1 PITY 5:5 - Mara Bible RV (BSI)

⁵ Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

1 PITY 5:5 ပူးပေါင်းရင်းမြစ်များ

2 THÂTIHZYRONA 6:41

“Hy Zehôvâh Khazohpa y, Tahmâ thyu la, Na thatlôna Byh chhaota, Nâ pahâna su lâ sie mah y. Hy Zehôvâh Khazohpa y, Na theihthaipazy pachhana ta tobi la, Na mopathaihpazy na phana liata y mawh ei sy.

ZAWBÂ 22:29

Khazohpa cha reisipazy a pachha tyhpa vâta, Panawhpa ama châ tita, ‘Apalaina vâta a châ,’ na tah aw.

ZAWBÂ 29:14

Siana cha chysia ta a tobi na ta, Adona cha ei viahkao nata ei khutho a châ.

HLAZY 132:16

A theihthaipazy pachhana ta tobi aw ei na ta, A mopathaihpazy thaphapa ta ama rahao aw.

HLAZY 132:9

Na theihthaipazy siana ta a tobi ei sala, Na mopathaihpazy thaphapa ta rahao mawh ei sy.

HLAZY 138:6

Abeipa cha chônôchaipa a châ tarawpa ta, Chyhsa nawhpazy pachâ ta; Akhotlâhpazy deikua cha, Â hlapi tawhta a pahno ei.

BIESOZY 25:7

Nôpawpazy mohmô ta â hnai lâ patyusapa hlâta, “He lâ a khy teh,” ama cha tahpa a pha via.

BIESOZY 3:34

Mohnaotuhpazy cha mohnao ta, Areisipazy chô liata deikua ngiachhiena a palâsa tyh.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

EZEKIA 26:16

Tilaipi kiah râh bei zydua cha, ama beidyuchhai tawhta chô aw ei ta, ama poh rônahpazy hlai aw ei ta, ama chysia a ngiapazy ama pahluh aw. Achalyuna ta tlao a tobi aw ei ta, a chalyupa ta alei liata a tyuh aw ei ta, cha moh aw ei ta noâh ama tah aw.

DÂNIAH 11:12

Pheisaihzy cha chho lâ a chhipa ta ama y nahta, chho bei palôh cha thata a kaw palai aw ta, sâh hluhpi a thie aw ei. Châhrasala a duah patlô aw vei.

THEIHTHAINA 19:32

“Luh pawhpa hmiakô liata nâ duah tyh awpa châ ta, machâpa hmia za aw chi ta, Khazohpa na chi awpa a châ. Kei he Abeipa ei châ.

LUKA 22:26

Nâmo deikua la cha hawhta châ veih ei chi. Nama hry liata a rônah chaipa cha seihnai chaipa hawhta y sala, hyutuh chaipa cha chakaotuhpa hawhta y mawh sy.

RAWMA 12:10

Unawh kyhpachâna ta kyh a pachâ raihrie u la, a palyupalih raihrie muh vy.

RAWMA 13:14

Abeipa Zisu Krista ta tlao a tobi u la, nama sapa khopa pipatlohsa nawpa ta khâpa hmah tao khuh vy.

EPHESI 5:21

Krista nama chizana palâsapa ta, a ngiarih raihrie teh u.

PHILIPI 2:3

Hlaotlohna hmô ta, moh a lâ awpa khona vâta tlyma, apalaina vâta tlyma, khâpa hmah tao khuh vy. Tlao a panawh u la, nâmo hlâta mohropazy pha viapa ta rao teh u.

KAOLAOSÂ 3:12

Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

1 TIMAWTHY 5:1

Pawhrâhpa cha ra leipa la, paw hawhta pasyu la, chapaw thyutliazy cha unawhzy hawhta moh mah y.

HEBRAI 13:17

Nama hyutuhpazy rei a ngiah u la, ama biehneina liata a ngiarih teh u. Khazohpa hmiakô liata nama thâtih a reih awpazy châ ei ta, pachârôhna chôta châ leipa ta, a ly kawpa ta nama thâtih ama rei thei nawpa ta nama thlahpa a vaituhpazy ama châ. Pachârôhna chôta nama thâtih reipa cha, nama châta phahnai aw vei.

ZÂMIE 4:6

Châhrasala ngiachhiena hluh via ta tlao a vaohei tyh. Chavâta Biehrai ta, “Khazohpa ta apalaipazy a dyuh ta, areisipazy deikua a ngiachhie tyh,” a tahpa a châ.

1 PITY 3:8

A chhâ chaina ta cha, nama zydua ta palôh miakha phaohpa ta y u la, tha a pasa raihrie teh u. Unawh hawhta kyh a pachâ u la, a ngiachhie raihriepa ta, areisipa ta y teh u.

1 PITY 4:1

Krista cha sapa ta pasa a taopa a châpa vâta, nâmo chhao, cha hawhpa pachâna chata a tobi hra teh u. Sapa ta pasa a tao hapa cha moleina a bâhsaipa a châ.

1 PITY 4:5

Ahrohpa nata athihpa pachia awpa ta a mâ chiehpa ta a y thlâh hapa hnohta ama thâtih âmo tlai ta amâ reih aw.