1 PITY 2:24 - Mara Bible RV (BSI)

²⁴ Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 2:24 ပူးပေါင်းရင်းမြစ်များ

ÂTHAONA 22:6

Abarahâ ta raopa hlâ nawpa tho cha la ta, a sawchapawpa Aisika cha papiasa ta, ano ta mei nata chaizôh chaba ta, ama pano ta hmaohkha ta ama sie haw.

HLAZY 147:3

Palôh keichheihpazy patlâh ta, Ama hmahzy a chahrypa ei.

HLAZY 38:4

Ei paraona ta ei luh na vao ta, Phaohri hawhta thata eina vi.

PUASAINA 28:38

Cha cha Arawna khi liata y aw ta, Izarei sawzy ta ama hmopiepa pathaihpa châta ama hlâ awpa hmo pathaihpazy liata moleina a ypazy cha, Arawna ta phaoh khai aw ta, Abeipa hmiakô liata a ly tlâh ama châ thei nawpa ta, Arawna khi liata khâ a y thlâh ha awpa a châ.

BIESOZY 20:30

Hmah yna taihta tupa ta moleina pathai ta; Chheinazy ta palôh chhôh chaipazy chhao a pathai tyh.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

THEIHTHAINA 16:22

Mie cha râhchawhpa liata pathlie aw ta, chatanachata ama paraona zydua cha mie ta chyhsa y leina râh lâ a siekhei ha aw.

THEIHTHAINA 22:9

Chavâta ei biepiepazy amâ pyh awpa a châ. Chataleipatala ei hmo pathaihpa ama papuapaleipa vâta ama moleina maoh phaoh aw ei ta, ama thi pathlei aw. Kei he Abeipa âmo pathaisatuhpa ei châ.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MALUHREINA 18:22

Tahmâ tawhta cha, Izarei sawzy ta ahmaohna poh o amâ hnia awpa châ khao vei. Chataleipatala ama moleina ty phaohpa ta ama thi pathlei aw.

MALUHREINA 7:15

raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

MATHAI 27:26

Chatanachata Bârabâ cha papua ta, Zisu deikua cha a pachheisa khai tawhta, khaipâ awpa ta hlâ ha ta.

MATHAI 5:20

Ei cha chho ei, nama siana cha ryhpa pachutuhpazy nata Phârisaihzy siana hlâta a sia via vei khiahta cha, vârâh khinarâh a ngia thei aw veih ei chi.

MATHAI 8:17

Cha hmo cha hrohsopa Isai ta, “Ano ta eima pasanazy a la ta, eima hriiahzy miah a phaopa,” tahpa ta a reipa kha a vaw tlô thei nawpa ta a châ.

MÂKA 15:15

Pilâ ta zawpi palysa khohpa ta, Bârabâ cha papua ta, Zisu cha a chhei khai nahta, khaipâ awpa ta hlâ ha ta.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

ZAWHÂNA 19:1

Pilâ ta Zisu cha a chhi ta, pachheisa ta.

HMOTAOPAZY 10:35

Phopi to hry liata ahy rai ano a chipa nata hmo dopa a taopa maih cha Khazohpa ta â ly khai ei.

HMOTAOPAZY 10:39

Keimo he Zu khitawzy liata nata Zerusale khihpi liata Zisu hmotaopa zydua a pahnotuhpa eima châ. Ano cha tho liata pangiehpa ta thie ei ta.

HMOTAOPAZY 13:29

A thâtih ro chhieliepa zydua ama patlôsa khai nahta, tho tawhta la ei ta, thlâ liata pazia ei ta.

HMOTAOPAZY 5:30

Nâmo ta tho liata khaipâpa ta nama thiepa Zisu kha, miah pathlatuhpazy Khazohpa ta a pathyu haw.

RAWMA 6:11

Cha hawhna chata nâmo chhao, moleina lâ kyh liata a thi hapa ta a rao u la, Khazohpa lâ kyh liata deikua cha, Krista Zisu liata a hrohpa ta a rao teh u.

RAWMA 6:13

Nama pôhpa pachiahpazy cha, sialeina chhaichhi châta moleina lâta hlâ leipa u la, thina tawhta hrona lâ chhihthapazy nama châpa hawhta, Khazohpa lâta a hlâ u la, nama pôhpa pachiahpazy cha siana chhaichhi châta Khazohpa lâta hlâ teh u.

RAWMA 6:16

Ahy lia rai ta ama bie zyh awpa ta sei ta namâ ngia khiahta cha, a bie nama zyhpa sei nama châ tahpa pahno veih ei chi ma? Moleina sei ta namâ ngia khiahta cha, thina lâ châ chhi aw ei ta, reingiahna sei ta namâ ngia khiahta cha, siana lâ a châ chhi aw ei.

RAWMA 6:2

Châ bao va! Keimo moleina a thisai hapazy pi ta cha, kheihta ma moleina liata eima y thei khao aw?

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RAWMA 6:7

A thi hapa cha moleina tawhta a pua haw.

RAWMA 7:6

Tahmâ deikua cha, miah a chahrypa cha thisaipa ta, ryhpa tawhta eima pua haw. Chatanachata châropa parohpa siezie hawhta châ khao leipa ta, Thlahpa hro thiehpa ta eima chakao thei haw.

1 KAWRINI 15:3

Hezy he bie peimawh chaipa ei daopa nâmo ei cha chho pachhuahpa ei kha a châ: Biehrai bie hawhta Krista cha eima moleina vâta thi ta,

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

KAOLAOSÂ 2:14

Ku ta ropa ryhpazy cha miah dyuhtuhpa nata miah chakhiatuhpa châ ei ta, châhrasala zyh awpa ta eimâ bâh tlôhpazy ama châ. Krista deikua cha eimâ bâhpa zydua phie ta, kraws liata khaipâpa ta pahlei ta, eima moleina zydua miah ngiahthaituhpa a châ.

KAOLAOSÂ 2:20

Khizaw hroziezy cha Krista liata nama thisai ha khiahta cha, khazia khizaw hrozie ta a hroh chypa hawhta, ryhpazy liata namâ ngiarih thlâh ha chy?

KAOLAOSÂ 3:3

Thi ha ei chi ta, nama hrona cha Khazohpa liata Krista hnohta nyupa ta a y haw.

HEBRAI 10:10

Cha hmochhuahpa hawhna chata, chhâzaw châta ei kha hlâpa Zisu Krista pôhpa ta pathaisapa ta eima y haw.

HEBRAI 10:5

Chavâta khizaw lâ â zu nona khata, Krista ta, “Atheihna nata hmohlâpazy khoh leipa chi ta, Pôhpa tlao nâ chhuanohpa chi ta,

HEBRAI 12:13

Pheisypa cha a ru a suhlie leipa ta, patlâhpa a châ thei nawpa ta, nama pheizy châta lâpi patlâpazy tao teh u.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

ZÂMIE 5:16

Chavâta patlâhpa ta nama y thei nawpa ta, nama moleinazy reihpha a cheih raihrie u la, thlah a chhâkhei raihrie teh u. Chyhsa siapa thlahchhâna ta hmo rônahpa a tao tyh.

1 ZAWHÂNA 2:29

Ano cha mosiapa a châ tahpa nama pahno khiahta cha, siana a hrokheipa maih cha ano sapa a châ tahpa nama pahno aw.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.

BIEPHUAH 22:2

Khihpi lâlai liah liata loh ta. Chavah ngiahkâ chavei chachâh ta, thei chi hrawh hleino a hneipa, thla chareih ta a patheipa hrona tho pyuh ta. Thohnazy cha phopizy tlâh nawpa a châ.