1 PITY 3:1 - Mara Bible RV (BSI)

¹ Cha hawhna chata nâmo, lapinô saih u, nama vahpazy rei a ngiah teh u. Chatanachata Khazohpa bie a zyh leipa vahpazy ama y khiahta cha, bie ta chho cheingei hlei leipa chhao ta, ama lapinôzy hrozie ta pahniepa ta ama y thei aw.

1 PITY 3:1 ပူးပေါင်းရင်းမြစ်များ

ÂTHAONA 3:16

Chanô hnohta, “Sawphaona liata na rietheina thata papôh aw na ta, Riethei pasa ngaitapa ta saw na sa aw. Na khona cha na vahpa châta châ aw ta, Ano ta na chô liata bie a hnei aw,” tah ta.

BIESOZY 11:30

Mosiapa thei cha hrona tho châ ta, Chyhsa hro a pahnietuhpa cha asopa a châ.

BIESOZY 18:19

Unawh pasasa hapa cha khihpi thatlôpa hlâta pahnie ru via ta, Cha hawpa ahryuna cha thokhy tlâh hawhta a châ.

MATHAI 18:15

“Na unawhpa ta na chô liata hmo a parao khiahta cha, ano lâ charei la, ano nata nâma deita pahnopa ta â do leina cha chho mah y. A cha nathlie khiahta cha, na unawhpa cha na pahnie hapa a châ.

RAWMA 10:16

Isai ta, “Abeipa, eima bie reipa ahy ma a ngiapâ?” a tahpa hawhta, thâtihpha cha ama zydua ta zyh khai veih ei.

RAWMA 6:17

Châhrasala Khazohpa cha reithaipa ta y mawh sy! Nâmo, eikhano ta moleina sei a châ tyhpazy chi kha, ama pachunazy palôh hmeiseihpa ta a zyhtuhpazy nama vaw châ haw.

RAWMA 7:2

Vahpa a hneipa chanô châta, a vahpa hro chhôh cha, ryhpa ta a vahpa liata a chahry. A vahpa a thi tawh deikua cha, ahneina ryhpa tawhta a pua haw.

1 KAWRINI 11:3

He deikua he nama pahno awpa ei khoh: Chapaw luh cha Krista châ ta, chanô luh cha chapaw châ ta, Krista luh cha Khazohpa a châ.

1 KAWRINI 14:34

chanôzy cha Awnanopa pakhynazy liata a chalihpa ta y mawh ei sy. Bie rei pasaipa châ veih ei. Ryhpa ta a reipa hawhta, a ngiarihpa ta ama y awpa a châ.

1 KAWRINI 7:16

Hy lapinô y, na vahpa na pachha thei awpa nata pachha thei lei awpa kyh kheihta na pahno? Hy vahpa y, na lapinô na pachha thei awpa nata pachha thei lei awpa kyh kheihta na pahno?

EPHESI 5:33

Khâpa rai châ sala, ahy rai ta ano kyh â pachâpa hawhta a lapinô kyhpachâ sala, lapinô chhao ta a vahpa za thai mawh sy.

KAOLAOSÂ 3:18

Lapinô saih u, Abeipa liata namâ ngiarihpa hawhta, nama vahpazy liata a ngiarih teh u.

KAOLAOSÂ 4:5

Rypaohna patu thai lymâpa ta, khôtho chyhsazy liata so ngaitapa ta y teh u.

2 THYSALAWNIKA 1:8

Khazohpa a pahno leipazy nata eima Beipa Zisu Krista thâtihpha a zyh leipazy chô liata deikua phuh a la aw.

HEBRAI 11:8

Ngiapâna ta Abarahâ cha a ryuto râh lâ sie awpa ta awna zyh ta, khataih lâ ma a sie aw tahpa a pahno leipa chhao ta, a sie lymâ.

HEBRAI 5:9

chavâta pakipa ta taopa vaw châ ta, a rei a ngiahpa zydua châta chhâzaw pachhana hnawh a vaw châ haw.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 3:2

Nama zachhihna nata pathaihna hro nama vahpazy ta ama hmô tita, âmo cha nama pahnie thei aw.

1 PITY 3:7

Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?