1 PITY 2:9 - Mara Bible RV (BSI)

⁹ Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 PITY 2:9 ပူးပေါင်းရင်းမြစ်များ

HLAZY 106:5

Chatanachata nâ tlyhpazy byhnâ topa to hra aw na ta, Na phopi thaphana liata a lypa ta, Na ryuto rônahna liata ei hlao hra aw.

HLAZY 118:27

Abeipa cha Khazohpa châ ta, Eima chô liata a khaihna a pakhaihsa haw. Atheihna sahroh cha chaori ta hraih u la, Maisâh kizy liata hraih teh u!

HLAZY 135:4

Abeipa ta ano châta Zakaw a tlyh ta, A ryuto châta Izarei cha â tlyh.

HLAZY 22:30

A chipathla ta ano cha chakao aw ta, Chhâ vaw y awpa hnohta Abeipa thâtih chhopa a châ aw.

HLAZY 33:12

Abeipa a Khazohpa ta a hneipa râh cha, Râh huhiehpa châ ta; A ryuto châta â tlyhpa phopi chhao, Phopi huhiehpa a châ.

HLAZY 73:15

“Cha hawhta ei reih aw,” tah aw sah la, Na sawzy chhâ he a paphasaipa ei châ aw.

ISAI 26:2

Ngiapâna a vaopa phopi siapa a ngia nawpa ta, Thokhy chhikaozy pahy teh u.

ISAI 41:8

Nâ deikua cha, Hy Izarei, Nâ chakaotuhpa na châ; Hy Zakaw, ei tlyhpa châ chi ta, Ei viasapa Abarahâ chipathla na châ.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 44:1

“Tahmâ deikua cha, Hy nâ chakaotuhpa Zakaw y, nathlie la, Ei tlyhpa Izarei y, thei mah y!

ISAI 61:6

Nâmo deikua cha, Abeipa theihthaipazy tahpa châ aw ei chi ta, Eima Khazohpa chakaotuhpazy ama cha tah aw. Râh hropazy hneirôna nie aw ei chi ta, Ama rônahna namâ palaikhei aw.

ISAI 62:12

Chatanachata Izarei sawzy cha, Phopi Pathaihpa tah aw ei ta, Abeipa Chatlaipa ama tah aw. Nâ, Zerusale khihpi chhao, Tluapapuapa Khihpi cha tah aw ei ta; Pathlua Leipa Khihpi ama cha tah aw.’”

ISAI 66:21

Ama hry liata thokha cha theihthaipa châta nata Livai chyhsa châ zy ta ei la aw ei,” Abeipa ta a tah.

ISAI 9:2

Zohna liata a chareipa phopi ta, Khaihna rônahpa hmô ei ta; Thina nohpahli râh liata a pahrâpazy chô liata, Khaihna a vaw khaih haw.

MALAKHAI 3:17

“Ei ryu sôhpazy ei paki ti ei ta, kei eih châ aw ei ta, paw ta ano palôh a hmôpa a sawchapawpa a hrôbiehpa hawhta âmo cha ei hrôbieh aw ei,” Pheisaihzy Abeipa ta a tah.

MATHAI 4:16

Zohna liata a tyuhpazy ta Khaihna rônahpa ama hmô haw; Thina nohpahli râh liata atyuhpazy chô liata, Khaihpa a vaw khaih haw,” tahpa ta a reipa kha a vaw tlô thei nawpa ta a châ.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

LUKA 1:79

Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

ZAWHÂNA 17:19

Biehmeiseihpa liata pathaisapa ama châ thei nawpa ta, âmo vâta keimasasyh ta ei pathaisa.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

HMOTAOPAZY 26:28

Akripâ ta Pawla hnohta, “Buakhata reipasao ta, Krizyhpa ta tao awpa ma einâ chhuah chi?” tah ta.

RAWMA 9:24

Cha ngiachhiena beihzy cha, keimo, Zuzy hry tawhta a awpazy dei châ leipa pi ta, Zenitaizy hry tawhta a awpazy chhao eima châ hra.

1 KAWRINI 3:17

Ahy rai Khazohpa Achhyna o a parao khiahta cha, cha chyhsa cha Khazohpa ta a parao aw. Khazohpa Achhyna o cha pathaih tlôh ta, cha Achhyna o cha nâmo nama châ.

EPHESI 1:14

Ano cha Khazohpa rônahna reithai nawpa ta, Khazohpa ta a ryutozy a chatlai hlâ chhao ta, cha ryuto cha eima hmô tlai aw tahpa pa-ina sôhkâ a châ.

EPHESI 1:6

A ngiachhiena rônahzie reithai awpa ta, saw châna cha a Kyhpachâpa liata a saipa ta miah a pie.

EPHESI 3:21

Awnanopa liata nata Krista Zisu liata rônahna cha, chhâ zydua hnohta chhâzaw nata tlyzaw ta y mawh sy. Amen.

RYHPACHANEINA 10:15

Cha hawhpa Abeipa chata châ pathlatuhpazy chô liata a palôh tlâh ta, ama kyhpachâ ta, tanoh nama châna hawhna heta, nâmo, ama pathlazy cha phopi zydua chô lâta cha sopa ta, a châ tlyhpa ei a châ hih.

RYHPACHANEINA 14:2

Abeipa nama Khazohpa châta phopi pathaihpa châ ei chi ta, Abeipa ta ano ryuto châ awpa ta alei chô liata phopi zydua hry tawhta â tlyh eihpa nama châ.

RYHPACHANEINA 18:2

Ama unawhzy hry liata ryuto hnei aw veih ei. Abeipa ta bie â taihpa hawh ei ta, Abeipa cha ama ryuto a châ.

RYHPACHANEINA 4:20

Tanoh nama châna hawhna heta, Abeipa ta a ryuto phopi châ awpa ta, Izi râh tawhta, thua patisana mei tawhta cha la papua ei ta, a châ kaw chhi papuapa ei kha a thei thlâh ha muh vy.

RYHPACHANEINA 7:6

“Abeipa nama Khazohpa châta phopi pathaihpa nama châ. Abeipa nama Khazohpa ta ano ryu sôhpa châ awpa ta, alei chô liata phopi zydua hry tawhta â tlyhpa nama châ.

PHILIPI 3:14

Khazohpa ta Krista Zisu liata chô lâ eina awna chhâpa lymâ hmô awpa ta, anuapa lâ pangaipa ta ei sie lylia.

KAOLAOSÂ 1:13

Khazohpa ta zohna biehneina tawhta miah pachha ta, a Sawchapawpa kyhpachâ ngaitapa khinarâh lâ miah â chhi haw.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

BIEPHUAH 1:6

khinarâh ta miah padua ta, a Khazohpa nata a Paw lâta theihthaipa ta miah taotuhpa Zisu Krista hnohta, ano hnohna tlai chata rônahna nata biehneina chhâzaw nata tlyzaw ta y mawh sy! Amen.

BIEPHUAH 20:6

Thyuheihna eikhana liata a hlaopazy cha nohlao ei ta, ama pathaih. Thina einona ta ama chô liata biehnei khao aw vei. Khazohpa nata Krista theihthaipazy châ aw ei ta, a hnohta kô sâh kha ryu ama reih aw.

BIEPHUAH 5:10

Âmo cha eima Khazohpa châta khinarâh ta padua chi ta, Theihthaipazy ta na tao ei; Alei liata ryu ama reih aw,” tahpa ta hla thiehpa ma sa ei ta.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.