1 PITY 4:7 - Mara Bible RV (BSI)

⁷ Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

1 PITY 4:7 ပူးပေါင်းရင်းမြစ်များ

ÂTHAONA 19:35

Cha zâ chhao, ama paw cha kresawhti padosa heih ei ta. A nawhtanô cha thyu ta, a paw hnohta a kei zia ta. Â vaw ziapa nata a thyupa Lawta ta pahno vei.

ÂTHAONA 6:13

Chavâta Khazohpa ta Nôah hnohta, “Hmohrohneipa zydua chhâna ei hmiakô liata a vaw tlô. Âmo vâta alei he thachahra hmâna ta bie ta, chavâta âmo cha alei duata ei pahleipadia khai aw ei.

BIECHHOTUHPA 7:2

Kyhchhi a hlaopa hlâta, Mâchhiesana o lâ vawpa a pha via; Cha cha chyhsa zydua chhâna noh châ ta, Ahrohpazy ta ama palôh liata ama khô awpa a châpa vâta.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

EZEKIA 7:6

Chhâna a vaw tlô haw. Chhâna vaw tlô ta, a cha thyuhnao haw. Moh teh, chhâna a vaw tlô.

MATHAI 24:42

Khâpa nota ma nama Beipa cha â vy aw tahpa nama pahno leipa vâta, a hrohruapa ta y teh u.

MATHAI 25:13

A noh nata dawh pahno tlôh leipa ei chi ta, chavâta a hrohrua teh u.

LUKA 21:34

“A hrohrua teh u, chataleipatala phasana, sahma parina nata hro chhôh khihsa pachâna zy ta nama palôh pabie aw ta, cha noh chata khoheih hawhta eikhapi ta a cha vaw tlô thlu pathlei aw ei.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

LUKA 22:46

Ama hnohta, “Khazia namâ mô thlâh haw? Reipasaona liata namâ ngia lei nawpa ta, thyu u la, thlahchhâ teh u,” tah ta.

RAWMA 12:12

Hnabeiseihna liata a ly u la, rietheitaona liata tiama u la, thlahchhâ lylia muh vy.

1 KAWRINI 15:24

Cha khai tawhta chhâna a vaw tlô aw. Cha tita Krista ta ryureina, biehneina nata hmotaotheina zydua pahnie khai aw ta, Paw Khazohpa hnohta khinarâh a hlâ aw.

1 KAWRINI 7:29

Unawh saih u, ei rei khohpa cha he he a châ: Daihti chyuta y ta, chavâta tahmâ tawhta la, lapinô a hneipazy ta a hnei leipa hawhta y mawh ei sy.

EPHESI 6:18

Thlahchhâna nata hiana to ta khatino rai ta Thlahpa ta thlahchhâ teh u. Cha châna chata a hrohrua u la, mopathaihpa zydua châta bâh leipa ta thlahchhâ teh u.

PHILIPI 4:5

Nama nôphana cha chyhsa zydua pahnopa châ mawh sy. Abeipa cha â hnia haw.

KAOLAOSÂ 4:2

Thlahchhâ lylia u la, nama thlahchhâna liana chata alyna bie reih u la, a hrohrua teh u.

2 TIMAWTHY 4:5

Nâ deikua cha, ato liata a sohsi la, riethei tao la, thâtihpha chhotuhpa rai hria la, na chakaona patlô mah y.

TITU 2:12

Cha chata Khazohpa pachâ leina nata khizaw aohraohnazy bâhsaipa ta, tahmâhlâ khizaw liana heta asohsipa nata asiapa nata Khazohpa pachâna hro hrokhei awpa ta miah pachu ta,

HEBRAI 10:25

Thokha taozie hawhta, apakhynazy bâhsai leipa ta, tlao a pasyu raihrie ei suh u. Noh â hnia via rilipa nama hmôpa hawhta, thata a pasyu ei suh u.

HEBRAI 9:26

Cha hawhta châ leipa sala, leilô y tua no tawhta pasa a tao chanei ngâ thlâh ha aw. Châhrasala daihti chhâna lâ liata, chhâzaw châta ei kha a vaw luah ta, anosasyh ta atheihna ta a hlâpa ta moleina a pahlei haw.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

1 PITY 3:7

Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

BIEPHUAH 16:15

“Moh teh u, parutuhpa hawhta ei vy hai! A hrohrua ta, chysia a tobi chiehpa ta a ypa cha a nohlao na. Chataleipatala thluahruapa ta a khie aw ta, chyhsa ta a thluahruana ama hmô pathlei aw!”