1 PITY 3:5 - Mara Bible RV (BSI)

⁵ Cha hawhna chata hlâno ta chanô pathaihpa, Khazohpa ngiapâtuhpazy chhao khata, ama vahpazy rei a ngiahpa ta, chhôh lâta atobina ta amâ vaw tobi tyh.

1 PITY 3:5 ပူးပေါင်းရင်းမြစ်များ

BIESOZY 31:10

Lapinô phapa ahy ma a hmô thei aw? Lapinô phapa cha lôsôhpazy hlâta a sôh via syulyu.

BIESOZY 31:30

Khoiah hneina cha dôveina châ ta, Chhithaina chhao hraoleipa a châ; Abeipa a chituhpa chanô deikua cha reithaipa a châ aw.

ZEREMIAH 49:11

Paw leipa na sawzy cha siesai mah y, Kei ta ei hrôbieh aw ei; Na nôhmeizy chhao, Kei liata a pahnieh mawh ei sy.”

LUKA 2:37

nôhmei châpa ta kô sycharie nata kô palih chhôh a ypa a châ. Achhyna o puasai leipa ta, chhô nah zâ ta kâhvileipa ta thlahchhâpa ta Khazohpa â chhy tyh.

HMOTAOPAZY 1:14

Cha sahlao zydua cha chanôzy nata Zisu nô Mâri nata Zisu unawhzy chhaota, palôh a raohpa ta, phahnai khoh ngaitapa ta thlahchhâ tyh ei ta.

HMOTAOPAZY 9:36

Zôpâ liata Tâbi ama tahpa pachupa pakha y ta. A Krikâh moh cha Dawkâsi a châ. Cha chanô cha hmotao phapa nata hmopiepa ta chakaona kyh liata a piepasai ngaitapa châ ta.

EPHESI 5:33

Khâpa rai châ sala, ahy rai ta ano kyh â pachâpa hawhta a lapinô kyhpachâ sala, lapinô chhao ta a vahpa za thai mawh sy.

1 TIMAWTHY 2:10

Khazohpa a uasapa chanôzy châta a tobi awpa rakhapa ta a tobipa ta, hmo pha taopa ta tlao amâ tobi awpa ei khoh.

1 TIMAWTHY 2:15

Châhrasala ngiapâna nata kyhpachâna nata pathaihna hneipa ta, hrozie ngiapa ta ama hroh khiahta cha, saw sana vâta pachhapa ama châ aw.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

1 TIMAWTHY 5:5

Nôhmei hmeiseihpa, ano dei ta a ypa cha, Khazohpa chô liata hnabeiseihna a sohpa châ ta, chhô nah zâ ta hiapa nata thlahchhâpa ta a y tyh.

HEBRAI 11:11

Ngiapâna ta Sârâ cha saw phaoh thei ta, ano bie a taihtuhpa cha ngâchhihpa ta a raopa vâta, a nôpi tawhta saw a phaoh theipa a châ.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

1 SAMUELA 2:1

Chatawhcha Hânâ cha hetana heta thlahchhâ ta, “Abeipa liata ei palôh a ly ta, Abeipa liata ei ki chaluahpa ta a y. Na pachhana liata ei lypa vâta, Ei chariahpazy chô liata ei pakah a kawh thei bâ aw.