1 PITY 5:6 - Mara Bible RV (BSI)

⁶ Chavâta Khazohpa ku thatlôpa ry liata a panawh teh u. Chatanachata a daihtita liata a cha palyupalih aw ei.

1 PITY 5:6 ပူးပေါင်းရင်းမြစ်များ

1 ABEIZY 21:29

“Ahabâ ta ei hmiakô liata â panawhzie kha na hmô ma? Ei hmiakô liata â panawhpa vâta, ano chhâ liana heta la chhiena patlôsa aw va na. A sawchapawpa chhâ liata deikua cha a pathlazy chô liata chhiena ei patlôsa aw,” tah ta.

2 ABEIZY 22:19

he su nata a chhôh liata a pahrâpazy kyh liata, roryhrapa nata chhiesapa ta ama y aw tahpa kyh ei reipa na thei nahta, na palôh naipa ta Abeipa hmiakô liata a panawh chi ta, na chysiazy hriepa ta, ei hmiakô liata na chapa vâta, kei chhao ta ei cha thei, Abeipa ta a tah.

2 THÂTIHZYRONA 12:12

Bei Rehôbaw cha â panawhpa vâta, Abeipa pathiiana ta ano cha a liesai ta, tlokhuh pahleipadiapa châ khao vei. Cha dei châ vei, hmo phapazy Zudâh liata a y chypa vâta, tlokhuh pahleipadia leipa ama châ.

2 THÂTIHZYRONA 30:11

Asera chi, Manase chi nata Zebulaw­na chi thokhazy deikua cha, a panawhpa ta Zerusale lâ cha a vy ei ta.

2 THÂTIHZYRONA 32:26

Châhrasala Hezekia nata Zerusale khihsawzy ta ama palôh liata amâ palaina cha a ngiapachhipa ta amâ panawh heihpa vâta, Hezekia hro chhôh ta cha Abeipa pathiiana ama chô liata vaw tlô khao vei.

2 THÂTIHZYRONA 33:12

Nôpo ngaitapa ta a y nahta, Abeipa a Khazohpa ngiachhiena a haw ta, a pathlatuhpazy Kha­zohpa hmiakô liata a panawh ta.

2 THÂTIHZYRONA 33:19

A thlahchhâna, Khazohpa ta a hiana a ngia­chhiena, â panawh hlâta a moleina nata a ngâchhih leina zydua, su sâhpa a taona suzy nata Aseri tôh nata khazoh nothlahpazy a paduana thâtihzy cha, Hrohsopazy Thâtih rona châbu liata ropa a châ.

2 THÂTIHZYRONA 33:23

Amawna cha a paw Manase a panawhpa hawhna khata Abeipa hmiakô liata a panawh khoh vei. Chavâta thaileichâna ano liata â baichha via lymâ.

2 THÂTIHZYRONA 36:12

Abeipa a Khazohpa mohmô liata hmo pha leipa tao ta. Abeipa pakah tawhta a puapa bie a reihtuhpa hrohsopa Zeremiah hmiakô liata a panawh khoh vei.

ZAWBÂ 36:22

Moh teh, Khazohpa cha a hmotaotheina vâta cheihchalopa ta y ta, Ano hawhpa pachutuhpa ahy ma a y?

HLAZY 75:10

Moleipa ki zydua tai pachhô aw na ta, Mosiapazy ki deikua cha chaluahpa a châ aw.

HLAZY 89:13

Bâh hmotaotheipa hnei chi ta, Ku thatlôpa na hnei; Na ku chachâh lâ cheihchalopa ta a y.

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

PUASAINA 3:19

Châhrasala ku thatlôpa ta a pataosa leipa ta cha, Izi bei ta cha pasiesa aw veih ei tahpa ei pahno.

PUASAINA 32:11

Châhrasala Mawsi ta Abeipa a Khazohpa cha a haw ta, a hnohta, “Hy Abeipa, hmotaotheina rônahpa nata ku thatlôpa ta Izi râh tawhta nâ kaw chhi papuapa na phopi chô liata khazia ma cha tlu po ta na hie a hâh tly?

BIESOZY 29:23

Chyhsa cha â palaina ta ano panawh aw ta, Chyhsa areisipa deikua cha palyupalihna a hlao aw.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 40:4

Saikao to pasâhpa châ aw ta, Tlâhpi nata tlâhthlôh to pahnaipa a châ aw. Alei byuhpazy paraihpa châ aw ta, Pâdawhpazy pabypa a châ aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ZEREMIAH 13:18

Bei nata a nô hnohta hetana heta tah teh: “Dyuchhai a hnaipa liata a tyuh teh u; Nama beilakhozy tla ha ta, Nama rônahna lakho a tla haw.”

ZEREMIAH 44:10

Tanoh taihta a panawh to leipa ei ta, nâmo nata châ pathlatuhpazy hmiakô liata ei sopa ei ryhpa nata ei bieraopazy a chhih khoh leipa ei ta, chi hra veih ei.

EZEKIA 17:21

A pheisaih pha chaipa zydua zaozi ta pao aw ei ta, a laibâhpazy cha thlih pathlina lâ maihta amâ râpai aw. Chatanachata kei, Abeipa ta ei reih haw tahpa nama pahno aw.

EZEKIA 21:6

“Chavâta chyhsa sawchapawpa y, palôh keichheihpa nata pachâchhie ngaitapa ta a hrô la, ama mohmô lia tlai ta a hrô mah y.

DÂNIAH 5:22

Nâ a sawchapawpa Belsâza heta, cha zydua cha na pahno thlâh hana chôta, na palôh a panawh khoh va chi.

THEIHTHAINA 26:41

ama paraonazy vâta ama kho leizie ta hmo tao na ta, ama chariahpazy râh lâta ei chhipa ei kha pahnopa ta, ama pathipalôh chopawtaileipa a panawh ei sala, ama hmo paraona tawhta a taopathi amâ chhuah khiahta cha,

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

MATHAI 23:12

Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw.

LUKA 1:52

Thatlôpazy ama beidyuchhai tawhta a daophi ta, Areisipazy a cheihchalo tyh.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 18:14

Ei cha chho ei, thaichâpa ta a o lâ a dipa cha, Phârisaih châ leipa ta, chhiekheituhpa tlao a châ. Ahy rai a pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

RAWMA 5:6

Eima chiehlei nona khata, Krista cha moleipazy vyuhpa ta a daihtita liata thi ha ta.

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

1 TIMAWTHY 2:6

Krista Zisu cha chyhsa zydua chatlai nawpa ta anosasyh ta a pie ta, a daihtita liata chatlaina bie a phuah haw.

TITU 1:3

A daihtita liata a vaw luahpa chhâzaw hrona bie cha, Khazohpa miah Pachhatuhpa biepiepa ta pavaosapa châ na ta, cha bie a chhotuhpa, kei, Pawla heta,

ZÂMIE 4:10

Abeipa hmiakô liata a panawh u la, Abeipa ta a cha palyupalih aw ei.

ZÂMIE 4:7

Chavâta Khazohpa liata a ngiarih teh u. Ahripa a dyuh u la, a châ râsai aw ei.

ZÂMIE 5:10

Unawh saih u, Abeipa moh ta bie a reihpa hrohsopazy kha, pasataona nata palôh pasina kyh liata a mopâ awpa ta hmâh teh u.