1 PITY 5:7 - Mara Bible RV (BSI)

⁷ Khazohpa ta cha pachâ ngaita ei ta, chavâta nama nôpona zydua a chô liata pahnieh teh u.

1 PITY 5:7 ပူးပေါင်းရင်းမြစ်များ

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

HLAZY 37:5

Na yzie awpa cha Abeipa liata pahnieh la, Ano ngâ la, Ano ta a tao aw.

HLAZY 40:17

Kei la dyhchhiepa nata phahlapa châ na ta, Châhrasala Abeipa ta eina pachâ tyh. Hy ei Khazohpa, Nâ cha nâ baotuhpa nata nâ pachhatuhpa châ chi ta, Rie hawh khah y!

HLAZY 55:22

Na phaohri Abeipa liata pachhô la, Ano ta tha a cha patlô aw; Mosiapa cha pao pasaih beih aw vei.

BIESOZY 16:3

Na raizy Abeipa pavao sa la, Nâ chhuahpazy a hlaotloh aw.

MATHAI 6:27

Nama hry liata ahy ma pachârôhpa vâta a doh dy kha a paseihsa via thei?

MATHAI 6:28

Khazia abu asai kyh liata nama nô a po? Râh liata lilipawzy pachâ tua u, kheihta ma ama laiseih? Hriapasa leipa ei ta, pala so hra veih ei.

MATHAI 6:31

“Chavâta ‘Khâpa eima nie aw?’ ‘Khâpa eima doh aw?’ ‘Khâpa eimâ tobi aw?’ tahpa ta nôpopa ta y khuh vy.

MÂKA 4:38

Châhrasala ano cha balyh chao lâ liata lahuah a huapa ta a mô thlâh ha ta. Kei pathyu ei ta, a hnohta, “Pachutuhpa, eima leidia awpa he pei tah va chi ma?” tah ei ta.

LUKA 12:22

Chatawhcha Zisu ta a pachupazy hnohta, “Ei cha chho ei, khâpa ma eima nie aw, tahpa ta nama hrona châta pachâ chhie leipa u la, khâpa ma eimâ bu eimâ sai aw, tahpa ta nama pôhpa châta pachâ chhie hra khah u.

LUKA 12:26

Cha hawhpa hmo chyhpata hmah a tao thei leipazy ei chi ta, khazia hmo hropazy liata nama pachâ a rôh tly?

ZAWHÂNA 10:13

Hriahlaopa a châpa vâta a râ ta, mietakuzy pachâna rai hnei vei.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

1 SAMUELA 30:6

Chyhsa to ta ama sawchapawzy nata sawchanôzy vâta palôh pasa ngaitapa ta y ei ta. Chavâta Dâvi cha alô ta vaw awpa kyh reih ei ta. Dâvi cha a nôpo kaw ta. Châhrasala Dâvi cha Abeipa a Khazohpa liata tha a patlô ta.