1 PITY 3:16 - Mara Bible RV (BSI)

¹⁶ chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.

1 PITY 3:16 ပူးပေါင်းရင်းမြစ်များ

DÂNIAH 6:4

Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

MATHAI 5:11

“Chyhsa ta keima vâta cha reipachhiepa ta nata cha taolapa ta, bie pha leipa to ta â doleipa ta ama cha tei tita, nama nohlao na.

HMOTAOPAZY 24:16

Chavâta Khazohpa nata chyhsapa lâta chhie nata pha pahnona pathaihpa hnei awpa khâ ei chhuah tyh.

HMOTAOPAZY 28:22

Châhrasala he py he su to liata reipachhiepa châ tlôh ei ta, nâma ta kheihta ma na pachâ tahpa pahno eima khoh,” tah ei ta.

RAWMA 9:1

Krista liata biehmeiseihpa ei reih, haih va na. Ei chhie nata pha pahnona ta Thlahpa Pathaihpa liata eina pahnokhei.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

1 TIMAWTHY 1:19

Ngiapâna nata chhie nata pha pahnona pathaihpa khâchâ patu mah y. Chyhsa thokha ta chazy cha dytha ei ta, balyh raopa hawhta, amâ ngiapâna ama parao haw.

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

2 TIMAWTHY 1:3

Ei thlahchhânazy liata chhô nah zâ ta khâ châ thei tyh na ta, nâ pathlatuhpazy taozie hawhta, chhie nata pha pahnona siapa ta ei chakaopa Khazohpa hnohta nâma vâta alyna bie ei reih tyh.

TITU 2:8

Na bie reipa â dozie reipasipasua thei awpa a châ leizie palâsa la, miah chakhiatuhpazy ta eima moleina rei awpa pahno leipa aw ei ta, maophyuhpa ta ama y aw.

HEBRAI 13:18

Thlah miah chhâpa teh u. Kyh to liata zachhihpa ta y a chhuah pi ta, chhie nata pha pahnona pasohpa eima hnei tahpa a siapa ta eima pahno.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 2:15

Cha cha Khazohpa khozie châ ta, ahrupazy ta pahno leina vâta bie ama reipazy cha, nama hmo pha taopa ta nama chalihsa thei aw.

1 PITY 2:19

Chyhsa ta Khazohpa a pachâpa vâta pasa tao lei awpa taopa ta, pachârôhna a tao hualuapa cha, palyupalihna a to tlâh a châ.

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.

1 PITY 4:4

Cha kyh liata phasa ngaitapa ta ama y tyhpa liata namâ hlao khao leipa ama noâh kaw ta, ama cha reipachhie tyh.