1 PITY 1:3 - Mara Bible RV (BSI)

³ Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

1 PITY 1:3 ပူးပေါင်းရင်းမြစ်များ

1 ABEIZY 8:15

Sawlawmaw ta, “Ei paw Dâvi hnohta a pakah ta bie a taih ta, a ku ta a bietai a patlôtuhpa Abeipa, Izarei Khazohpa cha reithaipa ta y mawh sy!

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

2 THÂTIHZYRONA 31:8

Hezekia nata beimachâzy a vy ei ta, thyuna â pachopazy ama hmô nahta, Abeipa nata a phopi Izarei cha reithai ei ta.

HLAZY 41:13

Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Amen! Amen!

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

PUASAINA 34:6

Abeipa cha Mawsi hmiakô liata vaw sie ta, “Abeipa, Abeipa, zawngiahna nata ngiachhiena Khazohpa, hiehâh rupa, kyhpachâna nata ngâchhihna ta a biepa,

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

ZAWHÂNA 1:13

Cha chyhsazy cha thisaih ta sapa châ leipa ei ta, sapa khozie ta sapa châ hra leipa ei ta, chyhsapa khozie ta sapa châ veih ei. Khazohpa ta a sapazy ama châ.

RAWMA 12:12

Hnabeiseihna liata a ly u la, rietheitaona liata tiama u la, thlahchhâ lylia muh vy.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 8:11

Athihpa hry tawhta Zisu a pathyutuhpa Thlahpa nâmo liata a y khiahta cha, athihpa hry tawhta Krista Zisu a pathyutuhpa chata, nâmo liata a ypa a Thlahpa zawhzi ta, nama pôhpa thi theipazy cha a pahro aw.

RAWMA 8:24

Cha hnabeiseihna vâna chata pachhapa eima châ. Hmô theipa hnabeiseihpa cha, hnabeiseihna châ vei. Hmô hapa cha, ahy ma hnabeiseihpa ta a hâ khao aw?

1 KAWRINI 13:13

Ngiapâna zy, hnabeiseihna zy, kyhpachâna zy he khâ ama y thlâh ha aw. Cha miathôhzy hry liata a rônah chaipa cha kyhpachâna he a châ.

1 KAWRINI 15:20

Châhrasala Krista cha athihpazy hry tawhta pathyupa ta a y hmeiseihpa a châ, a môpazy thyuheihna hmia a sahtuhpa a vaw châ haw.

2 KAWRINI 1:3

Eima Beipa Zisu Krista Khazohpa nata Paw a châpa, zawngiahna Paw nata thlalôhna to Khazohpa cha reithaipa ta y mawh sy.

KALATIA 6:16

Cha ryhpa a zyhpa zydua nata Khazohpa Izarei chô liata thlalôhna nata ngiachhiena y mawh sy.

EPHESI 1:17

Krista nama pahno pasia thei nawpa ta, eima Beipa Zisu Krista Khazohpa, rônahna Paw ta sona nata aluahna Thlahpa a cha pie awpa ei ta thlah ei cha chhâpa ei.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

EPHESI 2:4

Châhrasala ngiachhiena a hnei hluhpa Khazohpa ta kyhpachâna rônahpa ta kyh miah pachâ ta,

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

1 THYSALAWNIKA 4:13

Unawh saih u, hnabeiseihna rai a hnei leipa mohropazy hawhta nama pachâ a rôh lei nawpa ta, a môpazy thâtih nama pahno lei awpa khoh ma pi.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

1 TIMAWTHY 1:14

Chatanachata eima Beipa ngiachhiena cha Krista Zisu liata a ypa ngiapâna nata kyhpachâna chhaota ei chô liata lei thlupa ta a y.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

1 PITY 1:23

Chi rao theipa liata pihpathipa châ leipa ei chi ta, chi rao thei leipa, Khazohpa bie hroh thlâhpa nata a y thlâh hapa liata a pihpathipazy nama châ.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.

1 PITY 3:15

Nama palôh liata deikua cha, Krista cha Abeipa ta hnei u la, hnabeiseihna nama hneina chhâpa châ hiahripa maih a chhy awpa ta khatino rai ta a mâ chiehpa ta y teh u. Cha hawhta nama tao tita deikua, nônaina, zana nata

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.

1 PITY 3:5

Cha hawhna chata hlâno ta chanô pathaihpa, Khazohpa ngiapâtuhpazy chhao khata, ama vahpazy rei a ngiahpa ta, chhôh lâta atobina ta amâ vaw tobi tyh.

1 ZAWHÂNA 2:29

Ano cha mosiapa a châ tahpa nama pahno khiahta cha, siana a hrokheipa maih cha ano sapa a châ tahpa nama pahno aw.

1 ZAWHÂNA 3:3

Ahy rai ano liata hnabeiseihna a hneipa maih cha, ano a pathaihpa hawhta, anosasyh ta â pathaisa tyh.

1 ZAWHÂNA 3:9

Ahy rai Khazohpa tawhta a pihpa cha, Khazohpa chi ano liata a ypa vâta, molei ngâ thlâh aw vei. Khazohpa tawhta a pihpa a châpa vâta, molei ngâ thlâh thei vei.

1 ZAWHÂNA 4:7

Kho ngaitapa saih u, kyh a pachâ raihrie ei suh u. Kyhpachâna cha Khazohpa tawhta a puapa châ ta, kyhpachâna a hneipa maih Khazohpa sapa châ ei ta, Khazohpa a pahnopa ama châ.

1 ZAWHÂNA 5:1

Ahy rai Zisu cha Krista a châ tahpa a ngiapâpa maih cha Khazohpa sapa châ ta, ahy rai a satuhpa kyh a pachâpa cha a sapa chhao kyh a pachâ.

1 ZAWHÂNA 5:18

Khazohpa sapa maihta molei ngâ thlâh ha veih ei tahpa eima pahno. Khazohpa sapa a châna ta ano cha hrôbieh ta, Sâtâ ta hria thei vei.

1 ZAWHÂNA 5:4

Khazohpa sapa maihta khizaw ama tiah tyh. He he khizaw pahniepa ta eima tiahna cha a châ, eimâ ngiapâna hih.