1 PITY 2:8 - Mara Bible RV (BSI)

⁸ Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

1 PITY 2:8 ပူးပေါင်းရင်းမြစ်များ

ZAWBÂ 23:14

Keima châta a raopa cha a patlô aw, Cha hawhpa hmo cha a hluhpi a hnei.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

ISAI 37:26

“Cha hmozy cha, Khahlâ tawhta ei vaw rao hapa a châzie Thei beih va chi ma? Thokhy khihpizy cha, Raona apachona khihpizy lâta na tao awpa kyh, Hlâno tawhta ei vaw pachhuah hapa cha, Tahmâ ei vaw patlôsa hih.

ISAI 57:14

Abeipa ta hetana heta a tah: “Padua u la, padua u la, Lâpi a chhuahdy teh u; Ei phopi lâpi liata Pakhâpadiena a ypazy thy khai teh u.”

ISAI 8:14

Ano cha supathaihpa châ aw ta, Izarei phopi mianopazy châta deikua cha, Moleina lô châ aw ta, Achapiana lôpanô a châ aw. Zerusale khihsawzy châta chhao, Aphyh nata khoheih a châ aw.

LUKA 2:34

Simeôna ta âmo cha byhnâ awpa ta, a nô Mâri hnohta, “Pachâ teh, he hawti he Izarei hry liata chyhsa hluhpi paona nata thyuna châta raopa a châ. Ano cha ngiana châ aw ta, chyhsa hluhpi ta ama reipachhie aw.

RAWMA 9:22

Khazohpa ta a hiehâhna palâsa ta, a hmotaotheina pahnosa awpa khoh hra sala, hiehâhna beih a leidia tlâhpazy chô liata palôh pasi ngaitapa ta a dao lylia khiahta cha, khâpa a pei aw?

1 KAWRINI 1:23

Keimo deikua cha, Krista khaipâpa thâtih eima chho. Cha cha Zuzy châta achapiana châ ta, Zenitaizy châta hruna a châ.

2 KAWRINI 2:16

py kha châta thina tawhta thina lâ ropahâhpa châ pi ta, py hropa châta hrona tawhta hrona lâ ropahâhpa eima châ. Chazy châta ahy a tloh thei aw?

KALATIA 5:11

Unawh saih u, kei he chopawtaipa aduakheina bie a chhopa cha vaw châ ha sah la, khazia taolapa ta ei y pyly? Cha hawhta châ sala, kraws vâta tymâna he a y lei awpa tlai.

1 THYSALAWNIKA 5:9

Khazohpa ta hiehâhna pasa tao awpa ta miah rao leipa ta, eima Beipa Zisu Krista zawhzi ta pachhana hmô awpa ta tlao miah a rao.

1 PITY 2:6

Chavâta Biehrai liata, “Moh teh u, Zaio liata alô paryh na ta, Ano cha a ki liata alô sôhpa nata atlyhpa châ ta; Ahy rai ano a ngiapâpa cha, Maophyuh aw vei,” tahpa ta ropa a châ.

1 PITY 2:7

Chavâta Krista cha nâmo, ngiapâtuhpazy châta hmo sôh ngaitapa châ ta, ngiapâleipazy châta deikua cha, “O satuhpazy kho leipa alô cha, A ki liata alô phahnai chaipa a vaw châ haw;

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

ZUDÂH 1:4

Chyhsa thokha, kha hlâ tawhta thaileichâ awpa ta rao chiehpazy arulâta amâ vaw ngia. Cha chyhsazy cha Khazohpa a uasa leipazy châ ei ta, eima Khazohpa ngiachhiena cha parâna châta hmâh ei ta, eima Hyutuhpa nata eima Beipa hnei chhôhpa Zisu Krista a paphasaipazy ama châ.