1 PITY 4:1 - Mara Bible RV (BSI)

¹ Krista cha sapa ta pasa a taopa a châpa vâta, nâmo chhao, cha hawhpa pachâna chata a tobi hra teh u. Sapa ta pasa a tao hapa cha moleina a bâhsaipa a châ.

1 PITY 4:1 ပူးပေါင်းရင်းမြစ်များ

ISAI 1:16

Nama ngai a sipa ta a pathai u la, Hmo moleipa nama taopazy ei mohmô tawhta pahlei teh u; Hmo pha leipa tao khao leipa u la,

EZEKIA 16:41

Na ozy mei ta rao aw ei ta, chanô hluhpi mohmô liata na thâtih ama pachia aw. Â zuah khao lei awpa ta cha tao aw na ta, nâ zuahnaopazy hnohta hlao pie khao aw va chi.

MÂKA 3:3

Zisu ta kusypa hnohta, “A duah teh,” tah ta.

RAWMA 6:11

Cha hawhna chata nâmo chhao, moleina lâ kyh liata a thi hapa ta a rao u la, Khazohpa lâ kyh liata deikua cha, Krista Zisu liata a hrohpa ta a rao teh u.

RAWMA 6:2

Châ bao va! Keimo moleina a thisai hapazy pi ta cha, kheihta ma moleina liata eima y thei khao aw?

RAWMA 6:7

A thi hapa cha moleina tawhta a pua haw.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

KALATIA 5:24

Krista Zisu liata a ypazy ta sapa cha a aohraohna nata a khonazy chhaota ama khaipâ haw.

EPHESI 6:13

Chavâta noh pha leipa liata namâ dyuh thei nawpa nata nama tao khai tawh chhao ta namâ duah thei nawpa ta, Khazohpa chariah chhaichhi pakipa ta a tobi teh u.

RYHPACHANEINA 27:10

Chavâta Abeipa nama Khazohpa bie nama zyh awpa châ ta, tanoh ta eima cha piepa a bieraopazy nata a biepiepazy he nama zyh awpa a châ,” tah ei ta.

PHILIPI 2:5

He palôh Krista Zisu liata a ypa he nâmo liata chhao y hra mawh sy:

HEBRAI 12:3

Nama palôh thazei leipa ta, nama tha a chhâ lei nawpa ta, moleipazy ta amâ dyuhna vâta pasa a taopa Zisu thâtih pachâ tyh muh vy.

HEBRAI 4:10

Khazohpa ta a raihriazy tawhta â pahâpa hawhta, Khazohpa apahâna liata a ngia hapa cha, a raihriazy tawhta â pahâ hra aw.

1 PITY 2:21

Krista kha nâmo châta pasa a taopa vâta, nâmo chhao pasa tao awpa ta awpa châ ei chi ta, a pheihnie nama pazi thei nawpa ta a mopâ awpa a cha sopa ei.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.