1 PITY 5:3 - Mara Bible RV (BSI)

³ Nama mohôhpa mietakuzy chô liata a pabeisa leipa u la, mietaku zaw châta a mopâ tlâhpa ta tlao y muh vy.

1 PITY 5:3 ပူးပေါင်းရင်းမြစ်များ

HLAZY 33:12

Abeipa a Khazohpa ta a hneipa râh cha, Râh huhiehpa châ ta; A ryuto châta â tlyhpa phopi chhao, Phopi huhiehpa a châ.

HLAZY 74:2

Na phopi he a thei mah y; Hlâno tawhta na chaleipazy châ pi ta, Na ryuto chipho châ awpa ta na chatlaipazy eima châ! Na pahrâ tyhna Zaio Tlâh chhao a thei mah y.

EZEKIA 34:4

Mietaku chiehleipazy thapatlô leipa ei chi ta, a pasapazy patlâh hra leipa ei chi ta, hmahphaohpazy chhao chahry veih ei chi. Lâpi a paviapazy a vaw chhi pakhua leipa ei chi ta, aleipazy tlua hra vei ei chi. Nôchhiepa nata chahrâhpa ta ama chô liata ryu tlao nama reih tyh.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

MALUHREINA 18:7

Nâ nata na hnohta a ypa na sawchapawzy ta maisâh nata pohraipa chhôh liata theihthaina rai hria awpa zydua hria thei aw ei chi ta, nama chakao aw. Theihthaipa chakaona raihria cha, hmosaipiepa ta nama hnohta cha pie ei na ta, chihropa a vaw hniapa maih cha thie awpa ama châ,” tah ta.

ZAWHÂNA 13:15

Nama chô liata ei taopa hawhta, nâmo chhao tao hra awpa ta, pamosana ei cha taopa ei.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

1 KAWRINI 11:11

Abeipa liata deikua cha, chanô cha chapaw a hlao leipa ta y thei leipa ta, chapaw chhao chanô a hlao leipa ta y thei vei.

1 KAWRINI 3:5

Apawlôsâ cha khâpa ma a châ? Pawla chhao cha khâpa ma a châ? Chakaotuhpa, nâmo châ pangiapâsatuhpa deita ama châ. Cha chhao cha Abeipa ta a piepa lymâ hawhta ama hria chyupa a châ.

1 KAWRINI 3:9

Keimo he Khazohpa hrialâhpazy châ pi ta, nâmo Khazohpa lyu châ ei chi ta, Khazohpa o sapa nama châ.

2 KAWRINI 1:24

Namâ ngiapâna chô liata biehnei a chhuah leipa pi ta, namâ ngiapâna liata â ipa ta namâ duapa vâta, namâ ly nawpa ta eima cha hrialâhpa tlao a châ.

2 KAWRINI 4:5

Keimo thâtih chho leipa pi ta, Zisu Krista cha Abeipa a châ tahpa chho pi ta, keimo chhao Zisu vâta nâmo châ chakaotuhpazy eima châpa eima chho tyh.

RYHPACHANEINA 32:9

Abeipa tovyuh deikua cha a phopi châ ta, Zakaw cha a ryuto a châ.

PHILIPI 3:17

Unawh saih u, ei hâ nâ latuhpazy châ teh u. A mopâ awpa keimo miah hnei ei chi ta, keimo hawhta a ypazy cha a mopâ teh u.

PHILIPI 4:9

Keima liata hmo namâ chupa, nama daopa, nama theipa nata nama hmôpa zy kha tao tyh muh vy. Chatanachata thlalôhna Khazohpa ta a cha ypâ aw ei.

1 THYSALAWNIKA 1:7

Mâsidônia nata Akai râh liata ngiapâtuhpa zydua châta a mopâ awpa nama vaw châ.

2 THYSALAWNIKA 3:9

Miah chyh awpa ta nâmo châ hnaw theina eima hnei leipa vâta châ leipa ta, eima hâ miah a la awpa eima cha khokheipa vâta rai eima hriapa a châ.

1 TIMAWTHY 4:12

Thyutliapa na châpa vâta ahy hmahta cha mohnao khah ei sy. Bie rei kyh liata zy, yzie kyh liata zy, kyhpachâna kyh liata zy, ngiapâna nata pathaihna kyhzy liata ngiapâtuhpazy a mopâ awpa ta tlao y mah y.

TITU 2:7

Kyh to liata hmo pha taona liata a mopâ awpa ta y la, na pachuna liata adona nata zachhihna palâsa mah y.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.