1 PITY 3:7 - Mara Bible RV (BSI)

⁷ Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.

1 PITY 3:7 ပူးပေါင်းရင်းမြစ်များ

ZAWBÂ 42:8

Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

MATHAI 18:19

Ei cha chho via ei, alei chô liata chyhsa pano ta rei a paraohpa ta hmo ama hia khiahta cha, ei Paw vârâh liata a ypa ta a taopa aw ei.

1 KAWRINI 7:3

Vahpa ta vahpa tao awpa cha a lapinô liata tao sala, cha hawhna chata lapinô chhao ta, lapinô tao awpa cha a vahpa liata tao hra mawh sy.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

EPHESI 5:33

Khâpa rai châ sala, ahy rai ta ano kyh â pachâpa hawhta a lapinô kyhpachâ sala, lapinô chhao ta a vahpa za thai mawh sy.

EPHESI 6:18

Thlahchhâna nata hiana to ta khatino rai ta Thlahpa ta thlahchhâ teh u. Cha châna chata a hrohrua u la, mopathaihpa zydua châta bâh leipa ta thlahchhâ teh u.

KAOLAOSÂ 3:19

Vahpa saih u, nama lapinôzy kyhpachâ u la, ama chô liata a hrâhraoh khuh vy.

1 THYSALAWNIKA 4:4

Nama pôhpa cha pathaihpa nata zachhihpa châ awpa ta a vao pahniezie nama pahno chyu awpa a châ.

TITU 3:7

Chatanachata a ngiachhiena vâta thai pachâsapa ta y aw pi ta, chhâzaw hrona a hnabeiseihpa ryutotuhpazy eima châ thei aw.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

1 PITY 3:1

Cha hawhna chata nâmo, lapinô saih u, nama vahpazy rei a ngiah teh u. Chatanachata Khazohpa bie a zyh leipa vahpazy ama y khiahta cha, bie ta chho cheingei hlei leipa chhao ta, ama lapinôzy hrozie ta pahniepa ta ama y thei aw.