1 PITY 2:21 - Mara Bible RV (BSI)

²¹ Krista kha nâmo châta pasa a taopa vâta, nâmo chhao pasa tao awpa ta awpa châ ei chi ta, a pheihnie nama pazi thei nawpa ta a mopâ awpa a cha sopa ei.

1 PITY 2:21 ပူးပေါင်းရင်းမြစ်များ

HLAZY 85:13

Abeipa hmia lâta siana sie aw ta, A hniezy cha lâpi ta a tao aw.

MATHAI 10:38

Ahy rai a kraws a piapa ta nâ zi leipa cha, ei chyhsa tlâh châ vei.

MATHAI 11:29

Ei raopaky a ky u la, kei tawhta a chu teh u. Kei cha areisipa nata palôh nônaipa ei châ. Nama thlahpazy châta apahâna nama hmô aw.

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

LUKA 24:26

Mesia cha, cha hmozy cha pasa taopa ta a rônahna liata â ngia awpa châ vei ma?” tah ta.

ZAWHÂNA 13:15

Nama chô liata ei taopa hawhta, nâmo chhao tao hra awpa ta, pamosana ei cha taopa ei.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

HMOTAOPAZY 17:3

Mesia cha riethei a tao awpa a châna nata athihpa hry tawhta a thyu heih awpa kyhzy chhopasiapa ta, pahmô pasiasa tyh ta, “He Zisu, a thâtih ei cha chhopa ei he, Mesia cha a châ,” tah ta.

HMOTAOPAZY 9:16

Ei moh vâta riethei khatlu ta ma a tao aw tahpa ei pahmôsa aw,” tah ta.

RAWMA 8:29

A pahno chhieliepazy cha, a Sawchapawpa hawhta y awpa ta a rao chhielie ei. Chatanachata a Sawchapawpa cha unawh hluhpi hry liata sawchapaw uhtheipa a châ aw.

1 KAWRINI 11:1

Kei ta Krista hâ ei lapa hawhna heta, nâmo chhao ei hâ nâ la hra teh u.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

PHILIPI 2:5

He palôh Krista Zisu liata a ypa he nâmo liata chhao y hra mawh sy:

1 THYSALAWNIKA 3:3

Pasa taonazy vâna heta ahy hmah a chalyu khuh vy. He hawhta pasa tao awpa ta raopa eima châ tahpa nâmo chhao ta nama pahno.

1 THYSALAWNIKA 4:2

Abeipa Zisu biehneina hmâpa ta biepiepa eima cha piepazy kha nama pahno.

2 TIMAWTHY 3:12

Hmeiseih ta la, Khazohpa khozie hawhta Krista Zisu liata hro a chhuahpa zydua cha taolana amâ tyh aw.

HEBRAI 2:10

Ano châta nata ano zawhzi ta ato a ypa Khazohpa ta, saw hluhpi rônahna lâ a chhipa ta ama pachhana a taotuhpa Krista cha, pasa taona siepahliepa ta pakina patosa â chhuahpa cha, a châna awpa rai a châ.

1 PITY 1:20

Ano cha leilô y hlâ tawhta pahno chhieliepa châ ta, nâmo châ deikua ta cha daihti hnôhchaipazy liata palâhâhpa a châ.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.

1 PITY 4:1

Krista cha sapa ta pasa a taopa a châpa vâta, nâmo chhao, cha hawhpa pachâna chata a tobi hra teh u. Sapa ta pasa a tao hapa cha moleina a bâhsaipa a châ.

1 PITY 4:13

Krista rônahna â vaw luah tita, thaphapa ta namâ ly thei nawpa ta, Krista pasataona a hlykheituhpazy nama châ.

1 ZAWHÂNA 2:6

Ano liata ei y a tahtuhpa cha, ano hrozie hawhta a hroh hra awpa a châ.

1 ZAWHÂNA 3:16

He liana heta kyhpachâna cha khâpa ma a châ tahpa eima pahno: Krista ta keimo châta a hrona a piepa hawhta, keimo chhao unawhzy châta eima hrona eima pie hra awpa a châ.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.