1 PITY 4:11 - Mara Bible RV (BSI)

¹¹ Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

1 PITY 4:11 ပူးပေါင်းရင်းမြစ်များ

HLAZY 145:13

Na khinarâh cha tlyzaw khinarâh châ ta, Na ryureina chhâ zydua ta â duah aw. Abeipa cha a bie zydua liata ngâ a chhih ta, A hmotaopa zydua liata a phapa a châ.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

ZEREMIAH 23:22

Ei ryureina liata â duah hrapa châ ei sala cha, Ei phopi hnohta ei bie phuah aw ei ta, Ama lâpi doleipa tawhta pakuasapa ta, Ama hmotaopa doleipazy tawhta ama pakuasa ha awpa tlai.

DÂNIAH 4:3

A ngiana hmozy rônah ta, A hmonoâhpazy a thatlô ngaita! A khinarâh cha tlyzaw khinarâh châ ta, A ryureina chhâ zydua ta â duah aw.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

ZAWHÂNA 13:31

Zudâh a pua tawhta, Zisu ta, “Tahmâ cha Chyhsa Sawchapawpa parônahsapa ta a y haw, ano liata Khazohpa chhao parônahsapa ta a y.

HMOTAOPAZY 7:38

Ano cha Sinai Tlâh liata ano bie â chhopa vâlyuhchâpa nata miah pathlatuhpazy chhaota râhchawhpa liata Izarei zawpi hnohta a ypa kha a châ. Miah pie pachhuah awpa ta bietapa hrohpazy a daotuhpa a châ.

RAWMA 11:36

Ano tawhta, Ano vâta, Ano châta, Hmo to a ypa a châ. A hnohta chhâzaw ta rônahna y mawh sy! Amen.

RAWMA 12:3

Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei.

RAWMA 16:27

Khazohpa sopa a y chhôhpa hnohta, Zisu Krista vâta chhâzaw ta rônahna y mawh sy! Amen.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

1 KAWRINI 12:4

Hmopiepa chi hluhpi y ta, Thlahpa deikua cha pakha a châ.

1 KAWRINI 3:10

Khazohpa ta ngiachhiena eina piepa lymâ hawhta, o satuhpa zôthaipa taozie hawhta, kei ta lôbô bô na ta, mohropa ta a chô liata o ama sa. Chyhsa to ta lôbô chô liata o ama sa awpa kyh liata a sohsi chyu mawh ei sy.

1 KAWRINI 6:20

mâ ta chaleipa nama châ haw. Chavâta Khazohpa cha nama pôhpa liata palyupalih teh u.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

2 KAWRINI 9:13

Cha chakaona cha, Krista thâtihpha namâ pyhpa vâta, Zerusale liata mopathaihpazy châta nata mohropazy châta riapha ngaitapa ta nama thyupa a châzie ama pahno tita, Khazohpa ama palyupalih aw.

EPHESI 1:19

Chatanachata a thatlôna rônahpa raihriazie hawhta, keimo ngiapâtuhpazy chô liata a hmotaotheina rônah ngaitapa cha, khâpa ma a châ tahpa nama pahno thei aw.

EPHESI 4:29

Bie pha leipa rai nama pakah tawhta pua khah sy. Chyhsa taopathi nawpa bie deita, a daihti nata su a hmiepa ta, nama pakah tawhta pua mawh sy. Chatanachata a theituhpazy châta ngiachhiena ama tona a châ aw.

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

PHILIPI 2:11

Paw Khazohpa rônah nawpa ta, paleih to ta Zisu Krista cha Abeipa a châ tahpa ama phuah aw.

KAOLAOSÂ 4:6

Chyhsa to hnohta namâ chhyzie awpa nama pahno thei nawpa ta, nama reikah a puapa cha, khatino rai ta ngiachhiena ta bie sala, alôh hawhta iahpa châ lymâ mawh sy.

1 THYSALAWNIKA 2:4

Thâtihpha pavaosa tlâhpa ta Khazohpa ta miah a raopa hawh tlai ta, chyhsa palysa a chhuah leipa ta, eima pathipalôh a pasiatuhpa Khazohpa palysa a chhuahpa ta, bie eima chho tyh.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

TITU 2:1

Nâ deikua cha, biezyhpa dopa nata a ryhpa ta pachu mah y.

TITU 2:15

Cha biezy cha pachupa ta, pasyu la, biehneina zydua chhaota chhorei mah y. Ahy hmahta cha mohnao khah ei sy.

HEBRAI 13:7

Khazohpa bie châ chhotuhpa nama hyutuhpazy a thei thlâh ha u la, ama hro liata hmo phapazy pachâ u la, amâ ngiapâna hâ a la teh u.

HEBRAI 5:12

A daihti pachâpa ta, pachutuhpa a châ bâ awpa châ ei chi ta, châhrasala Khazohpa bie thabypa pachu namâ ngiah thlâh ha chy. Sâhpiti a ngiah chy ei chi ta, pati hmeiseihpa nie thei mâh veih ei chi.

ZÂMIE 1:19

Unawh kho ngaitapa saih u, he he pahno teh u. Chyhsa to ta bie rei a chhu leipa ta, nathlie tlao a chhu ei sala, hiehâh rupa châ mawh ei sy.

ZÂMIE 1:26

Ahy rai zyhna pachâ kawpa hawhta â pachâ ta, a paleih a vaih tlôh leipa cha, anosasyh ta â dôveipa châ ta, cha hawhpa zyhna cha phahnaina hnei leipa zyhna a châ.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 4:10

Chyhsa to hmopiepa to chyu ei chi ta, Khazohpa ngiachhiena nanopa nama topazy a châpa pahnopa ta, hmopiepa nama topazy cha a chakao raihrie nawpa châta hmâh teh u.

1 PITY 4:16

Krizyhpa a châpa vâta pasa a taopa cha, a noza leipa sala, Krista moh ta Khazohpa tlao palyupalih mawh sy.

1 PITY 5:11

Hmotaotheina cha a hnohta chhâzaw nata tlyzaw ta y mawh sy. Amen.

ZUDÂH 1:25

eima Beipa Zisu Krista zawhzi ta miah Pachhatuhpa Khazohpa a y chhôhpa hnohna chata rônahna zy, abeina zy, ryureina zy, biehneina zy cha, daihti khô chiehpa zydua nata tahmâ nata tlyzaw ta y thlâh ha mawh sy. Amen.