1 PITY 2:1 - Mara Bible RV (BSI)

¹ Chavâta ahaona, haidihaiduana, phapakheina, hiatliana nata reipachhiena zydua bâhsai teh u.

1 PITY 2:1 ပူးပေါင်းရင်းမြစ်များ

ZAWBÂ 36:13

“Palôh liata Khazohpa a hnei leipazy cha, Hiehâhna pachô ei ta; Bâlia ta a chahry no chhao ei ta, Baona hiapa ta awh veih ei.

HLAZY 32:2

Abeipa ta thailei pachâsa leipa ta, A hro liata haidihaiduana a y leipa chyhsa cha a nohlao na.

HLAZY 34:13

Moleina tawhta na paleih vaih la, Haipa bie reipa tawhta na hmao vaih mah y.

HLAZY 37:1

Hmoparaopazy vâta na pachâ chhie leipa sala, Hmo doleipa a taotuhpazy uahva khah y!

HLAZY 73:3

Moleipazy vâphana ei hmô nahta, Apalaipazy ei uahva kaw tyh ei.

BIESOZY 14:30

Palôh alyna cha sapa tlâhna châ ta, Hiatliana deikua cha ru hmyna a châ.

BIESOZY 24:1

Chyhsa moleipazy uahva leipa la, Ama hry liata a hlao awpa chhao tlaichhai khah y.

BIESOZY 24:19

Hmo pha leipa a taotuhpazy vâta na pachâ a parôh leipa la, Moleipazy uahva hra khah y.

BIESOZY 3:31

Thachahra a hmâhpa chyhsa cha uahva leipa la, A lâpi kheihawhpa hmahta a tlyh khah y.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 30:22

Chatawhcha tho khazoh nothlahpa nama khiepa, tâkâ ta nama pahupa nata thua khazoh nothlahpa nama leihpa, ngôh ta nama pahupa zy cha nama papuapalei aw. Hmo pathaih leipazy thy aw ei chi ta, ama hnohta, “Sie syulyu ha teh u!” nama tah aw.

MATHAI 15:7

Nâmo, phapakheipazy saih u, nama yzie kyh liata Isai ta,

MATHAI 23:28

Khôtho lâ chyhsa mohmô liata a sia ngaitapa ta a lâ ei chi ta, nama chhôh lâ deikua cha, phapakheina nata Ryhpa papeisa leina ta a bie.

MATHAI 24:51

chakaotuhpa cha hriechheih aw ta, phapakheipazy to awpa a patosa aw. Cha liata chana nata hâh chariehna a y aw.

MATHAI 7:5

Nâ, phapakheipa, nâma mo liata pâkô kha la ha tua la, chatanachata na unawhpa mo liata mobâ cha a siapa ta hmô aw chi ta, na thaopa thei aw.

MÂKA 12:15

Eima pie aw ma, pie aw vei?” tah ei ta. Zisu ta ama pasuapachao tahpa pahno ta, ama hnohta, “Khazia eina pasia ei chi? Tâkâ dinâri miakha na vaw pie teh u, ei moh tua aw,” tah ta.

LUKA 11:44

Nama hu a po na! Ngiana tao leipa thlâ châ ei chi ta, chyhsazy ta pahno leipa ta ama sie thlu tyhpa thlâ hawhta nama châ,” tah ta.

LUKA 12:1

Cha nona chata, amâ tlypâ ngâna taihta zawpi sâh hluhpi a vaw hmaohpakhy ei ta, Zisu cha a pachupazy hnohta bie reih tua chai ta, “Phârisaihzy thinô liata a vaih teh u, cha cha phapakheina a châ.

LUKA 6:42

Nâma mo liata pâkô a ypa hmô leipa chi ta, kheihta ma na unawhpa hnohta, ‘Unawh, na mo liata mobâ kha cha vaw lapa ha sah,’ na tah thei? Nâ, phapakheipa, nâma mo liata pâkô kha la ha tua la, chatanachata na unawhpa mo liata mobâ la awpa cha a siapa ta na hmô thei aw.

ZAWHÂNA 1:47

Zisu ta Nâthaniah ano lâ â vy haipa a hmô nahta, a thâtih reih ta, “Moh teh u, Izarei saw hmeiseihpa, haidihaiduana rai a hnei leipa chyhsa huh!” tah ta.

RAWMA 1:29

Chatanachata sialeina chi to, apatlana, chhoruna, karâyna nata kiaphaona zy ta bie ei ta, hiatliana, lianycheina, ahryuna, dôveina, nôchhiena nata kyhchhie reina zy ta ama bie.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

1 KAWRINI 5:8

Chavâta Zawpakhô kyhchhi ei suh u. Thinô parohpa, nôchhiena nata moleina thinô ta châ leipa ta, thinô pahlao leipa viahchhâ, palôh dopa nata biehmeiseihpa ta kyhchhi ei suh u.

2 KAWRINI 12:20

Ei vy tita, ei pachâpa hawhta ei cha hmô lei awpa ei chi na ta, nâmo chhao ta nama pachâpa hawhta eina hmô lei awpa ei chi ei ngiaroh kaw. Ahryuna, hiatliana, hiehâhna, akhakhaina, areipachhiena, kyh reina, apasâhsana nata tymâna zy a y pathlei aw tahpa ei chi kaw.

EPHESI 4:31

Ruchhôna, pathiiana, hiehâhna, paphôhna nata reipachhiena zydua nâmo tawhta thy khai teh u.

1 THYSALAWNIKA 2:3

Eima châ hawna kha haiphiana bie tlyma, palôh pathaih leipa tawhta bie a puapa tlyma châ leipa ta, dôvei eima châ chhuahpa châ hra vei.

1 TIMAWTHY 3:11

Cha hawhna chata chanôzy chhao chyhsa zachhihpa, chyhsa kyh a reih leipa, a sohsi theipa nata ato liata ngâchhihpa ama châ awpa a châ.

TITU 2:3

Nôhrâhpazy chhao, ama yzie liata Khazohpa a chizapa, chyhsa kyh a reih leipa nata kresawhti sei ta y leipa ta, hmo phapa pachutuhpazy châ awpa ta pachu mah y.

HEBRAI 12:1

Cha ngiapâna bie pahnokheituhpazy ta meihdo ru ngaitapa hawhta miah ama pahlypa vâna heta, miah pahny pakhawpa maih nata moleina keimo liata khâchâ a baipa cha soh sih la, eima hmiakô liata arâpasuana a ypa liata tiama ngaitapa ta a râ lymâ suh u.

ZÂMIE 1:21

Chavâta apuapa zydua nata moleina to pahlei khai u la, nama thlahpa a pachha theipa, bie chi tupa cha a reisi ngaitapa ta a pyh muh vy.

ZÂMIE 3:14

Nama palôh liata hiatlia pasa kawpa nata khohlei khona a hneipa nama châ khiahta deikua cha, nama sona cha a palaikhei leipa u la, biedopa a dyuhpa ta haipa bie reih khuh vy.

ZÂMIE 4:11

Unawh saih u, nâmo nata nâmo a reipachhie khuh vy. Ahy rai unawhpa a reipachhiepa tlyma, unawhpa a seipa tlyma cha, ryhpa a reipachhiepa nata a seipa a châ. Ryhpa na sei khiahta cha, ryhpa a zyhtuhpa châ leipa chi ta, ryhpa a pachiatuhpa tlao na châ.

ZÂMIE 4:5

Biehrai ta, “Keimo liata pahrâ awpa ta a taopa thlahpa cha tlaichhai ta a hiatlia ngaita,” a tahpa he achhuahna y leipa ta a reipa a châ na ta nama pangiasa ma?

ZÂMIE 5:9

Unawh saih u, seipa ta nama y lei nawpa ta, nâmo nata nâmo a paphôh thlu khuh vy. Moh tua u, Ryureituhpa cha ochhi thaby liata â duah thlâh haw.

1 PITY 2:16

Khotalaipa châ ei chi ta, châhrasala nama khotalaina cha moleina khu nawpa ta nama hmâ awpa châ leipa ta, Khazohpa chakaotuhpazy hawhta tlao nama y awpa a châ.

1 PITY 2:22

Ano cha hmo a parao beih leipa, a pakah liata haidihaiduana a y leipa a châ.

1 PITY 3:10

“Kyhpachâna hro tlaichhai ta, Noh pha a hmô khohpa cha, Moleina liata a paleih vaih sala, Dôveina liata a hmao vaih mawh sy.

1 PITY 4:2

Chatanachata sapa ta nama hro chhôh zydua chyhsapa aohraohnazy liata hroh khao leipa aw ei chi ta, Khazohpa khozie hawhta nama hroh thei aw.

1 PITY 4:4

Cha kyh liata phasa ngaitapa ta ama y tyhpa liata namâ hlao khao leipa ama noâh kaw ta, ama cha reipachhie tyh.

BIEPHUAH 14:5

Ama pakah tawhta haipa bie thei awpa rai y leipa ta, seina hnei leipazy ama châ.