

RYUREITUHPAZY 21:2

Izarei phopi cha Bethel lâ sie ei ta, cha liata zâlâ taih Khazohpa hmiakô liata a tyuh ei ta, a paropa ta palôh pasa ngaitapa ta cha ei ta.

RUTHI 1:20

Naomi ta ama hnohta, “Naomi na tah khah u, Marâh na tah teh u, Atotaotheipa ta nôpo ngaitapa ta eina tao ha hih.

1 SAMUELA 1:11

Abeipa lâta bietai miakha tao ta, a hnohta, “Hy Pheisaihzy Abeipa, na sei­chanô taopasazie he hmôpa ta, na seichanô he my leipa la, nâ theipa ta, na seichanô he sawchapaw eina pie khiah chi ta la, a hro chhôh zydua ta Abeipa pie lilaw aw na ta, a luh ngyupa châ aw vei,” tah ta.

1 SAMUELA 1:9

Silô khih liata pati niepa ta kresawhti ama do khai nahta, Hânâ cha thyu ta. Theihthaipa Eli cha Abeipa Achhyna o chhikao tôh thaby liata dyuchhai liata a vaw tyuh thlâh ha ta.