1 PITY 3:8 - Mara Bible RV (BSI)

⁸ A chhâ chaina ta cha, nama zydua ta palôh miakha phaohpa ta y u la, tha a pasa raihrie teh u. Unawh hawhta kyh a pachâ u la, a ngiachhie raihriepa ta, areisipa ta y teh u.

1 PITY 3:8 ပူးပေါင်းရင်းမြစ်များ

HLAZY 103:13

Paw ta a sawzy a ngiachhiepa hawhta, Abeipa ta ano a chituhpazy cha a ngiachhie ei.

BIESOZY 28:8

A pôhna chadaipa ta a sôh a papôhsatuhpa cha, Dyhchhiepazy chô liata riaphapa châta a sôh cha a pachô.

ZEKARIA 7:9

“Pheisaihzy Abeipa ta hetana heta a tah: Ryureina dopa ta ryureih u la, unawhzy chô liata hmo pha tao u la, zawh a ngiah raihrie teh u.

MATHAI 18:33

nâma zawh ei châ ngiahpa hawhna khata, nâ chhao ta na chakaolâhpa cha zawh nâ ngiah hra awpa châ vei ma?’ tah ta.

LUKA 10:33

Samâri chyhsa deikua cha, a khitlyna liata, cha chyhsa yna cha za tlô ta, a hmô nahta, a thapasa ngaita ta.

HMOTAOPAZY 2:1

Pentikaws noh a vaw tlô nahta, ama zydua ta su kha liata y pakhy khai ei ta.

HMOTAOPAZY 27:3

A mylâ ta Sidaw khih tlô pi ta. Zulia ta Pawla cha ngiachhie kaw ta, a viasazy lâ charei ta, a byuhna hawhta ama vaw mohôh awpa pasaih ta.

HMOTAOPAZY 28:7

Cha su chheipâh liata liahpahlôzy cha, Bei Publia râh châ ta. Ano chata miah a vaw ly ta, noh thôh chhôh a ly kawpa ta a o liata miah patlôsa ta.

HMOTAOPAZY 4:32

Ngiapâtuhpa manôh zydua cha palôh miakha nata pachâna su kha ta y ei ta. Ahy hmahta a sôh hneipazy cha ano eih sai ta rao leipa ta, hmo zydua a hly khai ei ta.

RAWMA 12:10

Unawh kyhpachâna ta kyh a pachâ raihrie u la, a palyupalih raihrie muh vy.

RAWMA 15:5

Tiamana nata thatlôna Khazohpa ta Krista Zisu khozie hawhta nama zydua ta a ryh ngaitapa ta y awpa ta cha bao mawh ei sy.

1 KAWRINI 1:10

Unawh saih u, nama hry liata achhaihna rai a y lei nawpa ta, nama zydua reiraohpa ta, palôh miakha nata pachâna miakha phaopa ta a pôhkha awpa ta, eima Beipa Zisu Krista moh ta ei châ haw ei.

1 KAWRINI 12:26

Pachiahpa miakha pasa a tao tita, pachiahpa zydua ta taokhei ei ta, pachiahpa miakha palyupalihpa ta a y tita, pachiahpa zydua ta amâ lykhei tyh.

EPHESI 4:2

Tlokhuh apanawhna, areisina nata daotheina zy hneipa ta, kyhpachâna ta a chhyh thai raihrie u la,

EPHESI 4:31

Ruchhôna, pathiiana, hiehâhna, paphôhna nata reipachhiena zydua nâmo tawhta thy khai teh u.

EPHESI 4:32

A ngiachhie raihriepa ta, tha a pasa raihrie u la, Khazohpa ta Krista liata a châ ngiahthaipa hawh ei ta, a ngiahthai raihrie teh u.

PHILIPI 2:3

Hlaotlohna hmô ta, moh a lâ awpa khona vâta tlyma, apalaina vâta tlyma, khâpa hmah tao khuh vy. Tlao a panawh u la, nâmo hlâta mohropazy pha viapa ta rao teh u.

PHILIPI 3:16

Khâpa rai châ sala, eima tlôna rakha liata eima duahmo nata â hmiepa ta hroh sih la, eima tlô pachiena tawhta hmialâ tôh lymâ suh u.

KAOLAOSÂ 3:12

Chavâta Khazohpa chyhsa atlyhpa, mopathaihpa nata kho ngaitapazy nama châpa hawhta, thapasana palôh, nôphana, areisina, nônaina nata daotheina zy ta a tobi teh u.

HEBRAI 13:1

Unawh kyhpachâna y lymâ mawh sy.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

ZÂMIE 5:11

Pachâ teh u, pasataotuhpazy cha nohlaopa tah pi ta, Zawbâ palôh pasizie kha thei ei chi ta, Abeipa hmochhuahpa chhao hmô ei chi ta, Abeipa cha ngiachhietuhpa nata zawngiahtuhpa a châpa nama hmô haw.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 2:17

Chyhsa zydua za u la, unawhzy kyhpachâ u la, Khazohpa chi u la, abei cha za teh u.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

2 PITY 1:7

Khazohpa pachâna liata unawhzy atlaichhaina a hlao sala, unawhzy atlaichhaina liata kyhpachâna a hlao mawh sy.

1 ZAWHÂNA 3:14

Unawhzy kyh eima pachâpa vâta thina tawhta pua pi ta, hrona liata eimâ ngia haw tahpa eima pahno. Ahy rai kyhpachâna a hnei leipa cha thina liata a y thlâh haw.