1 PITY 3:11 - Mara Bible RV (BSI)

¹¹ Moleina a heihsai sala, Hmo pha tao mawh sy; Thlalôhna tlua sala, A chadai lymâ mawh sy.

1 PITY 3:11 ပူးပေါင်းရင်းမြစ်များ

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

ZAWBÂ 2:3

Abeipa chata Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ. A chhâpa y leipa ta ano cha pahleipadia awpa ta na pasyu chi ta, châhrasala â dona cha â ipa ta khâ a patu,” tah ta.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 125:4

Hy Abeipa, chyhsa phapazy hnohta hmo phapa tao la, Palôh dopazy hnohta hmo phapa tao mah y!

HLAZY 34:14

Moleina a heihsaipa ta hmopha tao la, Adyhna tlua la, a chadai mah y.

HLAZY 37:27

Moleina siesai la, Hmo pha tao mah y; Chatanachata he râh liata khâ na pahrâ aw.

BIESOZY 16:17

Chyhsa dopa lâlai cha moleina chahrih ta, A lâpi a phapa ta a vaihpa cha a hrona a pabohsa.

BIESOZY 16:6

Kyhpachâna nata ngâchhihna ta moleina chatlai ta, Abeipa chipa vâta chyhsa ta moleina a siesai tyh.

BIESOZY 3:7

Nâma pachâ ta a pasosa leipa la, Abeipa chi la, Moleina siesai mah y.

MATHAI 5:45

Chatanachata nama Paw avâ liata a ypa sawzy nama châ aw. Ano cha chyhsa chhiepa nata phapa chô liata noh pachhisa ta, chyhsa siapa nata sialeipa chô liata chhao avâ a pasuasa tyh.

MATHAI 5:9

“Aryhna taotuhpazy ama nohlao na, Khazohpa sawzy bipa ama châ awpa vâta.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

MÂKA 14:7

Dyhchhiepazy cha nama hnohta khâ a ypa châ ei ta, nama khona maihta ama châta hmo pha nama tao thei. Kei deikua cha, nama hnohta khâ a y awpa châ va na.

LUKA 1:79

Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

LUKA 6:35

Nama khakhaipazy kyh pachâ u la, ama phana awpa tao u la, a vaw kua heih awpa hnabeiseih leipa ta dyu pacheisa teh u. Chatanachata nama lymâ hluh aw ta, Chônôchaipa sawzy nama châ aw. Ano cha alyna châh pahno leipazy nata moleipazy chhao a ngiachhie theipa a châ.

LUKA 6:9

Zisu ta ama hnohta, “Ei cha hiahri ei, Pahânoh ta khâpa tao awpa ma ryhpa ta a pasaih, hmo pha tao awpa ma, hmo chhie tao awpa maw? Hrona pabohsapa ma, hrona pahleipadiapa maw?” tah ta.

ZAWHÂNA 17:15

Âmo cha khizaw tawhta la awpa ta châ haw va na, moleipa tawhta hrôbieh awpa ta ei châ haw.

RAWMA 12:18

Tao theipa a châ khiahta la, nâmo lâ tawh chhâ ta chyhsa zydua nata a ryhpa ta y teh u.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RAWMA 14:19

Chavâta thlalôhna a tlôkhei awpa nata tha a patlô raihriena a châ awpa hmozy a chadai lymâ suh u.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

RAWMA 7:19

Ei tao khohpa hmo phapa tao leipa na ta, ei tao khoh leipa hmo chhiepa ei tao tyh.

RAWMA 7:21

Chatanachata he ryhpa he ei vaw pahno haw: Hmo phapa tao ei khoh nahta, moleina ta einâ vaw hnia ha tyh.

RAWMA 8:6

Sapa hmo pachâna cha thina châ ta, Thlahpa hmo pachâna deikua cha, hrona nata thlalôhna a châ.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

KALATIA 6:10

Chavâta rypaohna eima hneipa hawhta, chyhsa zydua chô liata hmopha tao sih la, ngiapâtuhpa chhôhkhazy chô liata tao pachai suh u.

KAOLAOSÂ 3:15

Krista thlalôhna ta nama palôh liata ryureih mawh sy. Cha hawhta châ awpa ta pôhpa miakha liata awpa nama châ. Chavâta a ly teh u.

1 TIMAWTHY 6:18

Hmopha ama tao awpa châ ta, hmopha taona liata hneirôhpa ta, riaphapa ta, ama hneina mohropazy amâ chhaih hra awpa a châ.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

HEBRAI 13:16

Hmo pha tao my leipa u la, nama hneipazy a chhaih awpa my khuh vy. Cha hawhpa atheihnazy ta Khazohpa a palysa.

ZÂMIE 4:17

Chavâta ahy rai hmo pha tao awpa pahno thlâh ha ta, a tao tlôh leipa cha, ano châta moleina a châ.

1 PITY 3:12

Abeipa mo cha mosiapazy chô liata y ta, Ama thlahchhâna lâ nah a pachôh tyh. Moleipazy deikua cha, Abeipa hmia ta â dyuh tyh ei.”

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.

RYUREITUHPAZY 11:14

Zephathâ ta Amawna bei hnohta lyuhchâpa tuah heih ta,