1 PITY 2:20 - Mara Bible RV (BSI)

²⁰ Tuna pasataona namâ tyh tita, tiama kawpa ta dao thei hra u la, moleina hmo nama taopa vâta namâ tyhpa a châ khiahta cha, khâpa phahnaina a hnei? Hmo pha taopa vâta pasa tao ei chi ta, tiama kawpa ta nama dao thei khiahta deikua cha, cha cha Khazohpa hmiakô liata palyupalihna a to tlâh a châ.

1 PITY 2:20 ပူးပေါင်းရင်းမြစ်များ

MATHAI 26:67

A hmia liata ama pachih ta pachhao ei ta, tu ei ta, thokha ta chabaih ei ta,

MATHAI 5:47

Nama unawhzy deita bie namâ chho khiahta cha, chyhsa hropazy hlâta nama tao viana khâpa a y? Zenitaizy chhao ta cha hawhpa cha tao thlâh ha veih ei ma?

MÂKA 14:65

Thokha ta Zisu cha ama pachih ta pachhao ei ta, a hmia pahly ei ta, tu ei ta, a hnohta “Hrohsona bie cha phuah châh chi!” tah ei ta. Vaituhpazy ta amâ chhi pâ ta chabaih ei ta.

LUKA 6:32

“Kyh châ pachâtuhpazy deita kyh nama pachâ khiahta cha, khâpa athôhna ma nama hmô aw? Chyhsa moleipazy chhao ta kyh a pachâtuhpa cha kyh ama pachâ thei mâh tâh.

1 KAWRINI 4:11

Tahmâ taih chhao heta nodipa ta eima dâhphi ta, chysia miah vao leipa ta, taochhiepa ta y pi ta, o chhao hnei ma pi.

KALATIA 4:18

Achhuahna phapa châta la, nama hnohta ei y nota dei châ leipa ta, khatino rai ta phahnai a ngiahpa a pha.

EPHESI 5:10

Abeipa khopa khâpa ma a châ tahpa pahnopasia a chhuah teh u.

PHILIPI 4:18

Châhrasala ato hnei na ta, ei hnei hluh ngaita. Epâpharôditâ ku liata hmosaipiepazy eina vaw paphaopa ei chi kha vaw hmô na ta, ei dôkhâ haw. Nama hmosaipiepazy kha atheihna a pyh tlâhpa nata Khazohpa a palysapa, ropahâhpa hmohlâpa a châ.

1 PITY 2:19

Chyhsa ta Khazohpa a pachâpa vâta pasa tao lei awpa taopa ta, pachârôhna a tao hualuapa cha, palyupalihna a to tlâh a châ.

1 PITY 3:14

Siana vâta pasa a taopa nama châ khiahta cha, vânoh nama to aw. Ama cha pachhiparyna chi leipa u la, nôpopa ta y hra khuh vy.

1 PITY 3:17

Moleina hmo taopa vâta pasa taopa hlâta cha, Khazohpa khozie a châ khiahta cha, hmo pha taopa vâta pasa taopa a pha via.