1 PITY 5:2 - Mara Bible RV (BSI)

² Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

1 PITY 5:2 ပူးပေါင်းရင်းမြစ်များ

2 ABEIZY 12:6

Châhrasala Bei Zehôasâ kô kih nata kô thôh â beina taih chhao ta, theihthaipazy ta Achhyna o cha taopathi leipa ei ta.

HLAZY HLA 1:8

Hy chanôzy hry liata chhithai chainô y, Na pahno vei khiahta la, Mietaku zaw hniehnôh vaw chathôh laih la, Mietaku vaituhpazy poh ozy kiah liata, Na mietaw chanôpazy vaw pasa mah y.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ISAI 6:8

Chatawhcha ei Abeipa ao thei na ta, “Ahy tuah aw na ta, ahy ma eima châta a sie aw?” tah ta. Kei ta, “He liata ei y! Na tuah mah y!” tah na ta.

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 13:20

“Mohmia pasaih u la, Maw lâ tawhta â vypazy hao moh tua u. Na hnohta piepa mietaku zaw kha, Khataih liata a y haw? Na mietaku zaw khochhihpa kha, Khataih liata a y haw?

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

ZEREMIAH 8:10

“Chavâta ama lapinôzy cha mohropazy pie aw na ta, Ama lyuzy chhao âmo a pahnietuhpazy ei pie aw ei. Chyhsa to, a chyh chaipa tawhta a lai chaipa taihta, Athôhna doleipa liata karâypazy châ ei ta, Hrohsopa nata theihthaipa zy taihta Chyhsa ama dôveipa vâta, Cha hmozy cha ama chô liata ei tao aw.

EZEKIA 34:23

Nâ chakaotuhpa Dâvi cha âmo vaituhpa ta soh aw na ta, ano ta âmo cha a pasa aw. Âmo cha pasa aw ta, âmo vaituhpa a châ aw.

EZEKIA 34:31

Nâmo cha ei sibiepa su liata ei mietakuzy nama châ. Chyhsapazy he ei mietakuzy cha châ ei chi ta, kei he nama Khazohpa ei châ, Abeipa Zehôvâh ta a tah.”

EZEKIA 46:24

Chyhsa chata ei hnohta,, “Hezy he beihchhona suzy châ ta, Achhyna o liata chakaotuhpazy ta zawpi tawhta atheihna ama hlâpazy ama chho nawpa su a châ,” tah ta.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MIKÂ 5:4

Ano cha a duah aw ta, Abeipa thatlôna ta a mietaku zaw a vaih aw; Abeipa a Khazohpa moh rônahna ta A mietaku zaw cha a vaih aw ei. Â bohpa ta y aw ei ta, A rônahna cha, Khizaw kaokih chhâna taihta a tlô aw.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

ZEKARIA 11:17

“Sahroh zaw a siesaipa Vaituhpa dyutlai leipa cha, A hu a po na! Zaozi ta a bâh chhawh sala, A mo chachâh lâ dy mawh sy! A bâh sy khai sala, A mo chachâh lâ tlokhuh chao mawh sy!” tah ta.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MALUHREINA 18:7

Nâ nata na hnohta a ypa na sawchapawzy ta maisâh nata pohraipa chhôh liata theihthaina rai hria awpa zydua hria thei aw ei chi ta, nama chakao aw. Theihthaipa chakaona raihria cha, hmosaipiepa ta nama hnohta cha pie ei na ta, chihropa a vaw hniapa maih cha thie awpa ama châ,” tah ta.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

HMOTAOPAZY 20:29

Ei sie tawhta changie a hrâhpazy nama hry liata a vaw ngia aw ei ta, mietakuzy pahlôh aw vei tahpa ei pahno.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

RAWMA 1:15

Chavâta nâmo, Rawma khih liata a ypazy hnoh chhao ta, thâtihpha cha chho awpa a ngiatiah va na.

1 KAWRINI 9:7

Ahy ma anosasyh a chyhpa ta pheisaih rai a hria beih tly? Ahy ma kre sadô tao ta a thei nie leipa ta a y beih? Ahy ma sahroh zao ta, a sâhpiti do leipa ta y beih?

1 TIMAWTHY 3:3

kresawhti pari hmâh leipa, thachahra hmâh leipa chyhsa nônaipa, ahryuchhiana a tao leipa nata tâkâ sôh liata karâ y leipa a châ awpa a châ.

1 TIMAWTHY 3:8

Cha hawhna chata chakaotuhpazy chhao chyhsa zachhihpa, haipa bie a reih leipa, kresawhti parâ leipa nata avyuhna ta athôhna a tlua leipa ama châ awpa a châ.

TITU 1:11

Cha sahlao cha ama pakah chahu awpa a châ. Avyuhna nozachhihpa ama tao thei nawpa ta, pachu lei awpazy pachu ei ta, chhôhkha zydua ama patypamâ.

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

TITU 3:1

Ngiapâtuhpazy cha ryureituhpazy nata biehneituhpazy liata a ngiarih ei sala, reingiahpa ta, hmo pha tao a mâ awpa ta chho chanei mah y.

PHILEMAW 1:14

Châhrasala na hmo pha tao awpa cha, pataosa raruahpa châ leipa ta, nâma lôhthai tlai ta a taopa na châ awpa ei khohpa vâta, na bie leipa ta khâpa hmah tao awpa khoh va na.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.