1 PITY 4:14 - Mara Bible RV (BSI)

¹⁴ Krista moh vâta pasipasawhpa nama châ khiahta cha, rônahna Thlahpa nata Khazohpa Thlahpa cha nama chô liata y ta, chavâta nama nohlao aw.

1 PITY 4:14 ပူးပေါင်းရင်းမြစ်များ

1 ABEIZY 10:8

Na chyhsazy ama nohlao kaw dia! Na hmiakô liata a duah ta, na sona bie a thei tyhpa châ chakaotuhpazy ama nohlao kaw na!

2 ABEIZY 2:15

Zerikô liata hrohsopa sahlao sawchapaw ano dady ta a ypazy ta, ama hmô nahta, “Elaizâh thlahpa cha Elaisâh chô liata â choh ha tlai na,” tah ei ta. Ano dy awpa ta vawh ei ta, a hmiakô liata alei lâ a bôhpa ta, a naoh ei ta.

HLAZY 146:5

Zakaw Khazohpa cha baotuhpa ta hnei ta, Abeipa a Khazohpa liata hnabeiseihna a hneipa cha, A hu â hieh na!

HLAZY 49:9

Chhâzaw ta hroh ta, Thlâkhaoh hmô beih lei awpa ta ma â pachâ tly?

HLAZY 89:51

Hy Abeipa, na chariahpazy ta miah ama pasipasawhna biezy a thei la, Na sathawthupa pheihnie ama reipachhienazy he a thei mah y.

ISAI 11:2

Abeipa Thlahpa cha a chô liata a choh aw ta, Cha Thlahpa cha sona nata novâhna Thlahpa châ ta, Ryhraona nata thatlôna Thlahpa chhao châ ta, Abeipa pahnona nata china Thlahpa a châ.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

MATHAI 5:11

“Chyhsa ta keima vâta cha reipachhiepa ta nata cha taolapa ta, bie pha leipa to ta â doleipa ta ama cha tei tita, nama nohlao na.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

LUKA 6:22

“Chyhsa Sawchapawpa vâta, chyhsazy ta châ haopa ta, cha pathluapa ta, cha pasipasawhpa ta, nama moh ama cha pachhie tita, nama nohlao na!

ZAWHÂNA 15:21

Châhrasala nâ tuahtuhpa ama pahno leipa vâta, he hmo zydua he ei moh vâta nama chô liata ama tao aw.

ZAWHÂNA 8:48

Zuzy ta a chhy ei ta, a hnohta, “Samâri chyhsa châ chi ta, ahripa azopa na châ eima cha tahpa kha pado kaw ma pi ma?” tah ei ta.

ZAWHÂNA 9:28

Âmo ta ano cha ra ei ta, “Nâma he na ano pachupa a châ chi, keimo la Mawsi pachupazy eima châ.

ZAWHÂNA 9:34

Âmo ta a chhy ei ta, “Nâ, moleipa ta a pihpa heta miah na pachu bao hra ma?” tah ei ta. Chatanachata ano cha papua ha ei ta.

HMOTAOPAZY 13:45

Zuzy ta zawpizy cha ama hmô nahta, hiatliana ta bie ei ta, Pawla bie reipa cha chakhiapa ta, reipachhie ei ta.

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

HMOTAOPAZY 28:22

Châhrasala he py he su to liata reipachhiepa châ tlôh ei ta, nâma ta kheihta ma na pachâ tahpa pahno eima khoh,” tah ei ta.

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

2 KAWRINI 4:10

Zisu hrona eima pôhpazy liata â lâ thei nawpa ta, eima pôhpa liata Zisu thina cha eima phaoh lymâ.

2 KAWRINI 4:16

Chavâta eima palôh chhâ vei. Eima khôtho lâ chyhsapa he rao lymâ hra sala, eima chhôh lâ chyhsapa cha noh chareih pathiehpa ta a y lymâ.

KALATIA 1:24

Chatanachata keima vâta Khazohpa ama palyupalih thei haw.

HEBRAI 11:26

Lymâ to awpa a saipa vâta, Krista vâta reipachhiena a tyhpa cha Izi râh ryuzy hlâta ryu sôh viapa ta a rao.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

ZÂMIE 5:11

Pachâ teh u, pasataotuhpazy cha nohlaopa tah pi ta, Zawbâ palôh pasizie kha thei ei chi ta, Abeipa hmochhuahpa chhao hmô ei chi ta, Abeipa cha ngiachhietuhpa nata zawngiahtuhpa a châpa nama hmô haw.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 3:14

Siana vâta pasa a taopa nama châ khiahta cha, vânoh nama to aw. Ama cha pachhiparyna chi leipa u la, nôpopa ta y hra khuh vy.

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.

1 PITY 4:16

Krizyhpa a châpa vâta pasa a taopa cha, a noza leipa sala, Krista moh ta Khazohpa tlao palyupalih mawh sy.

2 PITY 2:2

Ama hrozie nozachhihpa cha chyhsa hluhpi ta a mopâ aw ei ta, âmo vâta biehmeiseihpa lâpi reipachhiepa a châ aw.