1 PITY 5:8 - Mara Bible RV (BSI)

⁸ Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

1 PITY 5:8 ပူးပေါင်းရင်းမြစ်များ

ESTHERI 7:6

Estheri ta, “Khakhaipa nata chariahpa a châ! He moleipa Hâmâ he a châ,” tah ta. Hâmâ cha abei nata beinô hmiakô liata thata a chalyu ta.

ZAWBÂ 2:2

Abeipa ta Sâtâ hnohta, “Khataih tawhta a vypa ma na châ?” tah ta. Sâtâ ta Abeipa cha a chhy ta, “Alei chô liata vawh heih, a vy heih, khy heih, zu heih tahna tawhta â vypa ei châ,” tah ta.

HLAZY 104:21

Chakeibarôhneipa lochopazy sa tai awpa ta a rôh ei ta, Khazohpa ta nie awpa a piepazy ama tlua tyh.

HLAZY 109:6

Leihtuhpa a dyuh awpa ta chyhsa moleipa rao la, Leihtuhpa cha a chachâh lâta a duah mawh sy.

BIESOZY 19:12

Abei hiehâna cha chakeibarôhneipa a rôhpa hawhta châ ta, A khokheina deikua cha sibiepa chôta diati a tlapa hawhta a châ.

BIESOZY 20:2

Abei hiehâhpa cha chakeibarôhneipa a rôhpa hawhta châ ta, Abei hie a pahâhpa chyhsa cha a hro châta chi â chhih.

BIESOZY 28:15

Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

ISAI 50:8

Thai nâ pachâtuhpa cha a hniata ta, Ahy ma nâ dyuh ngâh aw? A duah khoh tua ei si. Nâ khakhaipa cha ahy maw? Nâ vaw hnia mawh sy.

ZEREMIAH 2:15

Chakeibarôhneipa lochopazy ta a rôh thlu ei ta, A paro ngaitapa ta amâ rôh thlu lymâ. A râh roryhrapa ta tao ei ta, A khihpizy chhao ry khai ha ta, A chhôh liata a pahrâpa y khao veih ei.

ZEREMIAH 51:38

Chakeibarôhneipazy hawhta, Hmaohkha ta a rôh aw ei ta; Chakeibarôhneipa tawzy hawhta, Ama sâh aw.

EZEKIA 19:7

Ama nôhmeizy patu ta, Ama khihpizy roryhrapa ta a paysa; Â rôhpa pyu vâta, Râh nata a chhôh liata a ypa zydua thlazohpa ta ama y.

EZEKIA 22:25

Râh beizy cha chakeibarôhneipa a rôh ta, sa tai ta, a hriechheihpa lyu ei ta, arulâta chyhsa teipa ta, chyhsa hronazy la ei ta, chyhsa ryubyhzy nata hmo sôhpazy lapa ei ta, râh liata nôhmei hluhpi ama paysa.

DÂNIAH 6:24

Chatawhcha abei ta biepie ta, hiatliana vâta Dâniah a leihtuhpazy cha a vaw chhi ei ta, chakeibarôhneipazy lôpu liata thy ei ta, âmo, ama sawzy nata ama lapinôzy chhao ta. Lôpu siphiah chhao ama tlô hlâta, chakeibarôhneipazy ta a vaw zawhnao ei ta, ama ru zydua taihta a tlawh ta ama thlie pachhô khai haw.

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

HÔSIA 13:8

Chavyh a taw ama chhupa hawh ta A zawhnao aw ei na ta, Ama châh-ao alâna taihta Ei hriechhei khai aw ei; Cha liata âmo cha, Chakeibarôhneipa hawhta nie aw ei na ta; Sahrâhpa hawhta Ei hriechheih khai aw ei.

ZÔELA 3:16

“Abeipa cha Zaio tawhta a rôhpa ta, Zerusale tawhta ao papua ta, Alei nata avâ amâ chalyu. Châhrasala Abeipa cha, A phopi châta amâ chhaina châ ta; Izarei sawzy châta ama thokhy a châ.”

AMÔSÂ 1:2

Amôsâ ta, “Abeipa cha Zaio tawhta a rôh ta, Zerusale tawhta ao a papua; Mietaku vaituhpa sibiepa suzy mâchhiesa ei ta, Kâmel tlâh laki a uah,” tah ta.

AMÔSÂ 3:4

Sa a taipa y leipa ta, Lyurâhpa liata chakeibarôhneipa â rôh beih ma? A lapa y leipa ta, Chakeibarôhneipa lochopa chhao, A khaoh tawhta â rôh beih ma?

AMÔSÂ 3:8

Chakeibarôhneipa a rôh ha ta, Ahy ma chi leipa ta a y aw? Abeipa Zehôvâh ta bie reih ha ta, Ahy ma phuah leipa ta a y thei aw?”

ZEKARIA 11:3

Ama sibie panyupa su phapazy a rao khai hapa vâta, Mietaku vaituhpazy chana ao theipa châ ta, Zawdâh râh panyupa a rao khai hapa vâta, Chakeibarôhneipazy a rôhpa pyu theipa a châ.

ZEKARIA 3:1

Chatawhcha Abeipa vâlyuhchâpa hmiakô liata â duahpa theihthai beichaipa Zawsua nata ano leih awpa ta a chachâh lâta a duahpa Sâtâ na pahmô ta.

MATHAI 13:39

âmo a hietuhpa chariahpa cha ahripa a châ. Sâh hria daihti cha daihti chhâna châ ta, hriatuhpazy cha vâlyuhchâpazy ama châ.

MATHAI 24:42

Khâpa nota ma nama Beipa cha â vy aw tahpa nama pahno leipa vâta, a hrohruapa ta y teh u.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 4:1

Cha khai tawhta Zisu cha ahripa ta a reipasao awpa ta, Thlahpa ta râhchawhpa lâ a chhi ta.

MATHAI 4:11

Chatawhcha ahripa ta Zisu cha siesai ha ta. Vâlyuhchâpazy a vy ei ta, ano cha ama chakao haw.

MÂKA 4:15

Hezy he lâpi liata a tlapa bie chizy ama châ. Bie ama theipa nahta, Sâtâ a vy ta, ama palôh liata bie chi hiepa cha thlai a lapa ha tyh ei.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

LUKA 22:31

“Saimaw, Saimaw, pachâ teh, Sâtâ ta sâh chanei ta a cha chanei thei nawpa ta, cha hnei awpa a khoh.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

2 KAWRINI 2:11

Chataleipatala Sâtâ ta miah a pahnie pathlei aw. Sâtâ hmochhuahpa pahno leipa ta y ma pi.

EPHESI 4:27

ahripa châta su paruapa khuh vy.

EPHESI 6:11

Ahripa reipasaonazy nama pahnie thei nawpa ta, Khazohpa chariah chhaichhi pakipa ta a tobi teh u.

1 TIMAWTHY 2:15

Châhrasala ngiapâna nata kyhpachâna nata pathaihna hneipa ta, hrozie ngiapa ta ama hroh khiahta cha, saw sana vâta pachhapa ama châ aw.

1 TIMAWTHY 2:9

Cha hawhna chata chanôzy chhao â daihpa rakha ta a tobiepa ta, mongiapa nata zachhihpa ta y ei sala ei khoh. Sâ phiehpa ta tlyma, ngôh ta tlyma, taikulô ta tlyma, chysia mâ rupa ta tlyma a tobi leipa ta,

1 TIMAWTHY 3:11

Cha hawhna chata chanôzy chhao chyhsa zachhihpa, chyhsa kyh a reih leipa, a sohsi theipa nata ato liata ngâchhihpa ama châ awpa a châ.

1 TIMAWTHY 3:2

Awnanopa chhituhpa cha seina hnei leipa, lapinô pakha a hneipa, a sohsi theipa, sasyh a vao pahniepa, zachhihpa, chyhsa papyupahly a thaipa, a pachu theipa,

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

TITU 1:8

Khichhai a pasôpa, phana a khohpa, a sohsi theipa, chyhsa siapa, chyhsa pathaihpa, sasyh a vao pahniepa a châ awpa a châ.

TITU 2:12

Cha chata Khazohpa pachâ leina nata khizaw aohraohnazy bâhsaipa ta, tahmâhlâ khizaw liana heta asohsipa nata asiapa nata Khazohpa pachâna hro hrokhei awpa ta miah pachu ta,

TITU 2:2

Pawhrâhpazy cha palôh pasohpa, zachhihpa, a sohsi theipa, ngiapâna patapa, kyhpachâna a hneipa nata daotheipa chyhsazy châ awpa ta pachu mah y.

TITU 2:4

Nô laihsa viapazy cha ama vahpazy nata ama sawzy kyhpachâ awpa ta pachu la,

TITU 2:6

Cha hawhna chata chapaw thyutlia viapazy chhao, a sohsi theipa châ awpa ta pachu mah y.

ZÂMIE 4:7

Chavâta Khazohpa liata a ngiarih teh u. Ahripa a dyuh u la, a châ râsai aw ei.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

BIEPHUAH 12:10

Chatawhcha avâ liata ao paro ngaitapa thei na ta, ao chata, “Tahmâ cha eima Khazohpa pachhana, hmotaotheina, khinarâh nata a Krista biehneina zy a vaw tlô haw. Eima unawhzy a leihtuhpa, eima Khazohpa hmiakô liata chhô nah zâ ta âmo a leih tyhtuhpa cha, za thy pathlahpa a châ haw.

BIEPHUAH 12:12

Chavâta Hy avâzy nata a chhôh liata a pahrâpazy saih u, a ly teh u! Nâmo, alei nata tilaipi deikua cha, nama hu a po na! Ahripa ta daihti chyuta dei a hnei tahpa a pahnopa vâta, hiehâh ngaitapa ta nâmo lâ za chô ha tlôh ta,” tah ta.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 20:10

Âmo dôveituhpa ahripa cha, sahrâhpa nata hrohso pakheipa yna mei nata kaih tipo liata thypa châ ta, chhô nah zâ ta chhâzaw nata tlyzaw ta pasa pataosapa a châ aw.

BIEPHUAH 20:2

Drâkao parih hlôpa, ahripa nata Sâtâ cha patu ta, kô sâh kha châta chahry ta.

RYUREITUHPAZY 14:5

Chatawhcha Sâsawna cha a nô nata a paw chhaota Timnah khih lâ zu ei ta, Timnah kre sadôzy za tlô ei ta. Chakeibarôhneipa lochopa a vaw rôh laihna chôta ano lâ â vypa hmô ta.