1 PITY 3:15 - Mara Bible RV (BSI)

¹⁵ Nama palôh liata deikua cha, Krista cha Abeipa ta hnei u la, hnabeiseihna nama hneina chhâpa châ hiahripa maih a chhy awpa ta khatino rai ta a mâ chiehpa ta y teh u. Cha hawhta nama tao tita deikua, nônaina, zana nata

1 PITY 3:15 ပူးပေါင်းရင်းမြစ်များ

HLAZY 119:46

Beizy hmiakô liata na bieraopazy reih aw na ta, Hmia pachhiepa châ aw va na;

BIESOZY 15:28

Mosiapa palôh cha â chhy hlâta pachâ tua tyh ta, Moleipa pakah deikua cha hmo pha leipazy a reih pôziah tyh.

BIESOZY 22:21

Chatanachata biedopa nata biehmeiseihpa pahno aw chi ta, Châ tuahtuhpazy hnohta biedopa na tlôkhei thei aw.

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 29:23

Keima ku ta ei taopa a sawzy a hmô nahta, Ama hry liata ei moh pathaihsa aw ei ta; Zakaw Mo Pathaihpa cha pathaihsa aw ei ta, Izarei Khazohpa cha ama chi aw.

ISAI 41:21

Nama khazoh nothlahpazy cha a vaw duakhei teh u, Abeipa ta a tah; Namâ dona cha vaw palâsa teh u, Zakaw pathlazy Beipa ta a tah.

ISAI 5:16

Pheisaih Abeipa deikua cha, A ryureina dopa vâta cheihchalopa ta y aw ta; Khazohpa Pathaihpa cha, A siana hmotaopazy liata a pathaihna pasiapa a châ aw.

ISAI 8:12

“He phopi ta teiparuna a tahpa cha, Teiparuna ta rao hra leipa u la; Ama chipa chhao chi hra leipa u la, Ama chihuhpa chihuh hra khuh vy.

MALUHREINA 20:12

Châhrasala Abeipa ta Mawsi nata Arawna hnohta, “Na ngâ leipa ei chi ta, ei pathaihna hawhta Izarei sawzy mohmô liata eina palyupalih leipa vâ ei chi ta, he zawpizy he âmo ei piepa râh tlôkhei aw veih ei chi,” tah ta.

MALUHREINA 27:14

Zini râhchawhpa liata zawpi ta einâ dyuh no ei ta, nâmo pano chhao ei biepiepa a dyuh hra ei chi ta, tizy kiah liata zawpi hmiakô liata eina palyupalih leipa vâ ei chi ta a châ,” tah ta. Cha tizy cha Zini râhchawhpa liata Kâdesâ liata Meribâ tizy a châ.

HMOTAOPAZY 21:39

Pawla ta a chhy ta, “Kei he Zu chyhsa, Silisia râh liata Tarsâ khihpa châ na ta, khitaw chyhsa châ va na. Zawpi hnohta bie rei eina pasai awpa chi ta ei châ haw,” tah ta.

HMOTAOPAZY 24:25

Siana kyh nata asohsina kyh nata ryureina a vaw y awpa kyhzy Pawla ta a reih nahta, Felika cha chi ngaita ta, “Vawh chy la, daihti rypaohpa ei hnei tita ei cha aw heih aw,” tah ta.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

KAOLAOSÂ 4:6

Chyhsa to hnohta namâ chhyzie awpa nama pahno thei nawpa ta, nama reikah a puapa cha, khatino rai ta ngiachhiena ta bie sala, alôh hawhta iahpa châ lymâ mawh sy.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

HEBRAI 6:1

Chavâta Krista thâtih pachu pathaonazy tawhta laiseih lymâpa ta, pitlohna lâ pangai ei suh u. Hmotao thipazy liata rona lôbôzy bô chanei leipa ta, Khazohpa ngiapâna,

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

1 PITY 3:2

Nama zachhihna nata pathaihna hro nama vahpazy ta ama hmô tita, âmo cha nama pahnie thei aw.

1 PITY 3:4

chhôh lâta atobina, chhithaina a tleih beih leipa, nônaina nata achalihna palôh ta tlao a tobipa châ mawh sy. Cha cha Khazohpa mohmô ta a sôh ngaita.

1 SAMUELA 12:7

Chavâta tahmâ a chalihpa ta a duah u la, Abeipa ta nama chô liata nata châ pathlatuhpazy chô liata siana hmo a tao tyhnazie zy kha, Abeipa hmiakô liata ei châ laichadaikhei aw ei.