1 PITY 5:1 - Mara Bible RV (BSI)

¹ Nama hry liata Awnanopa chhituhpazy kha, kei, nama chhituh heihpa, Krista pasa taonazy a pahnotuhpa nata rônahna a vaw luah awpa a to hra awpa heta ei cha pasyu ei.

1 PITY 5:1 ပူးပေါင်းရင်းမြစ်များ

LUKA 24:48

Cha hmozy cha a pahnotuhpa nama châ.

HMOTAOPAZY 1:22

Zawhâna ta bâti a pachâsana daihti tawhta Abeipa Zisu vârâh lâ a chhipa ta a y noh taihta eima hry liata a y lymâpa, chazy hry liata chyhsa pakha cha, a thyuheihna miah pahnokheituhpa châta a y awpa a châ,” tah ta.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 11:30

Amâ chhuahpa hawhna chata tao ei ta, machâzy lâta Bânabâ nata Sawla ku liata paphao ei ta.

HMOTAOPAZY 14:23

Awnanopa hlao to liata machâzy raopa ei ta, kâhvileipa ta thlahchhâpa ta, amâ ngiapâpa Abeipa liata ama pavaosa lymâ.

HMOTAOPAZY 15:4

Zerusale ama tlô nahta, Awnanopa sahlaozy, lyuhchâpazy nata machâzy ta a vaw ly ei ta, Khazohpa ta âmo hmâpa ta hmo a taopa zydua cha chho ei ta.

HMOTAOPAZY 15:6

Cha bie cha pachâ awpa ta, lyuhchâpazy nata machâzy a hmaohpakhy ei ta.

HMOTAOPAZY 2:32

Cha Zisu cha Khazohpa ta pathyu ta, keimo zydua he a pahnotuhpa eima châ.

HMOTAOPAZY 20:17

Miletâ tawhta Ephesi lâ chyhsa tuah ta, Awnanopa machâzy ano a vaw hmô awpa ta kei paawsa ta.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

HMOTAOPAZY 21:18

A mylâ ta Pawla chhaota Zâmie o lâ charei pi ta, Awnanopa machâ zydua vaw y khai ei ta.

HMOTAOPAZY 3:15

Hrona pietuhpa cha thie ei chi ta, châhrasala Khazohpa ta ano cha athihpa hry tawhta a pathyu haw. Cha cha a pahnotuhpazy eima châ.

2 KAWRINI 5:1

Eima pahrâna lei byureih he phiepa châ hra sala, vârâh liata chhâzaw o eima hnei tahpa eima pahno. Cha o cha ku ta sa leipa, Khazohpa taopa a châ.

2 KAWRINI 5:8

Thlalôhpa ta eima y. Pôhpa o liata y leipa ta, eima y nawpa o liata Abeipa hnohta y awpa eima khoh via.

PHILIPI 1:19

Nama thlahchhâna vâta nata Zisu Krista Thlahpa baona vâta, cha hmo cha papuapa ei châ nawpa a châ aw tahpa ei pahno.

1 TIMAWTHY 5:1

Pawhrâhpa cha ra leipa la, paw hawhta pasyu la, chapaw thyutliazy cha unawhzy hawhta moh mah y.

1 TIMAWTHY 5:19

Awnanopa chhituhpa leihna cha, pahnotuhpa pano tlyma, pathôh tlyma ama y leipa khiahta cha, nâ pyh awpa châ vei.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

TITU 1:5

Hmo pasia khai leipazy pasia awpa nata bie ei cha piepa hawhta khi to liata Awnanopa chhituhpazy rao awpa ta, Krite liahpahlô liata ei cha siesaipa kha a châ.

PHILEMAW 1:9

kyhpachâna vâta, kei, Pawla, pawpipa nata tahmâ Krista Zisu vâta a tâhpa heta, â haw ta ei châ haw.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 PITY 4:13

Krista rônahna â vaw luah tita, thaphapa ta namâ ly thei nawpa ta, Krista pasataona a hlykheituhpazy nama châ.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

2 ZAWHÂNA 1:1

Awnanopa chhituhpa ta biehmeiseihpa liata kyh ei pachâpa chanô atlyhpa nata a sawzy ei châ naoh ei. Keima dei châ leipa ta, biehmeiseihpa a pahnopa zydua ta ama châ naoh hra.

3 ZAWHÂNA 1:1

Awnanopa chhituhpa ta biehmeiseihpa liata kyh ei pachâpa, kho ngaitapa Kaiâ ei châ naoh.

BIEPHUAH 1:9

Kei, Zawhâna, nama unawhpa nata Zisu liata rietheina nata khinarâh nata tao hualuana kyh liata châ taokheituhpa ei he, Khazohpa bie nata Zisu pahnokheina bie vâta Pâtamô liahpahlô ama tahpa liata y na ta.