1 PITY 5:14 - Mara Bible RV (BSI)

¹⁴ Kyhpachâna ta a pahnâpa ta a naoh raihrie teh u. Krista liata a ypa nama zydua hnohta thlalôhna y mawh sy.

1 PITY 5:14 ပူးပေါင်းရင်းမြစ်များ

MATHAI 5:47

Nama unawhzy deita bie namâ chho khiahta cha, chyhsa hropazy hlâta nama tao viana khâpa a y? Zenitaizy chhao ta cha hawhpa cha tao thlâh ha veih ei ma?

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 20:19

Cha noh, hâta noh hmiatuapa zâlâ ta, Zuzy chipa vâta pachupazy yna ochhizy cha khaw ei ta. Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

ZAWHÂNA 20:26

Noh charie a châ tawhta, a pachupazy cha o chhôh liata y heih ei ta. Thawma chhao ama hnohta y hra ta. Ochhizy khaw hapa a châ tarawpa ta, Zisu cha a vy ta, ama hry liata a vaw duah ta, ama hnohta, “Nama chô liata thlalôhna y mawh sy,” tah ta.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

RAWMA 16:16

Apahnâna pathaihpa ta a naoh raihrie tyh muh vy. Krista Awnanopa zydua ta ama châ naoh.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

1 KAWRINI 16:20

Unawh zydua ta ama châ naoh. Nâmo chhao apahnâna pathaihpa ta a naoh raihrie teh u.

2 KAWRINI 13:12

Apahnâna pathaihpa ta a naoh raihrie teh u.

2 KAWRINI 5:17

Chavâta ahy rai Krista liata a ypa cha hmotao thiehpa a châ. Hmo parohpazy lei ha ta, moh teh u, athiehpa a vaw châ haw.

EPHESI 6:23

Paw Khazohpa nata Abeipa Zisu Krista tawhta thlalôhna nata ngiapâna a hlaopa kyhpachâna cha, unawhzy hnohta y mawh sy.

1 THYSALAWNIKA 5:26

Unawh zydua kha apahnâna pathaihpa ta miah a naohpa muh vy.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.

3 ZAWHÂNA 1:14

Cha hmô patoh awpa hnabeiseih na ta, cha tina chata hmiachhypa ta bie eima reih khoh aw.