1 PITY 5:12 - Mara Bible RV (BSI)

¹² Unawh ngâchhihpa ta ei pachâpa Silvanâ baona ta nâmo lâ pasyuna châ chyuta vaw roh na ta, cha cha Khazohpa ngiachhiena hmeiseihpa a châ tahpa ei reih. Cha liana chata â ipa ta a duah muh vy.

1 PITY 5:12 ပူးပေါင်းရင်းမြစ်များ

ZAWHÂNA 21:21

Pity ta ano cha a hmô nahta, Zisu hnohta, “Abeipa, hao chyhsa hao zaw, kheihta a châ aw?” tah ta.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 15:22

Chatawhcha lyuhchâpazy, machâzy nata Awnanopa zydua ta ama hry tawhta chyhsa pano a tlyh ta, Pawla nata Bânabâ hnohta Antiôkâ lâ pasiesa awpa cha pha tah ei ta. Unawhzy hry liata hyutuh viapa Bâsabâ ama tahpa Zudâh nata Sila zy a tlyh ei ta.

HMOTAOPAZY 20:24

Châhrasala Khazohpa ngiachhiena thâtihpha a châhkhei awpa ta, Abeipa Zisu tawhta ei daopa chakaona rai he ei patlô thei khiahta la, ei hrona he pasô kaw awpa nata ngiabâh tlâh a châpa ta rao va na.

RAWMA 5:2

Ano vâ lilaw ta tahmâ ta eimâ duana ngiachhiena liana heta ngiapâna ta a ngia ha pi ta, Khazohpa rônahna hnabeiseihpa ta a lypa ta eima y.

1 KAWRINI 15:1

Unawh saih u, thâtihpha cha chho ei na ta, a pyh ei chi ta, a pahniehna ta nama hmâpa thâtihpha kyh cha, cha chho chanei heih awpa ei ei khoh.

2 KAWRINI 1:19

Kei nata Timawthy nata Silvanâ ta, nama hry liata eima phuahpa Khazohpa Sawchapawpa Zisu Krista kha, “A châ” nata “Châ vei” châ pakaoh vei. Ano liata cha khati no rai ta “A châ” tahpa a châ lymâ.

2 KAWRINI 1:24

Namâ ngiapâna chô liata biehnei a chhuah leipa pi ta, namâ ngiapâna liata â ipa ta namâ duapa vâta, namâ ly nawpa ta eima cha hrialâhpa tlao a châ.

EPHESI 3:3

Aluahna ta bienyupa pahnosapa ei châpa kyh a chyuta ei vaw roh ha khawh.

EPHESI 6:21

Unawh kyhpachâpa nata Abeipa chakaotuhpa ngâchhihpa Tykiku ta hmo to cha chho aw ei ta, kheihta y na ta, khâpa ma ei tao hai tahpazy nama vaw pahno aw.

KAOLAOSÂ 1:7

Eima chakaolâhpa kho ngaitapa Epâpharâ tawhta thâtihpha thei ei chi ta, ano cha keimo vyuhpa ta Krista chakaotuhpa ngâchhihpa a châ.

KAOLAOSÂ 4:7

Abeipa liata unawh kho ngaitapa, chakaotuhpa ngâchhihpa nata chakaolâhpa Tykiku ta ei thâtih zydua a cha chho aw ei.

KAOLAOSÂ 4:9

Ano hnohta nama chyhsa Ônesimâ, eima unawh ngâchhihpa nata kho ngaitapa ei vaw tuah hra. Âmo ta eima yna liata hmo yzie zydua ama cha chho khai aw.

1 THYSALAWNIKA 1:1

Pawla nata Silvanâ nata Timawthy ta Paw Khazohpa nata Abeipa Zisu Krista liata Thysalawnika Awnanopa eima châ naoh. Ngiachhiena nata thlalôhna nama hnohta y mawh sy.

2 THYSALAWNIKA 1:1

Pawla nata Silvanâ nata Timawthy ta Khazohpa eima Paw nata Abeipa Zisu Krista liata Thysalawnika Awnanopa eima châ naoh.

HEBRAI 13:22

Unawh saih u, nama hnohta pasyuna bie chyuta ei vaw ropa he nama pahno thai awpa ta ei châ haw ei.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

1 PITY 4:10

Chyhsa to hmopiepa to chyu ei chi ta, Khazohpa ngiachhiena nanopa nama topazy a châpa pahnopa ta, hmopiepa nama topazy cha a chakao raihrie nawpa châta hmâh teh u.

2 PITY 1:12

Chavâta cha hmozy cha pahnopa ta, biehmeiseihpa nama hneipa liata namâ i ha tarawpa ta, cha chânazy cha cha pahnosa chanei tyh awpa ei, ei chhuah.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

3 ZAWHÂNA 1:12

Demetia cha chyhsa to palyupalihna hlao ta, biehmeiseihpa chhao ta a palyupalih. Keimo chhao ta palyupalih pi ta, keimo palyupalihna cha â do tahpa na pahno.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.